Episode 26 - Aurat By Qalab Hussain Warraich
قسط نمبر 26 - عورت - قلب حسین وڑائچ
29-6-14 بوقت : 5:30بجے صبح
جو عورت اپنے خاوند کو شکست فاش کی تمنا پالتی ہے وہ اپنی مردہ زندگی کو سہارا دیتی ہے ۔
###
7-7-14 بوقت : 8بجے شام
اُس عورت کے لئے خاص جہنم ہے جو نیک اور ذمہ دار خاوند کو روحانی ‘ قلبی اور ذہنی اذیت دیتی ہے … جو اُس کی جائز ضروریات حلال کمائی سے پوری کرتا ہے … شکوہ باز عورت کا ایمان ناقص اور یقین کمزور ہوتا ہے ایسی عورت عذاب خانہ میں زندگی بسر کرتی ہے … سب کچھ ہوتے ہوئے جو شکوہ کرتی ہے … وہ بیوی نما ہوتی ہے … بیوی وہ ہوتی ہے جس کی وجہ سے گھر راحت اور مسرت کدہ ہو … نا کہ جہنم کدہ … !!!
###
جس گھر میں حیاء دار عورت ہے وہاں کبھی فساد نہیں ہو گا … ! بے حیاء عورت گھر کا سکون برباد کرتی ہے ۔
(جاری ہے)
###
خاوند کی نظر میں جو عورت گِر جائے ساری زندگی رسوائی والی زندگی بسر کرتی ہے … بے شک وہ دولت مند ہی کیوں نہ ہو ‘ خاوند عورت کے وقار کا نام ہے ۔
###
14-7-14 بوقت : 5بجے صبح
عورت باورچی خانہ کا حسن ہے ‘ خوبصورتی ہے ‘ سیرتی ہے ‘ عمدگی ہے بلکہ باورچی خانہ کی زندگی ہے … جس عورت نے باورچی خانہ نہیں دیکھا اُس کی زندگی کا کوئی مقصد نہیں … جو صرف بچے بنانے والی مشین ہے اور تربیت نہیں کرتی … احسن سلیقے نہیں سکھاتی … وہ زندگی کی مقروض رہے گی
عورت وہ کمال ہے جو باورچی خانہ کی ملکہ ہے … جس کے ہاتھ میں ذائقہ ہے … جو قدرتی حسن پہ یقین رکھتی ہے … جو اپنے سے زیادہ اپنے بچوں پہ توجہ دیتی ہے … جس کی عبادت کا نام خدمت ہے … خدمت … عورت کا دوسرا نام خدمت ہے … یہ خدائی خدمتگار ہے یہ بغیر عوضانہ کے گھر کی نگہداشت کرتی ہے ۔
عورت وہ کمال ہے جس کی آنکھوں میں حیاء والا قہر اور دل ریشم سے زیادہ نرم ہو … جو بات کرے تو خاوند کی روح ٹھنڈک محسوس کرے … وہ تپتے صحرا میں ٹھنڈی ہوا کی طرح ہو … جو گھر میں سے سارے خوف نکال دے اور امن کے محلات تعمیر کر دے وہ اصل عورت ہوتی ہے … !!!
عورت کا سارا فیشن اُس کا میاں ہے جو اُس کی ساری ضروریات گھر پر مہیا کرتا ہے … ساری خواہشات اور تمناؤں کا مرکز خاوند کو بنا کر رکھتی ہے وہ سدا سکھی رہتی ہے ۔ جس عورت کی روح گھر کے لئے پریشان نہ ہو وہ گھر نہیں بسا سکتی ۔
###
14-7-14 بوقت : 8بجے صبح
جو عورت مجازی خدا کو راضی نہیں رکھ سکتی وہ خدا کو کیسے راضی رکھے گی جو اُس کے روبرو دیکھا نہیں … عبادت خدا کی کرے مگر راضی مجازی خدا کو رکھے تو سکون اور راحت سے زندگی بسر کرے گی
###
جو عورت اپنے خاوند کو گناہ سے اور برائی سے نہیں روکتی وہ اُس گناہ اور برائی میں شامل ہوتی ہے ۔
###
عورت جو ہار نہیں مانتی وہ زندگی کی بازی ہار جاتی ہے مگر ضد پہ قائم رہتی ہے … عورت کا زعم اُسے برباد کرتا ہے وہ عورت جو باپ اور خاوند سے روحانی انتقام لیتی ہے … اُس کا انجام کبھی بخیر نہیں ہوتا … !!!
###
14-7-14 بوقت : 5بجے سہ پہر
گھروں میں عورتوں کے فسادی رویے جوانمردوں کو بزدل بنا دیتے ہیں … بے حیاء عورت مرد کو لاجواب کر دیتی ہے … عزت نفس کی حفاظت نہایت مشکل ہے ۔
###
جو عورت بیٹوں کی پرورش نسوانی بنیادوں پر کرتی ہے وہ کبھی دلیر اور بہادر نہیں ہوتے … وہ مرد میدان نہیں بنتے … وہ نام و نشان نہیں بناتے … جو جوہر نسوانی میں پلتے ہیں … بیٹا باپ پہ اچھا اور بیٹی اچھی ماں پہ اچھی … !!!
###
بے تحمل عورت کبھی شریک حیات سے تعاون نہیں کرے گی … احمقانہ رویے اُس کے نزدیک بے معنی ہیں … اِن لہجوں کو وہ اپنے وقار میں شامل کرتی ہے۔
###
14-7-14 بوقت : 7بجے شام
ماں گھر کے ناگوار ماحول کے درمیان ایک دیوار ہوتی ہے جب یہ دیوار گر جائے تو گھر برباد ہو جاتا ہے ۔
###
15-7-14 بوقت : 7بجے صبح
جس عورت کو اپنے والد اور اپنے خاوند کا احساس نہیں وہ یہ کہے کہ اُسے بچوں کا بہت احساس یہ بدمزہ جھوٹ ہے ‘ بے فائدہ … عورت جو حد سے زیادہ عقل مند ہو جائے وہ نہایت احمق ہو جاتی ہے پھر اُس کے نزدیک نہ خاوند اور نہ ہی والد قابل احترام رہتے ہیں … وہ ہر رشتہ کو عقل کی کسوٹی پر پرکھتی ہے نا کہ نگاہ احترام سے … !!!
###
16-7-14 بوقت : 3بجے صبح
صبر اور شکر عورت کی میراث ہے … ! عورت جب عدم برداشت کا شکار ہو گی … اُس وقت ذلیل و خوار ہو گی … عورت جو ضد کرے گی وہ تباہ ہو گی … خواہ حضرت نوح کی بیوی ہو … ! عورت کا وقار اُس کے حسن میں نہیں … حسین رویوں میں ہے ۔
###
ازدواجی زندگی میں غیر سنجیدہ رویے ترک کر دو … یہ کسی وقت بھی حادثہ کا باعث بن سکتے ہیں … حسن مزاج دیگر بات ہے مگر غیر معیاری گفتگو گھر میں بھی نہیں ہونی چاہئے … گھر فنگس زدہ ہو جاتے ہیں … گھر کے ماحول کو جتنا صاف اور شفاف رکھو گے اتنا پرُ سکون ہو گا … گھر کو مسجد کی طرح سمجھو آپ کا ہر عہد عبادت میں شمار ہو گا … اور گھر عورت کی وجہ سے گھر ہے اور بے گھر کسی عورت کی وجہ سے ہے … ازدواجی زندگی کو جتنا حسین اور آسان بناؤ گے اتنی زندگی اور موت آسان ہو گی … دنیا ازدواجی زندگی کا نام ہے … !!!
###
جس بیٹی کا اچھے باپ کے ساتھ مزاج کا تصادم ہے اُس کی اپنے خاوند کے ساتھ ہمیشہ جنگ رہے گی … وہ کبھی چین اور سکون سے زندگی بسر نہیں کرے گی … وہ اختلافات کے دوران مرے گی … زندگی اُس کی عذاب کدہ میں بسر ہو گی … !!!
Chapters / Baab of Aurat By Qalab Hussain Warraich
قسط نمبر 1
قسط نمبر 2
قسط نمبر 3
قسط نمبر 4
قسط نمبر 5
قسط نمبر 6
قسط نمبر 7
قسط نمبر 8
قسط نمبر 9
قسط نمبر 10
قسط نمبر 11
قسط نمبر 12
قسط نمبر 13
قسط نمبر 14
قسط نمبر 15
قسط نمبر 16
قسط نمبر 17
قسط نمبر 18
قسط نمبر 19
قسط نمبر 20
قسط نمبر 21
قسط نمبر 22
قسط نمبر 23
قسط نمبر 24
ایک معمولی لڑکی
Ek Mamuli Larki
ہلالِ کشمیر (نائیک سیف علی جنجوعہ شہید)
Hilal e kashmir (Naik Saif Ali Janjua Shaheed)
عشق کا عین
Ishq Ka Ain
روشن اندھیرے
Roshan Andhere
پھانسی
phansi
آس پاس ہے خدا
Aas Paas Hai Khuda
برف کا جہنم
Barf Ka Jahanum
خُدا اور محبت
Khuda Or Muhabbad
NovelAfsaneIslamicHistoryTravelogueAutobiographyUrdu LiteratureHumorousPoliticsSportsHealthPersonalitiesColumn And ProseSend Your Books & Requests