Episode 54 - Qalandar Zaat By Amjad Javed
قسط نمبر 54 - قلندر ذات - امجد جاوید
”ٹھیک ہے وہ آجائیں تو لکھوادینا رپورٹ۔“ وہ یہ کہتا ہوا واپس مڑگیا۔میں نے اس کی پروا نہیں کی۔ سبھی اپنا اپنا خون ٹیسٹ کروانے چل دیئے تھے لیکن ہمارا ایک دوست موٹر سائیکل لے کر ہسپتال سے باہر چلاگیا۔ مجھے سمجھ میں نہیں آیا کہ وہ اچانک کیوں نکلا ہے۔
مشرقی افق پر سرخی نمودار ہونے کو تھی‘ جب پوری کوشش کے باوجود دلبر کا سانس اکھڑنے لگا۔ میرا وہ دوست جو اچانک نکلاتھا‘ وہ ایک کار لے کر آگیا تھا‘ اس کا کوئی دوست قصبے میں تھا‘ ڈاکٹر پوری تندھی کے ساتھ اس کی زندگی بچانے میں مصروف تھا‘ خون بھی دستیاب ہوگیاتھا‘ لیکن دلبر کی سانسیں قابو میں نہیں آرہی تھیں۔ اچانک اس کے جسم کے سارے روم کھل گئے تھے‘ ایک ایک روم کانٹے کی مانند کھڑا ہوگیا‘ اور پھر اس کی گردن ایک جانب ڈھلک گئی۔
میرے اندر دکھ کی ایک شدید لہر سرایت کرگئی۔ مجھے وہ جیتاجاگتا دلبر یاد آنے لگا جس نے کچھ ہی دیر قبل آگ اور خون کی ہولی کھیلی تھی‘ میری آنکھوں کے گوشے نم ہوگئے۔
(جاری ہے)
”سوری یار…!“ ڈاکٹر نے میرے کاندھے پر ہاتھ رکھتے ہوئے کہا۔
”میں سمجھتا ہوں ڈاکٹر۔آپ نے بہت کوشش کی‘ لیکن اس کی زندگی نہیں تھی۔“
میں نے بھیگے ہوئے لہجے میں کہا تو ایک بار پھر سے میرا کاندھا تھپکا کر ڈاکٹر چلاگیا۔ ہم نے انتہائی دکھ سے ایک دوسرے کی جانب دیکھا‘پھرمیں چھاکے کو اس کی نعش اٹھانے کا اشارہ کرکے باہر نکلتا چلاگیا۔
اس وقت سورج نکل چکاتھا جب ہم گاؤں نور نگر واپس پہنچے۔ دلبر کے مرجانے کی اطلاع آناً فاناً پورے گاؤں میں پھیل گئی۔ ہم نے جس وقت میت ان کے گھرجاکر ر کھی تو ایک کہرام مچ گیا۔ میرے کپڑوں اور بدن پرخون جم کررہ گیاتھا‘ میں نے چھاکے کو اشارہ کیا اور گھر سے باہر نکل آیا۔
”بولو‘ کیابات ہے۔“ اس نے میرے قریب آکر پوچھا۔
”اس کی آخری رسومات کا اچھی طرح انتظام کرو‘ رقم ہے کچھ…“
”ہاں ہے…“ اس نے جواب دیا۔
”میں کپڑے بدل کرآتاہوں۔ رات کے واقعہ کی سن گن لے‘ ملک سجاد کومیں نے رات شدید زخمی کردیاتھا۔ اب معلوم نہیں ‘ وہ کدھر ہے۔“ میں نے اس کے چہرے پر دیکھتے ہوئے کہا۔
”اس کابھی پتا چل جائے گا‘ تم جاؤ اور جلدی سے واپس آجاؤ۔“ چھاکے نے کہاتومیں نے اپنی بائیک لی اور گھر کی طرف چل دیا۔
گیٹ کھلا ہواتھا اور میں بائیک سمیت اندر چلاگیا۔ صحن کے ایک کونے میں بائیک کھڑی کی اور لاشعوری طور پر ماں کو دیکھنے لگا‘وہ مجھے کہیں دکھائی نہیں دیں۔ میں نے دل ہی دل میں اسے اچھا خیال کیا کہ یوں خون میں لت پت کپڑے دیکھ کر ممکن ہے وہ گھبراجاتیں‘ اگرچہ ایسا کبھی ہوا نہیں تھا کہ ماں صبح ہی صبح کسی کے گھر جائے‘ ممکن ہے دلبر کا سن کر کہیں آس پڑوس میں چلی گئی ہوں۔ میں نے جلدی سے نہانے اور کپڑے بدلنے کی سعی کی‘ تاکہ جب تک ماں آئے میں ان کپڑوں سے نجات لے لوں‘ میں نے الماری سے کپڑے نکالے اور باتھ روم میں گھس گیا‘ کچھ دیر بعد میں نہا دھو کر تازہ دم ہوگیا۔ اس وقت میں آئینے کے سامنے کھڑا کنگھا کررہاتھا‘ جب چھاکا گھر میں داخل ہوا۔
”تو کیوں آگیا ہے۔ میں ابھی آہی رہاتھا۔ “ میں نے اونچی آواز میں کہا اور کنگھا رکھ دیا۔
”وہ رندھاوا صاحب آئے ہیں۔“ وہ دور ہی سے بولا اورباہر والا کمرے کھولنے چلاگیا۔ میں بھی وہیں چلاگیا۔ کچھ دیر بعد چھاکاباہر جاچکاتھا اور ہم دونوں آمنے سامنے بیٹھے ہوئے تھے۔
”یار…! رات کمال کردیاتونے۔ اتنی جلدی کردیاسب کچھ… میں تو سوچ رہاتھا کہ دوچار دن لگ جائیں گے۔“
”بس دیکھ لیں‘ قسمت نے یاوری کی ہے … مجھے دلبر کابہت افسوس ہے‘ وہ رات میرے ساتھ تھا۔“میں نے روہانسا ہوتے ہوئے کہا۔
”خیر…! یہ تو قسمت کی بات ہے‘ اب سن‘ وہ شدید زخمی ہے اور اسے شہر لے گئے ہیں۔ اب پتا نہیں اس کا کیا بنا ہے۔ رات میری شاہ دین سے بات ہوگئی تھی‘ اس نے سارا وقوعہ ہی الٹ دیا ہے اور نامعلوم ڈکیتوں پرڈال دیا ہے۔ یہی کچھ تم نے کہا۔“
”توپھر…! “ میں نے پوچھا۔
”پھرکیا… وہ سب تو یہاں نہیں ہیں‘ شاہ دین بھی بہت ڈرا ہوا ہے‘ ہوسکتا ہے وہ آج دن میں کسی وقت یہاں سے چلا جائے‘ شاہ زیب کافی نڈر ہے‘ میں نے اس کی طرف سے شک وشبہ لے لیا ہے۔ پیرزادوں کے خلاف‘ آج ان کی پکڑ دھکڑ کروں گا۔“
”ملک سجاد سے کوئی بات نہیں ہوسکی‘ مطلب ‘ آپ نے اسے دیکھابھی نہیں۔“ میں نے پوچھا۔
”نہیں نا…خیر…! تم اپنا بیان دے دو… میں وقوعہ کا وقت اس سے پہلے لکھ دوں گا‘ جوانہوں نے لکھوایا ہے۔ اب دوچار دن کچھ نہیں کرنا‘ بس پیرزادوں کی پکڑ دھکڑ ہوگی تووہ تڑپیں گے‘ دو دن بعد میں تمہیں بتاؤں گا کہ اب گیم کیا بنی ہے۔“
”لیکن ملک سجاد مرانہیں ہے نا… اس کامجھے افسوس رہے گا۔“ میں نے جان بوجھ کر کہا۔
”اوئے اچھا ہے یہ… زخم چاٹے گا۔ اور ادھر نورنگر میں دلبر کا قتل بھی پیرزادوں کے کھاتے میں ڈالنے کی افواہ پھیلانی ہے۔ بس… باقی دو دن بعد…“ رندھاوے نے سمجھاتے ہوئے کہااور پھر اٹھتے ہوئے بولا۔ ؟”اب چلتا ہوں… ادھر آکر اپنا بیان لکھوادینا۔“
”کوئی چائے وائے تو…“ میں نے پوچھا۔
”پھر کبھی سہی۔“ یہ کہہ کر وہ تیزی سے نکل گیا۔میں وہیں بیٹھا چند لمحے اس صورت حال پر غور کرتا رہا‘ پھر اٹھ کرباہر صحن میں آگیا۔ میرے پیٹ میں بھوک نے ہلچل مچائی ہوئی تھی لیکن اماں ابھی تک واپس نہیں آئی تھی۔ بھیدے نے ابھی تک دودھ بھی نہیں پہنچایا تھا۔ میں گرم ہوتے ہوئے دماغ کے ساتھ باہر جانے کے لیے بائیک نکالی‘ تبھی سامنے گھر والی ماسی مختاراں تیزی سے اندر آئی وہ خاصی گبھرائی ہوئی تھی۔
”اُو جمالے…کدھر جارہا ہے…؟“
” دلبر کے گھر‘ کیوں خیر تو ہے‘ اتنی پریشان دکھائی دے رہی ہے۔“
”اب پتا نہیں‘ اس بات پر پریشان ہونا چاہیے یانہیں‘ لیکن رات کے پچھلے پہر‘ ایک بڑی ساری جیپ ادھر آکر رکی تھی‘ میں اس وقت جاگ رہی تھی۔ تمہاری ماں نے دروازہ کھولاتھا‘ وہ جیپ باہر ہی کھڑی رہی۔
”پھر…!“ میں نے تیزی سے پوچھا۔
”کچھ دیر بعد‘جب حویلی کی طرف شدید فائرنگ ہوئی تھی‘ اس وقت تیری ماں اور وہ لڑکی‘ جو چند دن پہلے تیرے پاس آئی تھی‘ وہ جیپ میں بیٹھ کر چلی گئیں۔“
”کیاکہہ رہی ہو ماسی تم…“ میں نے تقریباً چیختے ہوئے کہا تووہ ایک دم سے گھبراگئی‘ پھرتیزی سے بولی۔
”میں نے پوچھا تھا کہ اچانک اس وقت کہاں جارہی ہو؟“
”پھر کیاکہا…“میں نے بائیک سے اترتے ہوئے پوچھا تو اس نے ہاتھ میں ایک مڑا تڑا کارڈ میری طرف بڑھایا اور بولی۔
”اس لڑکی نے کہاتھا کہ یہ کارڈ جمال کو دے دینا۔ یہ لو…“
میں نے وہ کارڈ تیزی سے پکڑا‘ اس پر کسی ڈانس پارٹی کاپتہ درج تھا۔ پشت پر ایک سیل فون نیلے رنگ کی بال پن سے گھسیٹا ہوا تھا‘ مجھے ایک دم سے اپنی دنیااندھیر ہوتی ہوئی معلوم ہوئی‘ ایک طرف مجھے اپنی ماں پرغصہ آرہاتھا کہ وہ مجھ سے پوچھے بغیر کیوں چلی گئی‘ اور دوسری طرف میں سوہنی کی اس حرکت پرپاگل ہو رہاتھا‘ میں ایک دم سے باہرجانے کے لیے لپکاکہ اچھو کریانے والے کی دُکان پرجاکر سوہنی کوفون کروں لیکن پھر ٹھٹک گیا‘ کیامجھے ایسا کرنا چاہیے یانہیں؟ماسی مختاراں واپس جاچکی تھی۔ میں سمجھ نہیں پارہاتھا کہ سوہنی نے ایسا کیوں کیا؟میرا دماغ ایک دم سے ماؤف ہوگیاتھا۔
# # # #
یہ خوف بھی عجیب شے ہوتی ہے۔ جس شخص کے اندر وارد ہوجائے‘ اس کے دشمنوں کو مزید شہہ دینے کا فائدہ دے دیتا ہے۔کیونکہ خوف کا اظہار چہرے ہی سے نہیں عمل سے بھی ظاہر ہوتا ہے اور دشمن اس کافائدہ اٹھا لیتا ہے‘ یہی خوف اگر نہ رہے تو دشمن پر فتح کی طرف آخری قدم تک حوصلہ برقرار رہتا ہے اورپھر محض خوف کاتاثر کبھی کبھی منافقت کو بے نقاب کرنے میں انتہائی مدد دیتا ہے۔ منافق فقط اس وقت شہہ پکڑتا ہے جب اسے یقین ہوجائے کہ جس کے بارے میں وہ محض ‘ عناد کے ساتھ سازش تیار کررہا ہے‘ وہ خوف زدہ ہے‘ خوف زدہ ہونے کا یقین ہوتے ہی وہ کھل کر اپنی پوری خباثت کے ساتھ سامنے آجاتاہے‘ کیونکہ منافق بنیادی طور پر بزدل ہوتا ہے‘ بزدلی ہی کمینگی کوشہہ دیتی ہے۔
جسپال نے ایک دم سے محسوس کیا کہ کمل ویر انجانے میں اسے خوف زدہ کرتا چلا جارہا ہے۔وہ پورے خلوص کے ساتھ اسے بچانے کے چکرمیں کچھ زیادہ ہی محتاط ہوگیاتھا۔ وہ کھانا کھاچکے تھے‘ جب رات کا آخری پہر شروع ہوگیا تھا۔ اس وقت تک کمل ویر نے ایک ٹیکسی کابندوبست کرلیاتھا۔ جس کاڈرائیور اس کا اپنا خاص آدمی تھا۔
”میں سوچ کر تو یہی آیاتھا کہ کافی دن رہوں گا‘ لیکن کام جلدی ہوگیا‘ میں جلدی آؤں گا دوبارہ۔“ جسپال نے کمل ویر سے ہاتھ ملاتے ہوئے کہا۔
”میں انتظار کروں گا۔“ اس نے مسکراتے ہوئے ہاتھ کو دبایا پھر اس نے کرن سے ہاتھ ملایااور ٹیکسی میں بیٹھ گیا۔ ٹیکسی ڈرائیور ادھیڑعمر کا اور کافی حد تک سانولے رنگ کا سکھ تھا جس کی داڑھی خشخشی ہوچکی تھی۔
رات گہری ہوچکی تھی اور چاند مغربی افق کی جانب جھک گیاتھا۔ جب وہ امرتسر سے نکلے‘ ہر پریت پچھلی نشست پر تھی اور جسپال آگے پسنجر سیٹ پر‘ اس نے پسٹل پاؤں میں رکھا ہوا تھا۔ ڈرائیور نے کوئی بات نہیں کی تھی۔ اس کی شکل ہی سے لگ رہاتھا کہ وہ خاموش طبع بندہ ہے۔ اس کی تمام تر توجہ سڑک پر تھی۔ جسپال کو بھی یہ احساس تھا کہ صرف شہر سے ہی نکلنامشکل ہوگا‘ پھر آگے انہیں آسانی ہوگی۔ سڑک پر اتنا رش نہیں تھا ‘جیسے جیسے وہ شہر سے باہرجارہے تھے‘ رش کم ہوتاچلاجارہاتھا اوران کی رفتار تیز ہوتی جارہی تھی۔ اچانک ڈرائیور نے رفتار کم کردی‘کچھ ہی فاصلے پر ناکہ لگا ہوا تھا‘ تبھی ڈرائیور نے کہا تھا۔
Chapters / Baab of Qalandar Zaat By Amjad Javed
قسط نمبر 1
قسط نمبر 2
قسط نمبر 3
قسط نمبر 4
قسط نمبر 5
قسط نمبر 6
قسط نمبر 7
قسط نمبر 8
قسط نمبر 9
قسط نمبر 10
قسط نمبر 11
قسط نمبر 12
قسط نمبر 13
قسط نمبر 14
قسط نمبر 15
قسط نمبر 16
قسط نمبر 17
قسط نمبر 18
قسط نمبر 19
قسط نمبر 20
قسط نمبر 21
قسط نمبر 22
قسط نمبر 23
قسط نمبر 24
قسط نمبر 25
قسط نمبر 26
قسط نمبر 27
قسط نمبر 28
قسط نمبر 29
قسط نمبر 30
قسط نمبر 31
قسط نمبر 32
قسط نمبر 33
قسط نمبر 34
قسط نمبر 35
قسط نمبر 36
قسط نمبر 37
قسط نمبر 38
قسط نمبر 39
قسط نمبر 40
قسط نمبر 41
قسط نمبر 42
قسط نمبر 43
قسط نمبر 44
قسط نمبر 45
قسط نمبر 46
قسط نمبر 47
قسط نمبر 48
قسط نمبر 49
قسط نمبر 50
قسط نمبر 51
قسط نمبر 52
قسط نمبر 53
قسط نمبر 54
قسط نمبر 55
قسط نمبر 56
قسط نمبر 57
قسط نمبر 58
قسط نمبر 59
قسط نمبر 60
قسط نمبر 61
قسط نمبر 62
قسط نمبر 63
قسط نمبر 64
قسط نمبر 65
قسط نمبر 66
قسط نمبر 67
قسط نمبر 68
قسط نمبر 69
قسط نمبر 70
قسط نمبر 71
قسط نمبر 72
قسط نمبر 73
قسط نمبر 74
قسط نمبر 75
قسط نمبر 76
قسط نمبر 77
قسط نمبر 78
قسط نمبر 79
قسط نمبر 80
قسط نمبر 81
قسط نمبر 82
قسط نمبر 83
قسط نمبر 84
قسط نمبر 85
قسط نمبر 86
قسط نمبر 87
قسط نمبر 88
قسط نمبر 89
قسط نمبر 90
قسط نمبر 91
قسط نمبر 92
قسط نمبر 93
قسط نمبر 94
قسط نمبر 95
قسط نمبر 96
قسط نمبر 97
قسط نمبر 98
قسط نمبر 99
قسط نمبر 100
قسط نمبر 101
قسط نمبر 102
قسط نمبر 103
قسط نمبر 104
قسط نمبر 105
قسط نمبر 106
قسط نمبر 107
قسط نمبر 108
قسط نمبر 109
قسط نمبر 110
قسط نمبر 111
قسط نمبر 112
قسط نمبر 113
قسط نمبر 114
قسط نمبر 115
قسط نمبر 116
قسط نمبر 117
قسط نمبر 118
قسط نمبر 119
قسط نمبر 120
قسط نمبر 121
قسط نمبر 122
قسط نمبر 123
قسط نمبر 124
قسط نمبر 125
آخری قسط
جہنم کے اُس پار
Jahannum Kay Us Paar
نہیں آساں یہ سفر
nahi aasan yeh safar
متلاشی
Matlashi
معرکہٴ حق و باطل
Markaa e Haq o Batil
حیات ممکن ہے
Hayat Mumkin Hai
دوا، غذا اور شفاء
Dawa Ghiza Aur Shifa
چکور
Chakor
مادر ملت
Madir Millat
NovelAfsaneIslamicHistoryTravelogueAutobiographyUrdu LiteratureHumorousPoliticsSportsHealthPersonalitiesColumn And ProseSend Your Books & Requests