حکومت اسلام آبادمیں قانون کرایہ داری کا مسئلہ سو دن کے اندر حل کرے۔ شیخ عامر وحید

سی ڈی اے کی عدم توجہ سے مارکیٹیں کھنڈرات میں بدل رہی ہیں ۔ راجہ جاوید

بدھ 15 اگست 2018 22:32

حکومت اسلام آبادمیں قانون کرایہ داری کا مسئلہ سو دن کے اندر حل کرے۔ شیخ عامر وحید

اسلام آباد (اُردو پوائنٹ اخبارتازہ ترین - آن لائن۔ 15 اگست2018ء) اسلام آباد چیمبر آف کامرس اینڈ انڈسٹری کے صدر شیخ عامر وحید کی قیادت میں ایک وفد نے مرکز جی نائن کراچی کمپنی کا دورہ کیا اور ٹریڈرز ویلفیئر ایسویس ایشن کے عہدیداران کو الیکشن میں شاندار کامیابی پر مبارک باد دی ۔ وفد میں چیمبر کے سنیئر نائب صدر محمد نوید ملک، نائب صدر نثار مرزا ، احمد مغل، خالد چوہدری، اشفاق چٹھہ، دلدار عباسی، چوہدری ظفر گجر ، مشرف جنجوعہ ،چوہدری عرفان، فیضان شہزاد، چوہدری طاہر محمود، عزت بخش، ناصر چوہدری، نوید ستی اور اشعر حفیظ شامل تھے۔

اس موقع پر نو منتخب چیئرمین راج عباسی، صدر راجہ جاوید، جنرل سیکٹری اول خان اور دیگر عہدیدار موجود تھیاسلام آباد چیمبر آف کامرس اینڈ انڈسٹری کے صدر شیخ عامر وحید نے نومنتخب عہدیداروں کو مبارکباد دیتے ہوئے کہا کہ آئیندہ چند روز میں پاکستان تحریک انصاف (پی ٹی آئی) کی حکومت بننے جارہی ہے جنہوں نے قانون کرایہ داری کے نفاذ کا پہلے سو دن میں نافذ کرنے کا وعدہ کیا ہے امید ہے ایم این اے اسد عمر اپنا وعدہ پورا کرتے ہوئے پہلے سو دن کے اندر منصفانہ قانون کرایہ داری نافذ کرائیں گے انہوںنے اسلا م آباد چیمبر آف کامرس اینڈ انڈسٹری کی طرف سے مکمل تعاون کی یقین دہانی کرائی۔

(جاری ہے)

ٹریڈرز ویلفیئر ایسوسی ایشن مرکز جی نائن کراچی کمپنی کے نو منتخب صدر راجہ جاوید اور چیئرمین راج عباسی نے اپنے خیالات کااظہار کرتے ہوئے کہا کہ اسلا م آباد چیمبر آف کامرس اینڈ انڈسٹری کے عہدیداروں کا شکریہ ادا کیا اور کہا کہ وہ اسلام آباد چیمبر کو تاجروں کا ایک نمائیندہ ادارہ مانتے ہیں اور تاجروں کے مسائل حل کرنے کے لئے چیمبر کے ساتھ مکمل تعاون کریں گے۔ انہوںنے مذید کہا کہ سی ڈی اے اور ایم سی آئی کی عدم توجہ کی وجہ سے اسلا م آباد کی مارکیٹیں اور بالخصوص کراچی کمپنی کھنڈرات میں تبدیل ہو رہی ہیں اور گزشتہ چار سالوں سے کوئی ترقیاتی کام نہیں ہوئے لہذا سی ڈی اے کے معاملات کے لئے اسلا م آباد چیمبر کا تعاون درکا ر ہے۔