پی ایس کیو سی ای کی جانب سے بوتلوں میں بند 9مختلف برانڈ کے پانی صحت کیلئے مضر قرار

پی ایس کیو سی ای کی جانب سے بوتلوں میں بند 9مختلف برانڈ کے پانی صحت کیلئے ..
اسلام آباد۔ 10 اکتوبر(اُردو پوائنٹ اخبارتازہ ترین۔ 10 اکتوبر2018ء)پاکستان سٹینڈرڈز اینڈ کوالٹی کنٹرول اتھارٹی(پی ایس کیو سی ای) نے بوتلوں میں بند 9مختلف برانڈ کے پانی کو صحت کیلئے مضر قرار دیدیا۔

(جاری ہے)

بدھ کو پی ایس کیو سی اے کی جانب سے جاری سہہ ماہی رپورٹ کے مطابق رواں سال ماہ جولائی سے ستمبر کے دوران ملک بھر کے مختلف شہروں اسلام آباد،راولپنڈی،گوجرانوالہ،پشاور،ملتان،لاہور،بہاولپور،رحیم یار خان،ٹنڈو جام ،کوئٹہ اور کراچی میں بوتلوں میں بند پانی کے نمونن حاصل کئے گئے۔

لیبارٹری میں مکمل تجزئیے کے بعد پیور واٹر،پلس پیاس،تھری سٹار،ڈیورو،ریئل پلس،ایلائن پلس،کرسٹل مایا،پیور ایل ٹی اور اکوا سعد برانڈز کو کیمیائی اور مائیکرو بائیولوجیکل آلودگی کے باعث صحت کیلئے مضر قرار دیا گیا۔ان میں سے پلس پیاس میں آرسینک کی سب سے زیادہ مقدار پائی گئی۔آرسینک کی زیادہ مقدار جلد،کڈنی ،ہائپر ٹینشن،دل کی بیماریوں،ذیابیطس اور دیگر مہلک امراض کا باعث بن سکتا ہے۔

Your Thoughts and Comments