بینک اسلامی نے اسلامی بینکاری کا برانڈ آف دی ایئر ایوارڈ 2019ء جیت لیا

بینک اسلامی نے اسلامی بینکاری کا برانڈ آف دی ایئر ایوارڈ 2019ء جیت لیا
لاہور۔ (اُردو پوائنٹ اخبارتازہ ترین - اے پی پی۔ 16 ستمبر2020ء) ملک کے صف اول کے اسلامی بینک ’’بینک اسلامی‘‘ نے برانڈ آف دی ایئر 2019ء اس سال کا سب سے اہم قومی اعزاز حاصل کر لیا۔ بینک نے پوری صنعت میںاعلیٰ کارکردگی کے ساتھ ساتھ برانڈ کو اجاگر کرنے میں اپنی کامیابیوں کا اعتراف کرتے ہوئے اسلامی بینکنگ کیٹیگری میں کامیابی حاصل کی۔بینک اسلامی کے صدر و سی ای او سید عامر علی نے کہا کہ بینک اسلامی میں ہم اپنے صارفین سمیت تمام دیگر اسٹیک ہولڈرز کو مارکیٹ میں شرعی اصولوں کے مطابق انتہائی آسان مالیاتی خدمات تک رسائی فراہم کرنے پر یقین رکھتے ہیں۔

ہم اپنی ساکھ کو مضبوط بنانے کے ساتھ ساتھ ادارے کا تشخص بہتر بناتے ہوئے ملک میں مالیاتی شمولیت کو بڑھانے کا سلسلہ جاری رکھے ہوئے ہیں جو صارفین کے لئے بینکنگ کو آسان بناتا ہے۔

(جاری ہے)

برانڈ آف دی ایئر جیسے پلیٹ فارم کی جانب سے تسلیم کئے جانے کے باعث امید ہے کہ ہم آنے والے وقت میں اسی رفتار سے ترقی کو برقرار رکھیں گے۔ بینک اسلامی نے متعدد اقدامات اٹھائے جن میں موجودہ اور ممکنہ ٹارگٹ مارکیٹس میں ادارے کے نئے تشخص کو دوبارہ تشکیل دینے کے لئے موثر حکمت عملیوں کی تیاری شامل ہے۔ بینک اپنے صارفین کو معیاری خدمات کی فراہمی کے دوران اس طرح کی مزید اعزاز حاصل کرنے کیلئے صحیح راہ پر گامزن ہونا چاہتا ہے۔

Your Thoughts and Comments