ْ(ن)لیگ پی ایس ایز کے ایک کھرب30ارب کے قرضے ادا کرنے میں نا کام رہی‘مزید23.5فیصد اضافہ متوقع

لاہور۔17 اگست(اُردو پوائنٹ اخبارتازہ ترین - اے پی پی۔ 17 اگست2018ء) پاکستان مسلم لیگ(ن)کی حکومت گزشتہ مالی سال2018ء میں سرکاری اداروں(پی ایس ایز)کے ایک کھرب30ارب روپے کے قرضے ادا کرنے کی اپنی ذمہ داریوں میں مکمل طور پر نا کام رہی ہے، مسلم لیگ(ن)نے ’’پی ایس ایز‘‘ بشمول پاکستان انٹرنیشنل ایئرلائنز(پی آئی ای)اور پاکستان سٹیل ملز کو بڑے قرضوں کے بوجھ تلے دفن کر کے رکھ دیا ،پی ایس ایز کی جانب سے گزشتہ مالی سال کے دوران ایک کھرب30ارب روپے کی ادائیگیاں ہی نہیں کی گئیں جس کی وجہ سے گزشتہ حکومت ان پی ایس ایز میں اصلاحات لانے میں مکمل طور پر نا کام رہی،یہاں یہ امر قابل ذکر ہے کہ پی ایس ایز میں سالانہ بنیادوں پر23.5فیصد اضافہ ہو رہا ہے جو گزشتہ سال جون میں1.05فیصد کھرب تھا اور یہ ادائیگیاں جون2018ء تک 231.3ارب روپے تک پہنچنے کا خدشہ ہے،ترجمان نے بتایا کہ سٹیٹ بینک آف پاکستان کے اعداد و شمار کے مطابق پی ایس ایز کا حجم جون 2018 ء کے آخر تک 1068.2ارب روپے تھا جو ایک سال قبل822.8ارب روپے تھا جس میں پہلے ہی30فیصد اضافہ دکھائی دے رہا ہے جبکہ قرضوں کے حجم میں تیزی سے اضافہ ہو رہا ہے اور پی ایس ایز بڑے خسارے کے باعث اس قدر بھاری اخراجات اور ادائیگیاں نہیں کر سکتیں،ترجمان نے مزید بتایا کہ مسلم لیگ(ن)کی حکومت گزشتہ پانچ سال کے عرصہ میں پی ایس ایز بشمول پی آئی اے،پاکستان سٹیل ملز اور پاور سیکٹر کمپنیوں کی نجکاری میں نا کام رہی جبکہ حکومت کے بلا جواز انتظار کے مقابلے میں پی ٹی آئی نے صحت فنڈ کے قیام کے ساتھ ساتھ پی آئی اے،پی ایس ایم اور دیگر اداروں کیلئے ویلتھ فنڈ قائم کیا،ہمیں یہ بات بھی یقینی بنانی چاہئے کہ پی ایس ایز کی تقرری اور اس کا اختیار مکمل طور پر غیر سیاسی ہوں اور اس میں کسی قسم کا کوئی سیاسی عمل دخل نہ ہواور متعلقہ وزارتوں کی بجائے خود مختار بورڈز اس کو چلائیں ،یاد رہے کہ ویلتھ فنڈ کے ماڈل کا تصور ملائشیاء میں خزانہ کے طور پر استعمال کیا جا تا ہے جو کہ حکومت کیلئے خود مختار خزانے کی حیثیت رکھتا ہے اور اس کے تحت منتخب کمرشل اثاثوں کا انتظام حکومت سنبھال سکتی ہے اور سٹریٹجک سرمایہ کاری کو قوم کی ایما پر شروع کیا جا سکتا ہے، ایک رپورٹ میں حاصل ہونیوالے مصدقہ ذرائع کے اعدادو شمار کے مطابق پی آئی اے کا قرضہ جون2018ء کے آخر تک 146ارب روپے تک پہنچ چکا ہے جو گزشتہ سال کے اس عرصہ کے دوران 122.4ارب روپے تھا اور پی آئی اے کو اب بھی اپنی ساکھ بحال کرنے کیلئے اربوں روپے کی ضرورت اور نئے جہازوں کی ضرورت ہے،اسی طرح پاکستان سٹیل ملز کا قرضہ43.2ارب روپے ہے اور سٹیل ملز کو گزشتہ تین سال سے زبردستی بند کرنے کی کوشش کی جا رہی ہے جبکہ سٹیل ملز کی انتظامیہ ملازمین کو تنخواہیں دینے کی پوزیشن میں نہیں ہے،دوسری جانب واٹر اینڈ پاور ڈویلپمنٹ اتھارٹی(واپڈا)کی آمدن میں ایک سال کے دوران 49.8ارب روپے کا ریکارڈ اضافہ ہوا ہے جبکہ اس کا قرضہ جون2018کے آخر تک بڑھ کر131.2ارب روپے ہو گیا ہے جو ایک سال قبل81.4ارب روپے تھا،اسی طرح آئل اینڈ گیس ڈویلپمنٹ کارپوریشن لمیٹڈ(او جی ڈی سی ایل)کا قرضہ جون2018کے آخر تک4.3ارب روپے ریکارڈ کیا گیا ہے�

(جاری ہے)

�