پراوئیوٹ سیکٹر کے اشتراک کے ذریعے پی ٹی ڈی سی بہتر نتائج حاصل کرسکتا ہے، پاکستان ہوٹلز ایسوسی ایشن

کراچی(اُردو پوائنٹ اخبارتازہ ترین - این این آئی۔ 05 جولائی2020ء) چیئرمین پاکستان ہوٹلز ایسوسی ایشن زبیر باویجہ نے کہاہے کہ مسلسل مالی نقصانات اور کورونا وباء کے باعث غیر یقینی صورتحال کی وجہ سے پاکستان ٹیورزم اینڈ ڈیولمنٹ کارپوریشن (پی ٹی ڈی سی) کو شمالی علاقوں میں اپنے ہوٹلز بند کرنا پڑے ۔ ان ہوٹلز کے مستقبل کے لئے ضروری ہے کہ اس شعبے کو دوبارہ کارآمد بنایا جائے اور ان علاقوں میں روزگار کے مواقع پیدا کئے جائے۔

اس معاملے پر ذور دیتے ہوئے زبیر باویجہ کا کہنا تھا کہ اس صورتحال میں پرائیوٹ سیکٹر کو آگے بڑھ کر حکومت پاکستان کی مدد کرتے ہوئے ان ہوٹلز کی بحالی کے لئے اپنا کردار ادا کرنے کی ضرورت ہے تاکہ یہ ہوٹلز دوبارہ منافع کا باعث بن سکے۔ شمالی علاقے سیاحت کے حوالے سے انتہائی اہمیت رکھتے ہیں اور سرمایہ کار یہاں سرمایہ کاری کے لئے خواہش مند رہتے ہیں لہذا، حکومت کے چاہیئے کہ ان علاقوں میں موجود زمینوں اور ہوٹلز کو پراوئیٹ سیکٹر کو لیز پر دیا جائے۔

(جاری ہے)

پرائیوٹ سیکڑ ان ہوٹلز کو جدید سہولیات سے آراستہ بنا کر اور برانڈ کی شکل دیکر سیاحت کو باآسانی فروغ دینے میں اپنا کردار ادا کر سکتے ہیں۔ پی ٹی ڈی سی موٹلز خاص طور پر ان سیاحوں کے لئے بنائے کئے گئے تھے جوکہ رات گئے یہاں مختصر قیام کے بعد اگلی صبح شمالی علاقوں میں اپنے سفر کے لئے روانہ ہوجاتے ہیں۔ انکا مزید کہنا تھا کہ اس اقدام سے سیاحت کے شعبوں میں ترقی ہوگی اور شمالی علاقہ جات میں اچھے ہوٹلزکی تشکیل سے روزگار کے مزید مواقع پیدا ہونگے۔

اگر ان ہوٹلز موٹلز پراوئیوٹ سیکٹر کے حوالے کئے جائے تو سیاحوں کو مزید سہولیات فراہم کی جاسکے گی چونکہ سرمایہ کار موقع ملنے پر کاروبار کو اپ گریڈ کر کے بہتر بنانے کی اہلیت رکھتے ہیں۔ انکا کہنا تھا کہ شمالی علاقہ جات میں اس وقت 25 سے 26 پراپرٹیز بند ہوچکی ہے اور گزشتہ سال مارچ کے دوران 6 مزید ہوٹلز/ موٹلز بند کئے جاچکے ہیں۔ اس کے علاوہ، گزشتہ سال پی ٹی ڈی سی نے پنجاب کے علاقے ٹیکسلا، کے۔

پی میں چٹرپلین، گلگت بلتستان کے علاقے استک اور بلوچستان کے علاقے خضدار میں اپنے موٹلز کو بند کردیا تھا۔ اس کے ساتھ ساتھ کے ۔پی میں واقع چکدارہ ریسٹورانٹ اور اسلام آباد کا دامان کوہ ریسٹورانٹ بھی ادارے کی جانب سے بند کیا کاچکا ہے۔حکومت کی جانب سے سہولیات اور ریگولیشن فراہم کرنے کے اقدام کو سراہا جائے گا۔ جس سے نہ صرف معیار اور تنظیمی ڈھانچے میں میں بہتری واقع ہوگی بلکہ پراوئیٹ سیکٹر کے ذریعہ براہ راست روزگار میں اضافہ ہوگا۔

لہذا، پاکستان ہوٹلز ایسوسی ایشن کے ممبروں کی طرف سے، ہم مہمان نوازی کے شعبے میں بہتری لانے کے لئے سرکاری اداروں کے ساتھ مل کر کام کرنے کے لئے تعاون کی یقین دہانی کرتے ہیں۔ ہم ان پراپرٹیز کی نجکاری، سرمایہ کاروں کو منافع بخش کاروبار کی پیش کش، پراپرٹیز کو موثر انداز میں تبدیل کرنے اور روزگار کے مواقع پیدا کرنے سمیت قومی خرانہ میں غیر ملکی زرمبادلہ بڑھانے میں اپنی ہر طرح کی سہولیات فراہم کرنے کے لئے تیار ہے۔