فیڈریشن چیمبر کی بزنس کونسلوں کے ڈائریکٹرز کے انتخابات میں دھاندلیاں

علیحدہ باکس میں سربمہر کئے گئے مسترد شدہ جعلی ووٹ ناکام امیداروں کے حق میں شامل کردیئے گئے موجودہ برسراقتدار گروپ ایف پی سی سی آئی کو انارکی کی جانب دھکیل رہا ہے،مرکزی ترجمان یو بی جی ،گلزارفیروز

فیڈریشن چیمبر کی بزنس کونسلوں کے ڈائریکٹرز کے انتخابات میں دھاندلیاں
کراچی (اُردو پوائنٹ اخبارتازہ ترین - این این آئی۔ 30 جون2020ء)یونائٹیڈ بزنس گروپ کے مرکزی ترجمان گلزارفیروزنے فیڈریشن چیمبر آف کامرس اینڈ انڈسٹری(ایف پی سی سی آئی)کی بزنس کونسلوں کے ڈائریکٹرز کے انتخابات میں ہونے والی بے قاعدگیوںاوردھاندلیوں اورڈائریکٹرز کے امیدواروں کی جانب سے لگائے جانے والے الزامات پر کہا ہے کہ ہم نے پہلے ہی ان دھندلیوں کے انکشافات کئے تھے اور اب اس بات کی تصدیق ہوگئی ہے کہ کس طرح ازادانہ طور پر فیڈریشن چیمبر کی بزنس کونسلوں کے انتخابات میں جعلی ووٹ کاسٹ کئے گئے اور اپنی مرضی سے ڈائریکٹرز کیمنتخب ہونے کے نتائج کا اعلان کردیا گیا۔

گلزارفیروز نے کہا کہ پاکستان یو کے بزنس کونسل کے ڈائریکٹرز کے انتخابات میں بزنس مین پینل کے ایک رہنما اوریو بی جی سے نکالے گئے ناپسندیدہ شخص کی موجودگی میں بوگس ووٹ کاسٹ کرائے گئے اس باوجود ہمارے حامی 8ڈائریکٹرز الیکشن جیتے اور جب نتائج سامنے آئے توبزنس مین پینل کے رہنما نے الیکشن کرانے والے اسٹاف کے ساتھ ملکر کچھ متنازع ووٹ جو علیحدہ باکس میں محفوظ کئے گئے تھے اور وہ مسترد شدہ ووٹ تھے ان ووٹس کو اپنے حق میں شامل کرکے اپنے حامی ڈائریکٹرز کی کامیابی ظاہر کردی جس پر ہمارے حامی ڈائریکٹرز نے عدلیہ سے انصاف طلب کرنے کا فیصلہ کیا ہے۔

(جاری ہے)

گلزار فیروز نے کہا کہ پاک یوکے بزنس کونسل کے الیکشن میں سب سے زیادہ ووٹ حاصل کرنے والے ڈائریکٹر اطہرسلطان جو ہمارے گروپ کی جانب سے چیئرمین امیدواربھی تھے اورانہیں دوسرے گروپ کی بھی بھرپور حمایت تھی لیکن انہوں نے الیکشن میں بے قاعدگیوں او دھاندلیوںپر بطوراحتجاج پاکستان یو کے بزنس کونسل کے ڈائریکٹرکے منصب سے استعفیٰ دیدیا ہے ۔

گلزارفیروز نے کہا کہ فیڈریشن میں کرونا زدہ موجودہ برسراقتدار گروپ بزنس مین پینل کی قیادت متعدد بزنس کونسلوں کے ڈائریکٹرز کے انتخابات میں دھاندلیاں کرچکی ہے جس پر بے شمار افراد اعتراضات کرچکے ہیں اور ایف پی سی سی آئی کو انارکی کی جانب دھکیلا جارہا ہے اور اس ادارے میں دھاندلیوں کے ذریعہ نااہل افراد کو آگے لایا جارہا ہے جس سے نہ صرف ملک کی بدنامی ہوگی بلکہ پاکستان کی بزنس کمیونٹی کے سب سے بڑے ادارے کی تباہی کا سبب بھی بنے گا۔

Your Thoughts and Comments