ایس ای سی پی نے خواجہ سرائوں کو کمپنی رجسٹریشن کی سہولت فراہم کر دی

ایس ای سی پی نے خواجہ سرائوں کو کمپنی رجسٹریشن کی سہولت فراہم کر دی
اسلام آباد ۔ (اُردو پوائنٹ اخبارتازہ ترین - اے پی پی۔ 14 جنوری2020ء) سکیورٹیز اینڈ ایکسچینج کمیشن آف پاکستان (ایس ای سی پی) نے کمپنی رجسٹریشن کی ای سروسز میں خواجہ سراؤں کی کیٹگری متعارف کراتے ہوئے خواجہ سرائوں کو کمپنی رجسٹریشن کی سہولت فراہم کر دی ہے، اب خواجہ سرا اپنی شناخت رکھتے ہوئے کمپنی رجسٹر کرا سکیں گے یا کسی بھی کمپنی میں ڈائریکٹر یا شئیر ہولڈر بن سکتے ہیں۔

(جاری ہے)

ایس ای سی پی نے ای سروسزمیں خواجہ سراؤں کیلئے ایک علیحدہ درجہ متعارف کرا دیا ہے جس کے ذریعے وہ کمپنی کی رجسٹریشن کراتے وقت اپنی شناخت بطور خواجہ سرا منتخب کر سکتے ہیں۔ یہ کیٹگری حال ہی میں پارلیمنٹ سے منظور ہونے والے ٹرانسجینڈر پرسنز (پروٹیکشن آف رائٹس) ایکٹ 2018ء کے تحت ٹرانسجینڈر کمیونٹی کو بنیادی حقوق دینے کی کو ششوں کا حصہ ہے۔ یہ ایکٹ افراد کو تمام سرکاری اور شناختی دستاویزات جیسے کہ پاسپورٹ، تعلیمی سرٹیفکیٹس اور ڈرائیونگ لائسنس اور دیگر سرکاری دستاویزات پر اپنی شناخت ظاہر کرنے کی سہولت فراہم کرتا ہے۔ اس سہولت کے بعد کوئی بھی فرد ای سروسز میں دی گئی تین درجہ بندیوں میں سے اپنی شناخت یعنی مرد، خاتون یا خواجہ سرا منتخب کر سکتا ہے۔

Your Thoughts and Comments