گرانفروشوں اورکم تولنے والوں کے خلاف گھیرا تنگ‘248 تاجروں کے خلاف قانونی کارروائی کا آغاز

لاہور۔ (اُردو پوائنٹ اخبارتازہ ترین۔ 19 جون2017ء)وزیراعلی کی ہدایت پر صوبہ بھر میں گرا ںفروشی اور کم تولنے والوں کے خلاف مہم تیزی کر دی گئی،248دکانداروں اور تاجروں کے خلاف قانونی کارروائی کا آغاز کر دیا گیا،گرانفروشی پر109ایف آئی آر درج،128تاجردکاندار گرفتارکر لئے گئے۔محکمہ انڈسٹریز،پرائسز،ویٹ اینڈ میئرز(IPWM)کی رپورٹ کے مطابق صوبہ بھر میں گراں فروشوں، ذخیرہ اندوزی،ملاوٹ،ناپ تول میں کمی اور دیگر قانونی بے ضابطگیوں کا ارتکاب کرنے والوں تاجروں اور دکانداروں کے خلاف کارروائیاں جاری ہیں،حکومت پنجاب کے مقرر کردہ 1766پرائس کنٹرول مجسٹریٹوں نے صوبہ بھر میں 1754مارکیٹوں کی چیکنگ کی اور مختلف دکانوں اور سٹالز وغیرہ پر13036چھاپے مارے گئے،چیکنگ کے دوران1397گرانفروش،10خیرہ اندوز جبکہ دیگر بے ضابطگیوں میں ملوث36افراد پائے گئیِپرائس کنٹرول مجسٹریٹ نے گراں فروشی اور دیگر بے ضابطگیوں پرکارروائی کرتے ہوئی17لاکھ80ہزار روپے جرمانہ وصول کیاِ109تاجروں کے خلاف ایف آئی درج کی گئی۔

128تاجروں اور دکانداروں کو گرفتار کیا گیا۔ٹوبہ ٹیک سنگھ میں سب سے زیادہ1305چھاپے مارے گئے جبکہ رحیم یار خان میں سب سے زیادہ2لاکھ96ہزار سے زائد جرمانہ وصول کیا گیا،راولپنڈی میں2 لاکھ54ہزار اور لاہور میں1 لاکھ24ہزار جرمانہ وصول کیا گیا،گزشتہ روز صوبہ بھر میں اوزان وپیمائش کی چیکنگ کے لئے 3140چھاپے مارے گئے،120تاجروں اور دکانداروں کو ناپ تول میں کمی کا مرتکب پاکر قانونی کارروائی کا آغاز کر دیا گیا۔

Facebook Twitter Google + Share on Whatsapp

گرانفروشوں اورکم تولنے والوں کے خلاف گھیرا تنگ‘248 تاجروں کے خلاف قانونی کارروائی کا آغاز

Your Thoughts and Comments

مزید کاروباری خبریں