خوشحالی مائیکرو فنانس بینک اور یونائیٹڈ آٹو انڈسٹریز لمیٹڈ کے مابین شراکت دار ی

خوشحالی مائیکرو فنانس بینک اور یونائیٹڈ آٹو انڈسٹریز لمیٹڈ کے مابین ..
کراچی (اُردو پوائنٹ اخبارتازہ ترین - این این آئی۔ 15 ستمبر2020ء) خوشحالی مائیکرو فنانس بینک لمیٹڈ (کے ایم بی ایل) نے اپنے صارفین کو 2 اور 3 پہیئوں والی گاڑی کی سہولت فراہم کرنے کے لئے یونائیٹڈ آٹو انڈسٹریز (پرائیویٹ) لمیٹڈ کے ساتھ ایک مفاہمتی یاداشت پر دستخط کیے ہیں۔ اس شراکت داری کے تحت، خوشحالی مائیکرو فنانس بینک کے صارفین خوشحالی سرسبز کاروبار اور خوشحالی سرمایہ پروڈکٹ لائنزکے ذریعے بائیک اور لوڈر کو آسان اقساط پر حاصل کرسکیں گے۔

خوشحالی مائیکرو فنانس بینک بائیک یا دو پہیئوں کی مالی معاونت خوشحالی سرسبز کاروبار کے شراکت داروں کو پیش کر ے گا جبکہ، خوشحالی سرمایہ کے توسط سے اوپن مارکیٹ میں لوڈر یا تھری وہیلر فنانسنگ کی پیش کش کی جائے گی۔ خوشحالی مائیکرو فنانس بینک کے صدر، غالب نشتر نے کہا کہ،’’ٹرانسپورٹ تک رسائی معاشی سرگرمیوں میں شرکت کو آسان بنانے میں معاون ہے۔

(جاری ہے)

یونائیٹڈ آٹو کے ساتھ یہ تعاون محض بینکاری کی سہولت سے آگے بڑھ کر اپنے صارفین تک رسائی بڑھانے کی جانب ایک اہم قدم کی نشاندہی کرتا ہے۔ دونوں پروگرامزسے صارفین کو آسانی سے مالی اعانت پر گاڑیاں خریدنے میں مدد ملے گی اور اس طرح وہ اپنی سفری ضروریات کو بغیر کسی پریشانی سے پورا کرسکیں گے‘‘۔ یونائیٹڈ آٹو انڈسٹریز تھری وہیل لوڈرز کی مالی اعانت تجارتی گاڑیوں کے زمرے کے تحت کی جائے گی۔

کمرشل گاڑیا ں ایسے ما ئیکر و کاروباری افراد کے لئے ایک موثرسرمایہ کاری ہے جو قرض کے ڈھیر میں نہیں رہنا چاہتے یا وہ دوسری صورت میں قرض کا یہ بوجھ برداشت نہیں کرسکتے ہیں۔ دونوں مصنوعات کی کامیابی اس حقیقت کی عکاسی کرتی ہے کہ بہت سے کامیاب مائیکرو کاروباری افراد نے خوشحالی سرمایہ سے فائدہ اٹھایا ہے جس کے ذریعے وہ اپنے کاروبار کو سہارا دینے میں کامیاب ہوگئے تھے۔ اس سے لاگت میں کمی اور منافع میں اضافے میں مدد ملی۔2000 میں قائم، خوشحالی مائیکرو فنانس بینک نے رواں سال اگست میں اپنی بیسو یں سالگرہ منائی۔ خوشحالی مائیکرو فنانس بینک، پاکستان میں مائیکرو فنانس سیکٹر میں پیش پیش جو گذشتہ 20 سالوں میں 5 ملین سے زائد صارفین کی خدمت کر چکا ہے۔

Your Thoughts and Comments