ْرواں مالی سال کے دوران لارج ٹیکس پیئرز یونٹ اسلام آباد کے ٹیکس محصولات میں 45 فیصد اضافہ

اسلام آباد ۔ (اُردو پوائنٹ اخبارتازہ ترین - اے پی پی۔ 08 دسمبر2019ء) رواں مالی سال کے دوران لارج ٹیکس پیئرز یونٹ (ایل ٹی یو) اسلام آباد کے ٹیکس محصولات میں 45 فیصد اضافہ ہوا ہے۔ جولائی تا نومبر 2019ء کے دوران ایل ٹی یو نے 152.67 ارب روپے کی ٹیکس وصولیاں کی ہیں جبکہ جولائی تا نومبر 2018ء کے دوران 105.34 ارب روپے کے ٹیکسز وصول کئے گئے تھے۔

(جاری ہے)

ایل ٹی یو اسلام آباد کے اعدادو شمار کے مطابق گزشتہ مالی سال کے مقابلہ میں جاری مالی سال کے پہلے پانچ ماہ کے دوران ٹیکس وصولیوں میں 47.33 ارب روپے یعنی 45 فیصد کا نمایاں اضافہ ریکارڈ کیا گیا ہے۔

رپورٹ کے مطابق ایل ٹی یو اسلام آباد نے جاری مالی سال میں جولائی تا نومبر 2019ء کے دوران انکم ٹیکس کی مد میں 65.71 ارب روپے، سیلز ٹیکس کی مد میں 48.70 ارب روپے اور فیڈرل ایکسائز ڈیوٹی کی مد میں 38.20 ارب روپے کے ٹیکسز وصول کئے ہیں۔ ایل ٹی یو کے اعدادو شمار کے مطابق نومبر 2019ء کے دوران ٹیکسز وصولیوں میں 28 فیصد اضافہ ہوا اور اس دوران 31.18 ارب روپے کے ٹیکس وصول کئے گئے ہیں جبکہ نومبر 2018ء کے دوران ٹیکس محصولات کا حجم 24.27 ارب روپے کے ٹیکسز وصول کئے تھے۔

Your Thoughts and Comments