دستاویز ی معیشت ہی پا کستان کو ترقی کی جانب لے جا سکتی ہے ‘ٹیکسٹائل ٹریڈرز ایسوسی ایشن

حکومت اور تاجروں دونوںکو معاہدوں کی پاسداری کرنی چاہیے ‘ سینئر وائس چیئرمین ساجد ملک

دستاویز ی معیشت ہی پا کستان کو ترقی کی جانب لے جا سکتی ہے ‘ٹیکسٹائل ..
لاہور(اُردو پوائنٹ اخبارتازہ ترین - این این آئی۔ 14 فروری2020ء)حکومت اور تاجروں دونوں کو معاہدوں کی پاسداری کرنی چاہیے ،اگر ملک کو ترقی کی جانب گامزن کرنا ہے تو معیشت کو دستاویزی شکل دینا ہو گی ،حکومت مشکلات کے باوجود تا جروں سمیت ہر شعبے کے لئے آسانیاں پیدا کر رہی ہے اس لئے سب کو ملک کی بہتری کے لئے کردار اد ا کرنا چاہیے،ویلیو ایڈڈ انڈسٹری کی جانب بھی توجہ مرکوز کی گئی ہے جس سے ہماری برآمدات میں اضافہ ہوگا ۔

ان خیالات کا اظہار ٹیکسٹائل ٹر یڈرز ایسو سی ایشن کے سینئر وائس چیئرمین سا جد حسین ملک نے اپنے دفتر میں ایکسپورٹرز کے وفد سے گفتگو کرتے ہوئے کیا ۔ انہوں نے کہا کہ گزشتہ ایک دہائی میں برآمدات کم جبکہ درآمدات بڑھتی رہی ہیں جس کی وجہ سے ہمارا خسارہ آسمان تک پہنچ گیا تھا تاہم اب حکومت کی مثبت پالیسیوں کیو جہ سے برآمدات بڑھی ہیں ۔

(جاری ہے)

برآمدی شعبے ویلیو ایڈیشن کی جانب بڑھنے کے لئے پیشرفت کریں اور حکومت کو چاہیے کہ اس کے لئے مزید سبسڈی اور مراعات دی جائیں ۔

انہوں نے مزید کہا کہ جس طرح حکومت پرمعاہدوں کی پاسداری لازم ہے اسی طرح تاجر وں سمیت ہر طبقے پر بھی اس کا اطلاق ہوتا ہے ۔ تاجر تنظیموں نے حکومت سے مذاکرات میں جو معاہدہ کیا ہے اس پر عملدرآمد ہونا چاہیے اور ایسا نہ کرنے سے تاجر تنظیموں کی ساکھ متاثر ہو گی ۔ دستاویز ی معیشت ہی پا کستان کو ترقی کی جانب لے جا سکتی ہے ۔ حکومتی فیصلے وقتی طور پر مشکلات کا باعث ہیں لیکن مگر مستقبل میں اس سے ہماری معیشت ترقی کر ے گی ۔انہوں نے کہا کہ حکومت بالواسطہ یا بلا واسطہ مزید ٹیکسز کے نفاذ سے گریز کرے کیو نکہ ملکی حالا ت کیو جہ سے پہلے ہی عام آ دمی متا ثر ہے اور مزید ٹیکسز کا بوجھ برداشت نہیں کر سکے گا۔

Your Thoughts and Comments