Episode 43 - Darde Judai By Shafaq Kazmi

ڈاکٹر سعد ان کو گولی لگی ہے جلدی سے آپریشن کرنا ہوگا ان کا۔۔۔۔ عدن نے روتے ہوئے کہا۔۔۔۔مجھ سے آپریشن نہیں ہو پائے گا ڈاکٹر سعد مجھ میں ہمت نہیں میں غازان کو اس حالت میں نہیں دیکھ سکتی۔۔۔۔۔۔

آپ پریشان نہیں ہوں۔۔۔۔ہم ہیں نہ۔۔۔۔۔۔آپ بے فکر رہیں۔۔۔۔۔

ڈاکٹر سعد اپنی ٹیم کے ساتھ آپریشن تھیٹر میں چلے گئے۔۔۔۔آپریشن سٹارٹ ہو چکا تھا۔۔۔۔

عدن تھک چکی تھی۔۔۔۔۔بہت بے بس محسوس کر رہی تھی عدن خود کو۔۔۔۔۔یہ کسی مجبوری تھی۔۔۔اتنی باتیں اتنا سب کچھ سننے کے بعد بھی کیوں آخر غازان کو کھونے کا ڈر ستا رہا تھا۔۔۔۔۔عدن اٹھ کر نماز پڑھنے لگی۔۔۔۔۔

 یا اللہ میں نے اپنی زندگی میں ہر بار ہر رشتے کو کھویا ہے۔۔۔اب مزید ہمت نہیں ہے مجھ میں۔۔۔ہم تو مٹی کا ایک کھلونا ہیں جو تیرے کن سے تخلیق ہوئے میرے مولا تیری مرضی،تو جوڑ دے تیری مرضی تو توڑ دے تیری مرضی تو خاک کر دے۔

(جاری ہے)

۔۔۔پر یا اللہ میں بھی تیری بندی ہوں تیرے کن سے تخلیق ہوئی ہوں۔۔۔تیرے کن سے تخلیق کئے ایک مٹی کے کھلونے پر دل ہار بیٹھی ہوں۔ میرے مولا تو ستر ماؤں سے زیادہ محبت کرتا ہے تو اپنے بندوں کو تڑپتا ہوا نہیں دیکھ سکتا۔۔۔۔۔میرے مولا مجھ پر رحم کر۔۔۔۔۔غازان کو کچھ نہیں ہو پلیز اللہ تعالیٰ وہ ٹھیک ہو جائے اس کو ٹھیک کر دیں۔۔۔

 عدن سجدے میں رو رہی تھی دعا کر رہی تھی۔۔۔۔۔جب انسان بہت تھک جائے اور اس کے پاس کسی کا کندھا میسر نہ ہو جہاں وہ سر رکھ کر رو سکے۔۔۔لیکن اگر کندھا میسر ہو بھی تو ویسا سکون نہیں ملتا جو رب کے آگے رونے میں ملتا ہے۔۔عدن نماز پڑھنے کے بعد آپریشن تھیٹر کی طرف آگئی۔۔۔۔۔اور دل ہی دل میں قرآن پاک پڑھ رہی تھی۔۔۔۔اتنے میں ڈاکٹر سعد آپریشن تھیٹر سے باہر آئے۔۔اور عدن کو دیکھنے لگے۔عدن کا دل دھک دھک کرنے لگ گیا تھا۔۔۔۔۔

کیا ہوا ہے سعد غازان ٹھیک تو ہے۔۔۔عدن نے بے چینی سے پوچھا۔۔۔

 ہم نے ان کے سینے سے گولی نکال لی ہے اور آپریشن بھی کامیاب رہا بس کچھ دیر میں انھیں ہوش آجائے گا۔۔۔۔آپ پریشان نہیں ہوں۔۔

 عدن نے خدا کا شکر ادا کیا شکرانے کے نفل پڑھ کر غازان کے پاس آگئی۔۔۔۔کہا تھا نہ تمہیں کچھ نہیں ہونے دوں گی۔۔تمہیں رب سے مانگ لاؤں گی۔۔۔میں تمہیں رب سے مانگ کر لائی ہوں غازان۔۔۔۔عدن نے روتے ہوئے غازان کا ہاتھ پکڑ لیا۔۔

غازان کو دھیرے دھیرے ہوش آنے لگا تھا اس نے تھوڑی سی آنکھیں کھول لیں۔۔۔عدن ہاتھ چھوڑ کر اٹھنے لگی۔ غازان نے ہاتھ پکڑ لیا۔۔۔ہاتھ کیوں چھوڑ رہی ہو پکڑ کر رکھو اچھا لگ رہا ہے۔۔۔غازان ابھی ہوش میں آیا تھا اس کے لئے بولنا محال ہو رہا تھا۔۔۔

 دیکھیں غازان صاحب آپ کو ابھی ہوش آیا ہے آپ کے لئے زیادہ بات کرنا ٹھیک نہیں ہے آپ کو آرام کی ضرورت ہے۔۔۔

صرف آرام کی نہیں کسی اور کی بھی ضرورت ہے۔۔۔

کس کی۔۔۔۔عدن نے پریشان ہوتے ہوئے کہا۔۔۔۔

ڈاکٹر عدن کی۔۔۔مجھے آرام کے ساتھ ساتھ عدن کی بھی ضرورت ہے۔۔نہیں تو میں مر بھی سکتا ہوں۔۔۔۔غازان نے معصوم سا منہ بناتے ہوئے کہا۔

 شٹ اپ۔۔۔بکواس بند کریں۔۔۔۔آپ کو میں نے آرام کرنے کا کہا ہے بکواس کرنے کا نہیں۔۔۔۔۔غازان کے مرنے کا سن کر عدن کے دل کو کچھ ہوا۔۔۔غازان کو کیا پتہ کے عدن اس کے لئے کتنا روئی تھی۔۔۔۔آپ آرام کیجئے مجھے اور بھی کام ہے میں چلتی ہوں۔۔۔۔

سنو۔۔۔۔۔ آہ۔ہ۔۔ہ آ۔۔۔ہ ہ۔۔۔۔عدن جانے لگی غازان روکنے لگا تو اس کو درد شروع ہوگیا۔۔۔

کیا ہوا۔۔۔۔۔عدن نے پریشان ہوتے ہوئے کہا۔۔۔۔۔۔

درد ہورہا ہے بہت زیادہ۔۔۔۔ سنو مت جاؤ نہ میرے پاس رہو کچھ دیر۔۔۔۔۔عدن آئی ایم ریلی سوری میں جانتا ہوں میں نے بہت غلط کیا ہے۔۔۔مجھے تم سے اس طرح بات نہیں کرنی چاہئے تھی میں بہت زیادہ شرمندہ ہوں۔۔۔تم سے ہاتھ جوڑ کر معافی مانگنا چاہتا ہوں پلیز مجھے معاف کر دو۔۔۔۔پر پلیز مجھ سے اس طرح خفا نہیں ہو۔۔۔۔۔میں مر جاؤں گا۔۔۔۔۔ کوئی بات نہیں۔۔۔۔تم نے جو کیا وطن کے لئے کیا۔۔۔اگر میں بھی تمہاری جگہ ہوتی۔۔۔۔تو شاید میں بھی ایسا ہی کرتی۔۔۔۔۔۔میں تم سے خفا نہیں ہوں۔۔۔۔خوش رہو۔۔۔

 میں تمہارے بغیر خوش نہیں رہ سکتا۔۔۔۔۔۔تمہارے بغیر جینے کا نہیں سوچ سکتا۔۔۔۔۔

میں بھی تمہارے بغیر نہیں رہ سکتی ہوں۔۔۔۔مجھے بھی تم سے محبت ہوگئی ہے بہت زیادہ۔۔۔عدن نے مسکراہتے ہوئے کہا۔۔۔۔۔۔

کیا خیال ہے پھر جلدی سے نکاح کرلیں۔۔۔۔غازان نے ہنستے ہوئے کہا۔۔۔۔۔

ہاں جلدی سے کرو اس سے پہلے پھر کچھ ہوجائے۔۔۔۔ہاہاہا۔۔۔۔

ہاہاہا نہیں کچھ نہیں ہوتا۔۔۔۔میں ہوں نہ کچھ نہیں ہونے دوں گا.۔۔۔۔۔۔

واہ واہ ۔۔۔دونوں کی ناراضگی شکر ہے ختم ہوگئی منہ کب میٹھا کروا رہے ہو۔۔۔۔۔۔۔میجر احد نے عدن کا ہاتھ غازان کے ہاتھ میں دیکھ کر کہا۔۔۔۔۔۔

 عدن نے شرما کر سر جھکا لیا تھا۔۔۔اتنے میں سیل فون بجنے لگا۔۔۔۔ماماکی کال آ رہی ہے۔۔غزان۔۔۔اب میں چلتی ہوں۔۔۔عدن جانے کیلئے اٹھ کھڑی ہوئی۔۔۔

احد تمہیں چھوڑ آؤں گا عدن۔۔۔اکیلی مت جاؤ۔۔۔احد بھائی مجھے چھوڑ آئیں گے۔۔تو احد بھائی کو چھوڑنے کون آئے گا۔۔۔عدن نے اپنی تھوڑی کے نیچے ہاتھ کر معصومیت سے پوچھا۔۔۔

غزان اور احد ہنسنے لگے۔۔۔

کم آن غزان میں بچی نہیں رہی۔۔چلی جاؤں گی۔۔۔یہ کوئی نئی بات نہیں ہے۔۔۔۔

                                             #####