پاک قطر فیملی تکافل بیلجیئم کی کمپنیEnsur کوتکافل ایڈوائزری سروسزفراہم کرے گی

پاک قطر فیملی تکافل بیلجیئم کی کمپنیEnsur کوتکافل ایڈوائزری سروسزفراہم ..
کراچی (اُردو پوائنٹ اخبارتازہ ترین - این این آئی۔ 28 فروری2019ء) پاک قطر فیملی تکافل نے برسلزبیلجیئم میں واقع ایک پراجیکٹ مینجمنٹ کمپنی Ensurکے ساتھ ایک معاہدے پر دستخط کئے ہیں جس کے تحت پاک قطر فیملی اس کمپنی کو انشورنس کے حوالے سے مشاورتی خدمات فراہم کرے گی۔ واضح رہے کہ Ensurبیلجیئم اور اس کے اردگرد کے ممالک میں تکافل انشورنس متعارف کروانے کے مواقع کا جائزہ لے رہی ہے اور ریگولیٹری کی ضروریات، مالی بہائواور گورننس سے متعلق معاملات پر ماہرانہ نقطئہ نظر حاصل کرنا چاہتی ہے۔

اس حوالے سے پا ک قطر فیملی تکافل کو انڈسٹری پر گہری نظر اور مہارت رکھنے کی وجہ سے بطور پارٹنر منتخب کیا گیا ہے۔اس حوالے سے دونوں کمپنیوں کے مابین پہلی کامیاب ویب کاسٹ منعقد کی جاچکی ہے جبکہ مستقبل قریب میں ایسی متعدد ویب کاسٹ ہونے کا امکان ہے۔

(جاری ہے)

پاک قطرفیملی تکافل اسلامک فنانس انڈسٹری کی پہلی اور سب سے بڑی تکافل کمپنی ہے۔ پاک قطر فیملی تکافل ٹیکنالوجی پر مبنی شریعہ کمپلائنٹ کمپنی ہے جو پاکستان میں 2007سے تکافل کی جدید سلوشنز فراہم کررہی ہے۔

پاک قطر فیملی تکافل ملک میں تیزی سے بڑھتی ہوئی تکافل کمپنی ہے۔ پاک قطر فیملی تکافل سیکیوریٹیزاینڈ ایکسچینج کمیشن آف پاکستان کے ساتھ رجسٹرڈ اور اس کی نگرانی میں کام کررہی ہے۔ کمپنی کا مفتی محمد تقی عثمانی کی سربراہی میں ایک آزاد شریعہ ایڈوائرزری بورڈ ہے۔یہ بورڈ شریعہ کمپلائنس کیلئے تمام پراڈکٹس اور آپریشنز کی تصدیق کرتاہے۔

کمپنی کو جے سی آر ۔وی آئی یس کریڈٹ ریٹنگ کمپنی اور پاکستان کریڈٹ ریٹنگ کمپنی نے مستحکم آئوٹ لُک کے ساتھ "A+" ریٹنگ جاری کی ہے۔ پاک قطر فیملی تکافل کا ویژن ہر فرد کو تکافل کے ذریعے مالی تحفظ فراہم کرنا ہے۔ کمپنی کے شیئرہولڈرز میں قطر کے نمایاں مالیاتی ادارے شامل ہیں جن میں قطر اسلامک انشورنس کمپنی اور قطر انٹرنیشنل اسلامک بینک شامل ہیں۔

پاک قطر فیملی تکافل نے بینکنگ چینلز کے ذریعے تکافل پالیسی کی ڈسٹری بیوشن کیلئے جرمن بیسڈ لائف انشورنس کمپنی ایف ڈبلیو یو اے جی (FWU AG) کے ساتھ بینکا تکافل معاہدہ کر رکھا ہے۔پاک قطر تکافل کمپنی کا ملک کے 60سے زائد شہروں میں 70سے زائد برانچزکے ساتھ پاکستان کا سب سے بڑا تکافل برانچ نیٹ ورک ہے۔اس کے علاوہ ملک کے 200سے زائد شہروں کی 3500سے زائد بینک برانچز بینکا تکافل کی پراڈکٹس فراہم کررہی ہیں۔

7لاکھ سے زائد انفرادی اور 950 سے زائد کارپوریٹ ممبران کو تکافل خدمات فراہم کرنے کے ساتھ ساتھ کمپنی ٹیکنالوجی کی ترقی پر یقین رکھتے ہوئے تمام ڈیجیٹل ذرائع جدید ویب پورٹلز اور اور موبائل ایپلی کیپشنز کے ذریعے 24گھنٹے صارفین کے ساتھ رابطے میں رہتی ہے۔پاک قطر فیملی تکافل کئی سالوں سے گلوبل اسلامک فنانس، ایف پی سی سی آئی، آئی ایف این اور آر ٹی سی اسلامک بینکنگ اینڈ فنانس ایوارڈزاور آئی ایف این سمیت ملکی اور بین الاقوامی اداروں کی جانب سے بہترین تکافل کمپنی کا ایوارڈ حاصل کرچکی ہے۔

Your Thoughts and Comments