طویل عرصے بعد ڈالر کا بہت ہی تگڑا کم بیک، قیمت میں اضافہ ہوگیا

جمعرات کو کاروباری روز کے اختتام پر پاکستانی روپے کے مقابلے میں امریکی کرنسی کی قیمت میں 20 پیسے تک کا اضافہ ریکارڈ کیا گیا

طویل عرصے بعد ڈالر کا بہت ہی تگڑا کم بیک، قیمت میں اضافہ ہوگیا
کراچی (اردوپوائنٹ اخبارتازہ ترین۔07 نومبر2019ء) طویل عرصے بعد ڈالر کا بہت ہی تگڑا کم بیک، قیمت میں اضافہ ہوگیا، جمعرات کو کاروباری روز کے اختتام پر امریکی کرنسی کی قیمت میں 20 پیسے تک کا اضافہ ریکارڈ کیا گیا۔ تفصیلات کے مطابق جمعرات کو کاروباری روز کے اختتام پر امریکی کرنسی ڈالر کی قیمت میں اضافہ دیکھنے میں آیا۔ گزشتہ کئی ماہ سے پاکستانی روپے کے مقابلے میں امریکی ڈالر کی قیمت میں کمی ہونے کا سلسلہ جاری ہے۔

تاہم جمعرات کے روز کرنسی مارکیٹ میں ڈالر نے بڑی چھلانگ ماری۔ جمعرات کو اوپن مارکیٹ میں روپے کے مقابلے میں امریکی ڈالر کی قدر میں 20 پیسے کا اضافہ ریکارڈ کیا گیا۔ کاروباری ہفتے کے چوتھے روز اوپن مارکیٹ میں ڈالر کی قیمت میں 20 پیسے کا اضافہ ہونے کے بعد روپے کے مقابلے میں ایک امریکی کرنسی کی قیمت 155 روپے 70 پیسے کی سطح پر پہنچ گئی۔

(جاری ہے)

جبکہ اوپن مارکیٹ کے برعکس انٹر بینک میں امریکی کرنسی کی قدر میں کمی دیکھی گئی۔

 انٹر بینک مارکیٹ میں روپے کے مقابلے میں ایک ڈالر 5 پیسے کمی کے بعد 155 روپے 54 پیسے کی سطح پر پہنچ کر بند ہوا۔ دوسری جانب پاکستان سٹاک مارکیٹ میں کاروباری ہفتے کے مسلسل چوتھے روز تیزی دیکھی گئی، 100 انڈیکس میں 105.19 پوائنٹس کی تیزی دیکھی گئی جس کے بعد 35700 کی نفسیاتی حد بھی بحال ہو گئی۔ کاروبار کے دوران ایک موقع پر حصص مارکیٹ کا 100 انڈیکس 35834 کی حد بھی عبور کر گیا تھا تاہم آخری لمحات میں یہ تسلسل قائم نہ رہ سکا۔

تاہم اس کے باوجود کاروبار کے اختتام پر پاکستان سٹاک مارکیٹ میں 105.19 پوائنٹس کی تیزی کے بعد 100 انڈیکس 35758.52 پوائنٹس کی سطح پر بند ہوا۔ اب تک رواں ہفتے کے دوران پاکستان اسٹاک مارکیٹ میں کل 13 سو سے زائد پوائنٹس کا اضافہ ہو چکا ہے۔ معاشی ماہرین کے مطابق اسٹیٹ بینک کی جانب سے شرح سود میں کمی کا عندیہ دیے جانے کے بعد سرمایہ کاروں نے بھرپور انداز میں سرمایہ کاری میں حصہ لینا شروع کر دیا ہے۔

Your Thoughts and Comments