پاکستانی روپے کے مقابلے میں امریکی ڈالرکی قدر میں کمی کا تسلسل جاری

انٹربینک مارکیٹ میں امریکی ڈالرمزید10پیسے اور اوپن مارکیٹ میں بھی 10پیسے سستاہوگیا

بدھ 4 ستمبر 2019 21:55

پاکستانی روپے کے مقابلے میں امریکی ڈالرکی قدر میں کمی کا تسلسل جاری

کراچی (اُردو پوائنٹ اخبارتازہ ترین - این این آئی۔ 04 ستمبر2019ء) ملکی کرنسی مارکیٹوں میں پاکستانی روپے کے مقابلے میں امریکی ڈالرکی قدر میں کمی کا تسلسل جاری ہے،بدھ کوانٹربینک مارکیٹ میں امریکی ڈالرمزید10پیسے اور اوپن مارکیٹ میں بھی 10پیسے سستاہوگیا۔فاریکس ایسوسی ایشن آف پاکستان کے جاری کردہ اعدادوشمار کے مطابق بدھ کوانٹربینک مارکیٹ میں روپے کے مقابلے میں امریکی ڈالرکی قیمت میں مزید10پیسے کی کی ریکارڈکی گئی،جس کے نتیجے میں امریکی ڈالر کی قیمت خرید156.55روپے سے گھٹ کر156.45روپے اورقیمت فروخت156.65روپے سے گھٹ کر156.55روپے ہوگئی۔

اوپن کرنسی مارکیٹ میںپاکستانی روپے کے مقابلے میںامریکی ڈالرکی قیمت میں بھی10پیسے کی ریکارڈ کی گئی،جس کے نتیجے میں امریکی ڈالر کی قیمت خرید156.20روپے سے گھٹ کر156.10روپے اورقیمت فروخت156.70روپے سے گھٹ کر156.60روپے ہوگئی۔

(جاری ہے)

یوروکی قیمت خریدمیں30پیسے اورقیمت فروخت میں80پیسے جبکہ برطانوی پائونڈ کی قیمت خریدمیں1.75روپے اور قیمت فروخت میں2.00روپے کااضافہ ریکارڈ کیا گیا،جس کے نتیجے میں باالترتیب یوروکی قیمت خرید171.00روپے سے بڑھ کر171.30روپے اورقیمت فروخت172.50روپے سے بڑھ کر173.30روپے جبکہ برطانوی پائونڈکی قیمت خرید188.00روپے سے بڑھ کر189.75روپے اورقیمت فروخت190.00روپے سے بڑھ کر192.00روپے ہوگئی۔

فاریکس رپورٹ کے مطابق سعودی ریال کی قیمت خریدمیں5پیسے کی کمی اورقیمت فروخت میں5پیسے کااضافہ جبکہ یواے ای درہم کی قیمت خریدمیں استحکام اور قیمت فروخت میں5پیسے کااضافہ ریکارڈ کیا گیا،جس کے نتیجے میں باالترتیب سعودی ریال کی قیمت خرید41.45روپے سے گھٹ کر41.40روپے اورقیمت فروخت41.65روپے سے بڑھ کر41.70روپے جبکہ یواے ای درہم کی قیمت خرید42.40روپے پرمستحکم اورقیمت فروخت42.65روپے سے بڑھ کر42.70روپے ہوگئی۔بدھ کوچینی یوآن کی قیمت خرید میں استحکام اور قیمت فروخت میں50پیسے کا اضافہ ریکارڈ کیاگیا،جس کے نتیجے میں چینی یوآن کی قیمت خرید22.50روپے پرمستحکم اور قیمت فروخت23.50روپے سے بڑھ کر24.00روپے کی بلندترین سطح پر پہنچ گئی۔