پاکستان اسٹاک ایکسچینج میں تیزی کا تسلسل جاری ،سرمایہ کاری مالیت میں44ارب78 کروڑ روپے سے زائدکااضافہ

کراچی (اُردو پوائنٹ اخبارتازہ ترین - این این آئی۔ 22 جنوری2019ء) پاکستان اسٹاک ایکسچینج میں تیزی کا تسلسل جاری کاروباری ہفتے کی دوسرے روزمنگل کوبھی اتارچڑھائو کے بعد تیزی رہی اورکے ایس ای100انڈیکس کی36600،36700،36800اور36900کی نفسیاتی حدیںبحال ہوگئی،تیزی کے نتیجے میںسرمایہ کاری مالیت میں44ارب78 کروڑ روپے سے زائدکااضافہ ،کاروباری حجم گذشتہ روز کی نسبت9.88فیصدزائدجبکہ61.49فیصد حصص کی قیمتوں میںاضافہ ریکارڈ کیا گیا۔

فروخت کے دبائو اور پرافٹ ٹیکنگ کے سبب کاروبار کا آغاز منفی زون میں ہوا، ٹریڈنگ کے دوران ایک موقع پر کے ایس ای100انڈیکس 39485پوائنٹس کی سطح پر بھی ریکارڈ کیاگیا تاہم بعدازاںحکومتی مالیاتی اداروں مقامی بروکریج ہائوس سمیت دیگرانسٹی ٹیوشنز کی جانب سے توانائی،فوڈز، بینکنگ اورکیمیکلزسمیت دیگرمنافع بخش سیکٹرمیں خریداری کے باعث مندی کے اثرات زائل ہوگئے اور ٹریڈنگ کے دوران ایک موقع پر کے ایس ای100انڈیکس39961پوائنٹس کی بلندسطح پر بھی ریکارڈ کیاگیاتاہم اتارچڑھائو کے باعث کے ای100انڈیکس مذکورہ سطح پر برقرار نہ رہ سکا۔

(جاری ہے)

مارکیٹ کے اختتام پر کے ایس ای100انڈیکس358.44پوائنٹس اضافے سی39902.21پوائنٹس پر بندہوا۔مجموعی طور پر348کمپنیوں کے حصص کا کاروبار ہوا،جن میں سی214کمپنیوں کے حصص کے بھاؤ میں اضافہ،109کمپنیوں کے حصص کے بھاؤ میں کمی جبکہ25کمپنیوں کے حصص کے بھاؤ میں استحکام رہا۔سرمایہ کاری مالیت میں44ارب78کروڑ7لاکھ17ہزار166روپے کااضافہ ریکارڈ کیاگیاجبکہ سرمایہ کاری کی مجموعی مالیت بڑھ کر80کھرب15ارب3کروڑ42لاکھ20ہزار463روپے ہوگئی۔

منگل کومجموعی طور پر13کروڑ68لاکھ2ہزار450شیئرزکاکاروبارہوا،جوپیرکی نسبت1کروڑ23لاکھ11ہزار830 شیئرززائدہیں۔قیمتوں کے اتار چڑھاؤ کے حساب سے رفحان میظ کے حصص سرفہرست رہے ،جس کے حصص کی قیمت100.00روپے اضافے سی6900.00روپے اورنیسلے پاکستان کے حصص کی قیمت69.00روپے اضافے سی8100.00روپے پر بند ہوئی۔نمایاں کمی یونی لیور فوڈکے حصص میں ریکارڈکی گئی،جس کے حصص کی قیمت100.00روپے کمی سی7100.00روپے اوروائتھ پاک لمیٹڈکے حصص کی قیمت29.00روپے کمی سی1021.00روپے ہوگئی ۔

منگل کوٹی آر جی پاک لمیٹڈکی سرگرمیاں1کروڑ15لاکھ61ہزار500شیئرز کے ساتھ سرفہرست رہیں،جس کے شیئرز کی قیمت1.21روپے اضافہ سی25.93روپے اورفوجی فوڈزلمیٹڈکی سرگرمیاں98لاکھ93ہزارشیئرز کے ساتھ دوسرے نمبر پر رہی،جس کے شیئرز کی قیمت2.08روپے اضافے سی35.08روپے ہوگئی۔منگل کوکے ایس ای30انڈیکس221.44پوائنٹس اضافہ سی19149.77پوائنٹس،کے ایم آئی30انڈیکس549.65 پوائنٹس اضافے سی67012.68پوائنٹس جبکہ کے ایس ای آل شیئر انڈیکس159.54پوائنٹس اضافے سی29238.40پوائنٹس پر بند ہوا ۔