انٹربینک مارکیٹ میں امریکی ڈالر کی قیمت خرید میں6پیسے اور قیمت فروخت میں1پیسے کی کمی جبکہ اوپن کرنسی مارکیٹ میں قیمت فروخت میں10پیسے کا اضافہ

جمعرات 17 جنوری 2019 19:57

کراچی (اُردو پوائنٹ اخبارتازہ ترین - این این آئی۔ 17 جنوری2019ء) انٹربینک مارکیٹ میں پاکستانی روپے کے مقابلے میں امریکی ڈالر کی قیمت خرید میںمزید6پیسے اور قیمت فروخت میں1پیسے کی کمی جبکہ اوپن کرنسی مارکیٹ میں امریکی ڈالر کی قیمت خرید میں استحکام اور فروخت میں10پیسے کا اضافہ ریکارڈ کیاگیا۔فاریکس ایسوسی ایشن آف پاکستان کے جاری کردہ اعدادوشمار کے مطابق جمعرات کوانٹربینک مارکیٹ میں امریکی ڈالر کی قیمت خریدمیں6پیسے اور قیمت فروخت میں1پیسے کی کمی ریکارڈ کی گئی ، جس کے نتیجے میں امریکی ڈالر کی قیمت خرید138.86روپے سے گھٹ کر138.80روپے اور قیمت فروخت138.91روپے سے گھٹ کر138.90روپے ہوگئی ۔

اوپن کرنسی مارکیٹ میںپاکستانی روپے کے مقابلے میں امریکی ڈالر کی قیمت خریدمیںاستحکام اور فروخت میں10پیسے کا اضافہ ریکارڈ کیاگیا، جس کے نتیجے میں امریکی ڈالر کی قیمت خرید138.80روپے پرمستحکم اورقیمت فروخت139.20روپے سے بڑھ کر139.30روپے ہوگئی۔

(جاری ہے)

یوروکی قیمت خریدمیں25پیسی اور قیمت فروخت میں75پیسے جبکہ برطانوی پائونڈکی قیمت خریدمیں50پیسی اورقیمت فروخت میں70پیسے کااضافہ ریکارڈ کیاگیا،جس کے نتیجے میں باالترتیب یوروکی قیمت خرید157.50روپے سے بڑھ کر157.75روپے اورقیمت فروخت158.50روپے سے بڑھ کر159.25روپے جبکہ برطانوی پائونڈکی قیمت خرید177.70روپے سے بڑھ کر178.20روپے اورقیمت فروخت179.00روپے سے بڑھ کر179.70روپے ہوگئی۔

فاریکس رپورٹ کے مطابق سعودی ریال کی قیمت خرید میں5پیسے اور فروخت میں10پیسے جبکہ یواے ای درہم کی قیمت خرید5پیسے اور قیمت فروخت میں10پیسے کااضافہ ریکارڈ کیاگیا،جس کے نتیجے میں باالترتیب سعودی ریال کی قیمت خرید36.85روپے سے بڑھ کر36.90روپے اورقیمت فروخت37.10روپے سے بڑھ کر37.20روپے جبکہ یواے ای درہم کی قیمت خرید37.75روپے سے بڑھ کر37.80روپے اورقیمت فروخت38.00روپے سے بڑھ کر38.10روپے ہوگئی۔جمعرات کوچینی یوآن کی قدرمیںاستحکام رہا،جس کے نتیجے میں چینی یوآن کی قیمت خرید20.00روپے اور قیمت فروخت21.00روپے پرمستحکم رہی۔