پٹرولیم اور گیس کی نجی و سرکاری کمپنیوں کی جانب سے ترقیاتی فنڈز فراہم کرنے سے متعلق درخواست پرچیئرمین ضلعی کمیٹی طلب

منگل 25 ستمبر 2018 18:58

کراچی (اُردو پوائنٹ اخبارتازہ ترین - این این آئی۔ 25 ستمبر2018ء) سندھ ہائی کورٹ نے پٹرولیم اور گیس کی نجی و سرکاری کمپنیوں کی جانب سے ترقیاتی فنڈز فراہم کرنے سے متعلق درخواست پر ضلعی کمیٹی کے چیئرمین اور پی پی ایل کے سی ای او کو طلب کرتے ہوئے سماعت 2اکتوبر تک ملتوی کردی ہے ۔منگل کو سندھ ہائی کورٹ میں درخواست کی سماعت کے موقع پر18سے زائد ڈپٹی کمشنر زعدالت میں پیش ہوئے جہاں ڈپٹی کمشنرز نے اضلا ع کو فنڈز کی فراہمی سے متعلق حلفیہ بیان عدالت میں جمع کرایا ۔

(جاری ہے)

چیف جسٹس احمد علی ایم شیخ کی سربراہی میں دو رکنی بنچ نے حلف نامے نہ مکمل قرار دیتے ہوئے مستردکردیے چیف جسٹس سندھ ہائی کورٹ نے سرکاری وکیل سے استفسار کیا کہ آپ حکومت کی نمائندگی کریں گے یا عوام کی،جس پر سرکاری وکیل کا کہنا ہے کہ عوام سب سے مقدم ہے،مجھے عوام کی نمائندگی کرکے خوشی ہوگی،عدالت نے آئندہ ماہ تک گیس اور پیٹرولیم کمپنیوں کے آپریشنز اور ان کی سماجی ذمہ داریوں کے بارے میں تفصیلی رپورٹ طلب کرلی،عدالت نے استفسار کیا کہ بتایا جائے کہ سماجی ذمہ داری کے سلسلے میں کتنے اسپتال اور اسکول کھولے گئے اور کتنے بچوں کو اسکالر شپ دی گئی،عدالت نے گذشتہ 5سال میں اس فنڈز کے استعمال سے متعلق کمیٹیوں کے بارے میں بھی تفصیلات طلب کرلیں عدالت نے ڈپٹی کمشنرز سے مکالمے میں کہا کہ آپ لوگوں کو قیامت کے دن اللہ کو جواب دینا ہوگا،سیاست دانوں کے دباو سے آزاد رہ کر فرائض انجام دیںسب کو اپنی کارکردگی کا جواب دینا ہوگا،اگر ضرورت محسوس ہوئی تو اس معاملے میں نیب سے بھی انکوائری کرائی جاسکتی ہے،آگاہ کیا جائے کہ کس ضلع کی کمیٹی کاچیئرمین کون ہے اورکمیٹی کے کتنے اجلاس ہوئے،سکھرضلع کی کمیٹی کے خورشید شاہ ،گھوٹکی کے خالد لوندہیں،بینچ نے آئندہ سماعت 2اکتوبر کو ضلعی کمیٹی کے چیئرمین اور پی پی ایل کے سی ای او کو بھی طلب کرتے ہوئے کہا کہ کیس کی سماعت ہر ہفتہ ہوا کرے گی تاکہ اس معاملے کو منطقی انجام تک پہنچایا جاسکے