سیلز ٹیکس کی شرح جو اس وقت سترہ فیصد ہے پانچ فیصد کی جائے ورچوئل چیمبرز کانفرنس

راولپنڈی (اُردو پوائنٹ اخبارتازہ ترین - آن لائن۔ 14 مئی2020ء) راولپنڈی چیمبر آف کامرس کے زیر اہتمام بارہویں ورچوئل چیمبرز صدور کانفرنس میں متفقہ مطالبہ کیا گیاہے کہ سیلز ٹیکس کی شرح جو اس وقت سترہ فیصد ہے پانچ فیصد کی جائے شرح سود مزید کم کر کے چار فیصد کی جائے ہر قسم کی انکم کو ٹیکس میں شامل کیا جائے نئے ٹیکس گزار تلاش کیے جائیں، پہلے سے موجود ٹیکس گزاروں پر بوجھ نا ڈالا جائے کنسٹرکشن سیکٹر کو دی گئی مراعات باقی سیکٹرز کو بھی دی جائیںکسی بھی سیکٹر میں سرمایاکاری کے لیے آمدن کا ذرائع نہ پوچھا جائے ٹیکس آڈٹ ختم کیے جائیںپٹرولیم مصنوعات میں مزید کمی کی جائے، بجلی کی فی یونٹ قیمت میں بھی کمی لائی جائے یوٹیلیٹی بلز موخر کرنے کی حکومتی سکیم کو سراہتے ہیں تاہم فارمولے کو مزید بہتر بنایا جائے پالیسی سازی میں سٹیک ہولڈرز کو شامل کیا جائے ایف بی آر میں اصلاحات لائی جائیں صدر چیمبر صبور ملک نے کانفرنس کے ابتدائی اجلاس سے خطاب کرتے ہوئے کہا کہ چیمبر ہر سال یہ کانفرنس منعقد کراتا چلاتا آر ہا ہے تاہم کرونا وائرس اور لاک ڈاون کے باعث یہ کانفرنس ویڈیو لنک کے ذریعے منعقد کی گئی جس میں ملک بھر سے پچاس سے زائد صدور نے ویڈیو لنک کے ذریعے شرکت کی انہوں نے کہا کہ اس وقت غیر معمولی حالات ہیں اور غیر معمولی اقدامات کرنا ہوں گے انہوں نے کہا کہ کاٹیج انڈسٹری کی تعریف میں تبدیلی کی جائے اور اسے سیلز ٹیکس سے مستثنی کیا جائے متفقہ اعلامیہ میں زور دیا گیا کہ ہیلتھ کیئر اور ایجوکیشن کو بھی صنعت کا درجہ دیا جائے ٹیکس ری فنڈز جاری کیے جائیں تاکہ سرمائے کی فراہمی یقنی بنایا جائے خواتین کے لیے بھی خصوصی کوویڈ 19 مراعاتی پیکیج جا ری کیا جائے سیاحت کا شعبہ شدید متاثر ہوا ہے اس کے لیے بھی پیکیج کا اعلا ن کیا جائے کارپوریٹ ٹیکس کی شرح کم کر کے بیس فیصد کی جائے پورٹ چارجز ختم کیے جائیں زراعت پر مبنی صنعت پر توجہ دی جائے اور فوڈ سکیورٹی کے لیے خصوصی ٹاسک فورس تشکیل کی جائے کاٹن کی پیداوار متاثر ہوئی ہے بیج کی خریداری اور سٹاک کے حوالے نئی پالیسی وضع کی جائے ای او بی آئی اور سوشل سکیورٹی کے حوالے سے وصولیاں بھی موخر کی جائیںسمگلنگ کی روک تھام کے لیے اقدامات کیے جائیں اس موقع پر گروپ لیڈر سہیل الطاف، سابق صدور، سینئر نائب صدر نوشیر وان خلیل خان، نائب صدر محمد حمزہ سروش اور ایگزیکٹو ممبران بھی موجود تھے کانفرنس میں ایف پی سی سی آئی کے نائب صدر زاہد اقبال ، کراچی، لاہور، فیصل آباد، اسلام آباد ، سیالکوٹ،سرحد چیمبر، گوجرانوالہ، ایبٹ آباد، گجرات، سکھر، وہاڑی، کوئٹہ ، ملتان،بہاولپور، جامشورو، میرپور خاص، صوابی،سمال چیمبرزاسلام آباد، حیدرآباد، پشاور ویمن چیمبرز فیصل آباد، ہزارہ، کورنگی کراچی، لاہور، پشاور کی عہدیدران سمیت سینتالیس سے زائد چیمبرز نے شرکت کی۔