ڈالر کی قیمت میں اضافہ، موٹرسائیکلوں کی قیمت میں 36 ہزار روپے تک ریکارڈاضافہ

ڈالر کی قیمت میں اضافہ، موٹرسائیکلوں کی قیمت میں 36 ہزار روپے تک ریکارڈاضافہ
کراچی (اُردو پوائنٹ اخبارتازہ ترین۔ 08 فروری2019ء) پاکستان میں ایک سال کے دوران متوسط طبقے کی سواری موٹرسائیکلوں کی قیمت میں 36 ہزار روپے تک اضافہ ریکارڈ کیا گیا ہے جس کی وجہ ڈالر کی قیمت میں اضافے کو قرار دیا جا رہا ہے۔میڈیا رپورٹس کے مطابق ڈالر کے مقابلے روپے کی بے قدری نے جہاں مختلف اشیائ کی قیمتوں میں اضافہ کیا وہیں متوسط طبقے کی سواری سائیکلیں بھی 36 ہزار روپے تک مہنگی ہو گئیں۔

(جاری ہے)

ایک سال کے دوران سوزوکی کمپنی نے 150 سی سی موٹر سائیکل کی قیمت 24 ہزار روپے اضافے سے 2 لاکھ 43 ہزار روپے کر دی۔یاماہا کمپنی نے 125 جی موٹر سائیکل کی قیمت 10 ہزار 600 روپے اضافے سے 1 لاکھ 44 ہزار 500 روپے جبکہ ہنڈا کمپنی نے سی بی 125 ایف موٹر سائیکل کی قیمت 36 ہزار روپے اضافے سے 1 لاکھ 62 ہزار 500 روپے کر دی۔موٹر سائیکل ڈیلرز کے مطابق روپے کے مقابلے ڈالر کی قیمت میں اضافے کے سبب ایک سال کے دوران موٹرسائیکلوں کی قیمتوں میں اضافہ ریکارڈ کیا گیا ہے۔

Your Thoughts and Comments