اے سی سی اے اور نیشنل انکیوبیشن سینٹر پاکستان میں اسٹارٹ اپس اور جدت کے فروغ کے لیے پر عزم

اے سی سی اے اور نیشنل انکیوبیشن سینٹر پاکستان میں اسٹارٹ اپس اور جدت ..
کراچی(اُردو پوائنٹ اخبارتازہ ترین۔ 15 مارچ2019ء) Helen Brand OBE، چیف ایگزیکٹو-اے سی سی اے (دی ایسوسیشن آف سرٹیفائیڈ اکائونٹنٹس ) نے پاکستان کے سب سے بڑے ٹیکنالوجی کے مرکز نیشنل انکیوبیشن سینٹر اسلام آباد کا خصوصی دورہ کیا جہاں ان کو پاکستان میں ٹیکنالوجی کے فروغ اور ملک میں ڈیجیٹل تبدیلی سے متعلق تفصیلی بریفینگ دی گئی ۔ اس موقع پر پاکستان میں ٹیکنالوجی کے فروغ اور اے سی سی اے جیسے اداروں کی معاونت سے ملک میں جاری ڈیجیٹل اقدامات پر زوہیز خالق ، ممبر وزیر اعظم ٹاسک فورس برائے آٹی اینڈ ٹیلی کام اور بانی پارٹنر ٹیم اپ اور پراجیکٹ ڈائیر یکٹر این آئی سی ، پر ویز عباسی نے دیگر سینئر نمائندوں کے ساتھ ملکی ترقی پر روشنی ڈالی ۔

Helen Brand OBE، چیف ایگزیکٹو-اے سی سی اے نے اس بات کی یقین دہانی کروائی کہ اے سی سی اے ممبرز پاکستان میں این آئی سی کے ساتھ مل کر اسٹارٹ اپس کے فروغ دیتا رہے گا ۔

(جاری ہے)

اے سی سی اے پاکستان میں کاروبار کے فروغ کے لیے اپنی ماہر انہ معاونت کو اسی طرح جاری رکھنے کا عز م رکھتا ہے ۔ نیشنل انکیوبیشن سینٹر میں انٹر پرینیورز سے گفتگو کرتے ہوئے Helen Brand OBE، چیف ایگزیکٹو-اے سی سی اے نے کہا -کہ کسی بھی کاروبار میں مالی منصوبہ سازی کے لیے ہمیشہ ماہرانہ مشاورت ہے لینا لازمی ہوتا ہے کیونکہ اس مشاورت کی وجہ سے کاروبار کے آغاز اور فروغ میں آسانی پیدا ہوتی ہے "اس دورے کے دوران Helen کے ساتھ اے سی سی اے کی سینئر مینجمنٹ نے بھی شر کت کی جن میں سجید اسلم ، ہیڈ آف اے سی سی اے پاکستان اور اسد حمید خان ، ہیڈ آف بزنس ڈویلپمنٹ اے سی سی اے بھی شامل تھے ۔

نیشنل انکیوبیشن سینٹر میں مختلف اسٹارٹ اپس کو ر ہنمائی فراہم کرتے ہوئے ، ہیڈ آف اے سی سی اے پاکستان ، سجید اسلم نے تمام انٹر پرینیورز کو این آئی سی اور اے سی سی اے کی شراکت داری میں اپنے کاروبار کو فروغ دینے میں مشاورت حاصل کرنے کی حوصلہ افزائی کی ۔ انہوں نے بتایا کہ اے سی سی اے پاکستان میں جدت اور انٹر پرینیور شپ کو فروغ دینے کی اپنی کوششوں کو مسلسل جاری ر کھے گا ۔ -Helen Brand OBE پاکستان میں لیڈرز ان اسلام آباد بزنس سمٹ میں خصوصی شرکت کے لیے تشریف لائی ہیں ۔ اے سی سی اے نے اس سمٹ کے ساتھ بطور Knowledge Partner شراکت داری قائم کی ہے جہاں دنیا بھر سے ایوارڈ یافتہ کاروباری رہنمائوں کی تحقیقات کو پیش کیا گیا ۔

Your Thoughts and Comments