ڈاؤلینس کی جانب سے کوکنگ رینج کے ٹیمپرڈ گلاس ہابس پر پانچ سالہ وارنٹی کی پیشکش

منگل 18 دسمبر 2018 19:07

کراچی (اُردو پوائنٹ اخبارتازہ ترین - این این آئی۔ 18 دسمبر2018ء) ڈاؤلینس ہوم اپلائنسز میں مارکیٹ لیڈراورترکی کی سب سے بڑی انٹرپرائز آرشلک کا کل ملکیتی ادارہ ہے جو یورپ میں تیسری بڑی مینوفیکچرر ہے۔ اپنے صارفین کے لیے بے مثال بھروسہ اور تجربہ کے وعدہ کے نتیجہ میں ڈاؤلینس نے اپنے کوکنگ اپلائنسز کی رینج میں گلاس ٹاپ ہابس کی ٹیمپرڈ گلاس پر پانچ سالہ وارنٹی متعارف کرا دی ہے۔

دسمبر، 2018ء سے صارفین اب صرف ون ٹائم ریپلیسمنٹ وارنٹی سے فائدہ حاصل کر سکیں گے۔یہ بے مثال وارنٹی یورپین کوالٹی مینوفیکچرر کی جانب سے پیش کی گئی اپنی نوعیت کی پہلی وارنٹی ہے جو دوسروں کے مقابلہ میں کہیں آگے ہے۔ گزشتہ تین دہائیوں کے دوران ڈاؤلینس نے لاکھوں صارفین کے دل جیتے ہیں۔ پاکستان میں آرشلک کی آمد کے بعد ڈاؤلینس نے زبردست سرمایہ کاری اور جدت دیکھی ہے تاکہ اس کے عملہ کے کام کے معیار، آپریشنز اور پروڈکٹس کی کوالٹی میں اضافہ کیا جا سکے۔

(جاری ہے)

اس نئی پیشکش کے بارے میں ڈاؤلینس کے ہیڈ آف مارکیٹنگ، حسن جمیل نے کہا،’’پروڈکس کی پائیداری اور آپریشنل ٹیموں کے حوالہ سے ڈاؤلینس- آرشلک کو حاصل کبھی نہ ختم ہونے والے اعتماد سے متاثر ہو کر،ہم نے یہ منفرد’گرانڈ وارنٹی آفر‘ متعارف کرائی ہے۔ ہماری پروڈکٹس اپنے استعمال کرنے والوں کی توقعات سے بڑھ کر کارکردگی کا مظاہرہ کرتی ہیں اس کے باوجود ہم اپنے صارفین کے لیے مکمل ذہنی سکون یقینی بنا رہے ہیں۔

اسٹائلش ڈیزائن اور اعلیٰ کارکردگی والی پروڈکٹس کے ساتھ ہم گھریلو صارفین کے لیے بجلی کی بچت میں 35 فیصد سے بھی زائد کا وعدہ کرتے ہیں۔‘‘آرشلک کی گلوبل فیملی میں شمولیت کے ساتھ ڈاؤلینس، پاکستان میں،بہترین عالمی طریقوں اور صارفین دوست پالیسیاں بھی متعارف کرا رہا ہے۔ اس کی تمام پروڈکٹس وسیع ریسرچ اور ترقی کے ذریعہ صارفین کی بڑھتی ہوئی ضروریات کے بارے میں گہری معلومات کے بعد تیار کی جاتی ہیں۔