Husn E Salook - Article No. 1271
حسن سلوک - تحریر نمبر 1271
حضرت بایزید بسطامی رحمتہ اللہ علیہ کے پڑوس میں ایک یہودی رہتا تھا ‘ ایک رات ساتھ والے مکان میں ایک بچہ مسلسل روتا رہا آپ نے صبح اس یہودی کے دروازے پر کھڑے ہو کر دستک دی اندر سے ایک عورت کی آواز آئی کہ گھر میں کوئی مرد نہیں ہے ۔ حضرت بایزید بسطامی نے اپنا تعارف کرایا اور خیریت دریافت کی یہودی عورت نے بتایا کہ میرا شوہر کئی ماہ سے سفر پر گیا ہوا ہے اور اس عرصہ میں میرے ہاں بچے کی ولادت ہوئی ہے اور رات بھر وہی بچہ روتا رہتا ہے۔
جمعرات 13 اپریل 2017
آپ نے بچے کے رونے کا سبب پوچھا تو عورت نے بتایا کہ گھر میں اندھیرا رہتا ہے کوئی تیل لانے والا نہیں ہے اور نہ ہی پیسے ہیں میرے شوہر جاتے وقت گھر میں اناج رکھ کر گئے تھے ، اسی پر گزر اوقات کر رہی ہوں ۔ حضرت بایزیدبسطامی رحمتہ اللہ علیہ فوراََ اپنے گھر گئے اور ضرورت کی ہر چیز اس عورت کو مہیا کی اور پھر شام ہونے سے پہلے ہاتھ میں تیل کی کپی لے کر یہودی کے دروازے پر پہنچ گئے کئی روز تک آپ رحمتہ اللہ علیہ اس بے سہارا خاتون کیلئے ضروری چیزیں فراہم کرتے رہیں کہ مکان تاریکی میں نہ ڈوب جائے اور اندھیرے میں اس کا بچہ پھر نہ رونا شروع کردے ۔
(جاری ہے)
کچھ ماہ بعد یہودی سفر سے واپس آگیا اور اس کی بیوی نے تمام حالات کا اس سے ذکر کیا تو وہ بہت خوش ہوا اور شکریہ ادا کرنے کیلئے حضرت بایزید بسطامی رحمتہ اللہ علیہ کی خدمت میں حاضر ہوا، آپ رحمتہ اللہ علیہ نے فرمایا کہ بھائی شکریہ کی ضرورت نہیں یہ تو میرا فرض تھا جس کو میں نے پورا کیا اگر میں ایسا نہ کرتا تو سخت گنہگار ہوتا کیونکہ ہمارے دین میں پڑوسی کے بڑے حقوق ہیں ۔ یہودی نے حضرت بایزید بسطامی رحمتہ اللہ علیہ سے عرض کی حضور مجھے بھی اسی دین کی چادر رحمت میں چھپا لو اور اسی آقا ﷺ کا کلمہ پڑھا دو جہاں کی غلامی کی وجہ سے آپ اس بلند مرتبے پر فائز ہیں ۔
حضرت بایزید بسطامی رحمتہ اللہ علیہ نے اس یہودی کو اسی وقت مسلمان کیا۔ یہ عالی اخلاق کی ایک مثال ہے جس کی وجہ سے ایک یہودی اسلام کے دائرے میں دخل ہوا تاریخ ایسی مثالوں سے بھری پڑی جب غیر مسلموں نے مسلمانوں کے حسن اخلاق کی وجہ سے اسلام قبول کیا‘ ایسے واقعات طمانچہ ہیں ان لوگوں کے منہ پر جو کہتے ہیں کہ اسلام تلوار کے زور پھیلا‘ درحقیقت اسلام مسلمانوں کے حسن اخلاق کی وجہ سے پھیلا‘ آج کے مسلمان اخلاق سے بہت دور ہیں جس کی وجہ سے ذلیل ہو رہے ہیں اگر آج کے مسلمان نبی اکرم ﷺ کے اخلاق حسنہ اپنالے تو دنیا وآخرت میں کامیاب ہوجائے۔
Browse More Urdu Literature Articles
کتنے یگ بیت گئے
Kitne Yug Beet Gaye
پروین شاکر کی حادثاتی موت کی نامکمل تحقیقات
Parveen Shakir Ki Hadsati Maut Ki Namukammal Tehqiqat
جلتی ہوا کا گیت
Jalti Hawa Ka Geet
ماں اور پروین شاکر
Maan Aur Parveen Shakir
پروین شاکر کا رثائی شعور
Parveen Shakir Ka Rasai Shaoor
ریت
Rait
لا حاصل از خود
La Hasil Az Khud
فقیرن
Faqeeran
داستان عزم
Dastaan E Azm
محمد فاروق عزمی کا پرعزم اور پر تاثیر قلمی سفر
Mohammad Farooq Azmi Ka PurAzam Aur PurTaseer Qalmi Safar
حلیمہ خان کا تقسیم 1947 کے شہداء کو سلام
'Walking The Divide: A Tale Of A Journey Home'
جہیز
Jaheez