دل کی آواز
Dil Ki Aawaz
اسامہ منور پیر 1 جون 2020
آج کل ادباء اور شعراء میں ایک عجیب بات دیکھنے کو مل رہی ہے جو کہ دل دہلا دینے والی ہے کہ ہر کوئی دوسرے کو نیچا دکھانے کی تگ و دو میں لگا ہوا ہے. ہر ایک کی یہی کوشش ہے کہ اسے دوسرے سے اعلیٰ و ارفع سمجھا جائے. اپنی جھوٹی انا کو تسکین دینے کے لیے ہر کوئی دوسرے پر تنقید کر رہا ہے. کبھی کسی شاعر کے شعر پر تو کبھی کسی ادیب کے نثر پارے پر. کبھی مشاعروں پر جانے والوں کو طنز کا نشانہ بنایا جاتا ہے تو کبھی افسانہ لکھنے والوں کی مٹی پلید کی جاتی ہے. حیرانگی اس بات کی ہے کہ اب ادب میں بھی دھڑا دھڑ گروپ بن رہے ہیں اور ایک گروپ دوسرے سے ملاقات تو درکنار چہرہ دیکھنا بھی گوارہ نہیں کرتا۔
(جاری ہے)
ایک دوسرے کی عزتِ نفس اچھالنے کے لیے کرائے کے دانشور اور تجزیہ نگار رکھے گیے ہیں جو ایک ڈبی سگریٹ اور ایک کوکا کولا پر کسی بھی قابل شاعر یا ادیب کی عزت کی دھجیاں اڑا دیتے ہیں.... ادب کا مذاق بنا کر رکھ دیا ہے سب نے... اور انتہائی غیر سنجیدہ زبان کا استعمال اب عام ہو چکا ہے.... ادب میں ایسی صورتحال ہم سب کے لیے لمحہء فکریہ ہے...
سچ تو یہ ہے کہ ادب کسی کے باپ کی جاگیر نہیں اور نا ہی انسان کسی کا غلام ہے. ہر ایک کو حق ہے کہ وہ اپنی آراء سے دوسروں کو فائدہ پہنچائے... اس بات کا لحاظ کرتے ہوئے کہ اس کے کہے گئے بول اور لکھے گئے الفاظ سے کسی کی دل آزاری نہ ہو. باقی جو بھی، جیسے بھی، جہاں بھی، جس طرح بھی اور جس صورتحال میں بھی ادب کا کام کر رہا ہے تو اسے کرنے دیا جائے.... اگر حوصلہ نہیں بڑھا سکتے تو کم از کم غیر ضروری تنقید سے گریز کیا جائے........ ادب میں بھلا کیسا مقابلہ.... مومن کے ایک شعر پر غالب اپنا سب کچھ لٹانے کو تیار ہو گیے تھے.....؟؟
فرض کی ادائیگی میں مقابلے نہیں ہوتے..... نتیجے کی پروا کیے بغیر.... بس ادائیگی ہوتی ہے..... اور شاعر یا ادیب چھوٹا بڑا نہیں ہوتا.... بلکہ شاعر، شاعر اور ادیب، ادیب ہوتا ہے........ اور کوئی بھی اپنی مرضی سے ادیب یا شاعر نہیں بنتا بلکہ یہ فیصلے پہلے سے کر دیے جاتے ہیں..... غزلیں اور نظمیں اپنے شاعروں کو اور کہانیاں اپنے ادیبوں کو خود ڈھونڈ لیتی ہیں...
وہ تمام احباب جو کسی بھی حوالے سے ادب کے ساتھ وابستہ ہیں ان کی مثال سورج، چاند اور ستاروں جیسی ہے.. ہر ایک کا اپنا مقام، اپنا درجہ، اپنا رتبہ اور اپنی جگہ ہے.. سورج چاند کہ جگہ لے گا تو مسائل پیدا ہوں گے..... ستارے سورج کی جگہ آئیں گے تو خرابیاں پیدا ہوں گی......
چنانچہ جو ادب کے سورج اور چاند ہیں، ان سے التماس ہے کہ وہ ستاروں کو بھی اپنی قابلیت آزمانے کا موقع دیں اور ستارے بھی احسان فراموشی نہ کریں بلکہ ہمیشہ سورج اور چاند کے متمنی رہیں..... کہ آج ہم لوگ جس نہج پر ہیں وہ اپنے سینئرز کی وجہ سے ہی ہیں....ہمارا اپنے سینئرز سے کوئی مقابلہ نہیں....... ہم کوئی مقابلے کرنے تھوڑی آئے ہیں.... ہم تو سیکھنے آئے ہیں..... ہم جانتے ہیں کہ پھل ہمیشہ جھکے درخت کو ہی لگتا ہے...
ہم جونیئرز کو اپنے سینئرز سے پیار اور حوصلہ بھری تھپکیوں کی ضرورت ہے.... نا کہ عزتِ نفس کو مجروح کرنے والی تنقید اور قابلیت کو دبانے والی بے عزتی کی.... اور ہمارے سینئرز بھی ہم سے ڈھیروں ڈھیر ادب اور عزت کی توقع رکھتے ہیں...... اور ایسا ہونا بھی چاہیے...... کیونکہ جو ادب ہمیں ادب نہیں سکھاتا...... وہ ادب ادب نہیں بلکہ بہت بڑا فتنہ ہے..... اور فتنہ تو قتل سے زیادہ نقصان دہ ہوتا ہے....... (ادب کے دائرے میں رہ کر سوچیے)
ادارہ اردوپوائنٹ کا بلاگ کے لکھاری کی رائے سے متفق ہونا ضروری نہیں ہے۔
© جملہ حقوق بحق ادارہ اُردو پوائنٹ محفوظ ہیں۔
© www.UrduPoint.com
تازہ ترین بلاگز :
ABOUT US
Our Network
Who We Are
Site Links: Ramadan 2024 - Education - Urdu News - Breaking News - English News - PSL 2024 - Live Tv Channels - Urdu Horoscope - Horoscope in Urdu - Muslim Names in Urdu - Urdu Poetry - Love Poetry - Sad Poetry - Prize Bond - Mobile Prices in Pakistan - Train Timings - English to Urdu - Big Ticket - Translate English to Urdu - Ramadan Calendar - Prayer Times - DDF Raffle - SMS messages - Islamic Calendar - Events - Today Islamic Date - Travel - UAE Raffles - Flight Timings - Travel Guide - Prize Bond Schedule - Arabic News - Urdu Cooking Recipes - Directory - Pakistan Results - Past Papers - BISE - Schools in Pakistan - Academies & Tuition Centers - Car Prices - Bikes Prices
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.