اوگرا حکام کا 220 پیٹرول پمپوں کا معائنہ ،

معیارکوبرقرارنہ رکھنے والے 59 پیٹرول پمپوں کی نشاندہی، اظہاروجوہ کے نوٹسزجاری

اوگرا حکام کا 220 پیٹرول پمپوں کا معائنہ ،
اسلام آباد ۔ (اُردو پوائنٹ اخبارتازہ ترین۔ 11 اکتوبر2018ء)آئل اینڈ گیس ریگولیٹری اتھارٹی (اوگرا) نے مختلف آئل مارکیٹنگ کمپنیوں کے 220 پیٹرول پمپوں کا معائنہ کیا اورمعیارکوبرقرارنہ رکھنے والے 59 پیٹرول پمپوں کی نشاندہی کی۔

(جاری ہے)

اوگرا کے ایک عہدیدارنے اے پی پی کو بتایا کہ مختلف آئل مارکیٹنگ کمپنیوں کے 220 پیٹرول پمپوں کے معائنہ کے دوران معیارکوبرقرارنہ رکھنے والے 59 پیٹرول پمپوں کی نشاندہی کی گئی، ان پمپوں پرفلنگ کی مقدارکم ریکارڈ کی گئی جس پراظہاروجوہ کے نوٹسزجاری کئے گئے ، بعدازاں سماعت کی گئی اوران تمام پمپوں پرجرمانے عائد کئے گئے۔

انہوں نے کہاکہ وزن اورمقدارکے شعبہ جات نے ویٹ اینڈ میرمنٹ انفورسمنٹ رولز مجریہ 1976کے تحت پیٹرول پمپوں اورسی این جی سٹیشنز پر لگے ڈسپنسرز کے گیجز کا اچھی طرح سے جائزہ لیا۔ انہوں نے کہاکہ اوگرا مفادعامہ میں مختلف آئل مارکیٹنگ کمپنیوں کیفلنگ سٹیشنز کا معائنہ کرتی ہے، اسی طرح سی این جی سٹیشنز کا سالانہ بنیادوں پرمعائنہ کیا جاتاہے اورمتعلقہ قوانین اورضوابط کے اطلاق کو جانچا جاتا ہے۔

Your Thoughts and Comments