سکیورٹیز اینڈ ایکسچینج کمیشن ،جنوری میں ایک ہزار 317کمپنیاں رجسٹرڈ ہوئیں ،مجموعی تعداد 95ہزار ہوگئی

فیصد کمپنیاں پرائیویٹ لمیٹڈ ، 24فیصد سنگل ممبر کمپنیاں رجسٹرڈ ہوئیں،جنوری میں 61کمپنیوں میں غیر ملکی سرمایہ کاری ہوئی‘ترجمان

لاہور (اُردو پوائنٹ اخبارتازہ ترین۔ 11 فروری2019ء) سکیورٹیز اینڈ ایکسچینج کمیشن آف پاکستان میں سال 2019ء کے پہلے ماہ جنوری میں ایک ہزار 317کمپنیاں رجسٹرڈ ہوئیں جس کے بعد رجسٹرڈ کمپنیوں کی مجموعی تعداد 95ہزار ہوگئی۔

(جاری ہے)

ترجمان ایس ای سی پی کے مطابق جنوری میں73 فیصد کمپنیاں پرائیویٹ لمیٹڈ ، 24فیصد سنگل ممبر کمپنیاں رجسٹرڈ ہوئیں،تین فیصد کمپنیاں غیر منافع بخش اداروں ، غیر ملکی اور لمیٹڈ لائیبیلٹی پارٹنر شپس کمپنیاں ہیں۔ جنوری میں 214کمپنیاں ٹریڈنگ کے شعبے میں رجسٹر ہوئیں۔ترجمان کے مطابق خدمات میں 185، تعمیرات میں 180، انفرمیشن ٹیکنالوجی میں 128اور سیاحت میں 74کمپنیاں رجسٹرڈ ہوئیں۔جنوری میں 61کمپنیوں میں غیر ملکی سرمایہ کاری ہوئی۔