مقامی اوپن کرنسی مارکیٹ میں ہفتہ کو روپے کے مقابلے ڈالر کی قدر مستحکم رہی

مقامی اوپن کرنسی مارکیٹ میں ہفتہ کو روپے کے مقابلے ڈالر کی قدر مستحکم ..
کراچی (اُردو پوائنٹ اخبارتازہ ترین - این این آئی۔ 12 ستمبر2020ء)مقامی اوپن کرنسی مارکیٹ میں ہفتہ کو روپے کے مقابلے ڈالر کی قدر مستحکم رہی جبکہ یورو کی قدر میں اضافہ اور برطانوی پونڈ کی قدر میں کمی کا رجحان رہا ۔

(جاری ہے)

فاریکس ایسوسی ایشن آف پاکستان کی رپورٹ کے مطابق ہفتہ کو مقامی اوپن کرنسی مارکیٹ میں روپے کے مقابلے ڈالر کی قیمت خرید166روپے اور قیمت فروخت166.40روپے پر بدستور برقرار رہی جبکہ یورو کی قدر میں20پیسے کی کمی ریکارڈ کی گئی جس سے یورو کی قیمت فروخت197.30روپے سے بڑھ کر197.50روپے ہو گئی جبکہ 50پیسے کی کمی سے برطانوی پونڈ کی قیمت خرید212.50روپے سے کم ہو کر212روپے اور قیمت فروخت214.50روپے سے کم ہو کر214روپے ہو گئی۔

فاریکس ایسوسی ایشن کی ہفتہ وار رپورٹ کے مطابق ایک ہفتے کے دوران انٹر بینک میں ڈالر کی قدر 166روپے پر مستحکم رہی جبکہ مقامی اوپن کرنسی مارکیٹ میں ڈالر 10پیسے مہنگا ہو گیا جبکہ یورو کی قدر میں50پیسے کا اضافہ ہوا تاہم برطانوی پونڈ کی قدر میں6روپے کی نمایاں کمی ریکارڈ کی گئی ۔

Your Thoughts and Comments