بینک آف کوریا کی ملکی اقتصادی شرح نمو کے ہدف میں دو بنیادی پوائنٹس کی کمی

سیئول۔ (اُردو پوائنٹ اخبارتازہ ترین - اے پی پی۔ 27 فروری2020ء) جنوبی کوریا کے مرکزی بینک ’’ بینک آف کوریا ‘‘نے ملک کے کئی علاقوں اور دوسرے ملکوں میں کورونا وائرس کے پھیلائو کی وجہ سے پیداواری و کاروباری سرگرمیاں شدید متاثر ہونے کے باعث رواں سال (2020 ئ) کے لیے ملکی اقتصادی شرح نمو کے ہدف میں دو بنیادی پوائنٹس کی کمی کردی،شرح نمو کا نیا ہدف 2.1 فیصد مقرر کردیا۔

(جاری ہے)

بینک آف کوریا کی جانب سے گزشتہ روز جاری بیان کے مطابق اندرون ملک کئی مقامات اور چین سمیت متعدد ملکوں میں کورونا وائرس تیزی سے پھیلنے اور اس کے نتیجے میں پیداواری و تجارتی سرگرمیاں متاثر ہونے کے باعث رواں سال مجموعی قومی پیداوار (جی ڈی پی) کی شرح نمو متاثر ہونے کا امکان ہے، بینک نے پہلے سے جاری اقتصادی شرح نمو کے 2.3 فیصد شرح نمو کے ہدف میں دو بنیادی پوائنٹس کمی کرتے ہوئے نیا ہدف 2.1 فیصد مقرر کردیا۔

Your Thoughts and Comments