Hum Shirk e Asghar K Murtakib Tu Nahi Ho Rahe
ہم شرکِ اصغر کے مرتکب تونہیں ہورہے ؟
باوجود اس کے کہ اسلامی اقدار ایک جداگانہ حیثیت رکھتی ہیں لیکن افسوس ہم اپنی روایات و اقدار کو مسخ کرچکے ہیں ۔ ریاکاری ہماری عبادات پر کاری ضرب ہے جسے شرک سے منسوب کیا گیا ہے
لیکن افسوس ہم بحیثیت مسلمان اور انسان اپنی اخلاقی اقدار اس قدر کھو چکے ہیں کہ جب تک مدد کرنے اور ضرورت مند کی عزت ِنفس مجروح نہ کرلیں ہمیں اپنی نیکی پوری ہوتی نہیں لگتی ۔
(جاری ہے)
کووڈ 19 یعنی کورونا وائرس نے دنیا بھر کے 200 سے زائد ممالک اور 4 لاکھ سے زائد افراد کو متاثر کر چکا ہے جبکہ 35 ہزار افراد لقمہ اجل بن چکے ہیں ۔
ایسے میں دنیا کا ہر ملک اور ہر انسان دوسروں کی مدد کرنے اور جان بچانے کی کوششوں میں مصروف ہے ۔
ایسے ہی ایک تصویر سوشل میڈیا پر میری آنکھوں کے سامنے سے گزری تو کئی خیالات اور سوچیں میرے ذہن میں اُٹھنے لگیں ۔
تصویر کی کہانی کچھ یوں تھی کہ مغربی ملک تھا اور وہاں اس مہلک وبا سے متاثرہ افراد اور ضرورت مند حضرات کے لئے صحت مند اور استطاعت رکھنے والے افراد نے خاموشی سے شاپرز میں کھانے پینے اور استعمال کی اشیا رکھی اور بغیر کسی سیلفی اور تصویر کے چلے گئے ۔
ا ب بات کی جائے دوسری تصویر کی ،جو ایک مسلمان اوراسلامی اقدار پر بننے والے ملک کی تھی ۔ جس میں ایک صابن کی ٹکیہ ، غریب آدمی اور سیلفی ، جبکہ دوسری تصویر میں دس کلو کا آٹا ،سفید پوش ،جھکا سر اور گروپ فوٹو ۔!
یہ دونوں تصاویریں مختلف ثقافتوں ، روایتوں اور اقدار سے تعلق رکھتی ہیں۔
تصویر کا مغربی رخ دیکھیں جس میں مختلف افراد اشیاخوردونوش سڑک کنارے رکھ دیتے ہیں کہ اگر کوئی ضرورت مند ہوتو خاموشی سے لئے جائے اور خبر تک نہ ہو۔یہ تہذیب یافتہ اقوام کے منظر کی عکاسی ہے ۔
باوجود اس کے کہ اسلامی اقدار ایک جداگانہ حیثیت رکھتی ہیں لیکن افسوس ہم اپنی روایات و اقدار کو مسخ کرچکے ہیں ۔ ریاکاری ہماری عبادات پر کاری ضرب ہے جسے شرک سے منسوب کیا گیا ہے ۔
محمود بن لبیدؓسے روایت ہے کہ رسول اﷲﷺ نے ارشاد فرمایا : ’’میں تمہارے بارے میں سب سے زیادہ ’’ شرک اصغر ‘‘ سے ڈرتا ہوں ۔صحابہ کرامؓ نے دریافت کیا یا رسول اﷲﷺ !شرک اصغر کیا ہے ؟ آپﷺ نے فرمایا ریا کاری ۔‘‘(مسند احمد)
ایک اور روایت میں رسول اﷲﷺنے اپنی اُمت کے بارے میں شرک کا خوف ظاہر فرمایا ۔ آپﷺسے دریافت کیا گیا کہ کیا آپ ﷺکے بعد آپﷺ کی اُمت شرک میں مبتلا ہوجائیگی ؟ آپ ﷺنے ارشاد فرمایا: ہاں ! پھر یہ وضاحت فرمائی کہ وہ لوگ چاند سورج کی پتھر اور بتوں کی پرستش نہیں کرینگے لیکن ریا کاری کریں گے اور لوگوں کو دکھانے کیلئے نیک کام کرینگے ( تفسیر ابن کثیر)۔
مندرجہ بالا احادیث ِ مبارکہ میں واضح ہوگیا ہے کہ ہم دکھاوے کے ذریعے اپنی مالی عبادات کا خاتمہ کئے جارہےہیں جبکہ دائیں ہاتھ سے دیں تو بائیں کو بھی خبر نہ ہو۔
خدارا من حیث القوم و امت ِ محمدیہ ﷺاپنی عبادات کو ضائع نہ کریں اور خدارا دوسروں کی عزتِ نفس کو مجروح نہ کریں ۔ کیونکہ اس طرح ہمارا وہ طبقہ جسے سفید پوش کہا جاتا ہے وہ ضروریاتِ زندگی سے محروم ہوجائے گا کیونکہ اُن کے لئے کسی کے سامنے ہاتھ پھیلانا یا نام نہاد جماعتوں کے ساتھ اشیاۓ خوردونوش کے لین دین میں تصاویر بنانا نامناسب اور باعثِ شرم ہے ۔ وہ ان سب سے محروم ہونا تو پسند کریں گے نہ کہ لوگوں کے سامنے ہاتھ پھیلانا ۔
لٰہذا ضرورت اس امر کی ہے کہ اپنے ذکوہ وصدقات کو ضائع نہ کریں تاکہ دنیا وآخرت میں سُرخرو ہوسکیں ۔اللہ پاک ہم سب کی بہترین فرمائے ۔آمین ۔
Browse More Business Articles
راوی کی کہانی
Ravi Ki Kahani
خیبر پختونخواہ امن کے بعد ترقی کی راہ پر گامزن
Khyber Pakhtunkhawa Amaan Ke Baad Taraqi Ki Rah Per Gamzan
مہنگائی و معاشی بدحالی سے آئل ٹینکرز انڈسٹری تباہی کے دہانے پر
Mehengai O Muashi Badhaali Se Oil Tankers Industry Tabahi Ke Dahane Par
ملکی ترقی و خوشحالی کیلئے خوراک میں خود کفالت ناگزیر
Mulki Taraqi O Khushhali Ke Liye Khoraak Mein khud Kifalat Naguzeer
مہنگائی و بیروزگاری کی خوفناک لہر میں حکومت کے معاشی اشاریے
Mehngai O Berozgari Ki Khofnak Leher Mein Hakomat Ke Muashi Ishariye
مہنگائی و بے روزگاری کا اژدھام اور حکومتی ترجیحات
Mehngai o Berozgari Ka Azdaham Aur Hakomati Tarjeehat
برطانوی سکے جو پاکستان میں رائج رہے۔ وجہ کیا تھی؟
Bartanvi Sikke Ju Pakistan Main Raij Rahe
مالیاتی اداروں کی بلیک میلنگ اور ڈگمگاتی معیشت
Maaliyati Idaroon Ki Blackmailing
زراعت کی ترقی کے لئے حکومتی اقدامات
Zaaraat Ki Taraqi K Liye Hakomati Iqdamat
مردم خور”سیاسی بلی“کس کی تھی
Mardam Khoor Siyasi Billi Kis Ki Thi
بھارت میں کسانوں کا خوفناک استحصال
Baharat Main kissanoon Ka Khofnak Istehsaal
نواز شریف کے بیانیے سے اپوزیشن کا انحراف
Nawaz Sharif K Bayaniye Se Opposition Ka Inheraf