فارما انڈسٹری ایکسپورٹ میں اضافہ کر سکتی ہے : لاہور چیمبر

مقامی صنعت کی برآمدات اور ضروریات پوری کرنے کی صلاحیت کے سبب اس صنعت کو قومی مفاد کی صنعت کے طور پر دیکھا جانا اور ان کی تائید کی جانی چاہئے،صدر میاں طارق مصباح، نائب صدرطاہرمنظور چوہدری

جمعہ 23 اکتوبر 2020 21:12

فارما انڈسٹری ایکسپورٹ میں اضافہ کر سکتی ہے : لاہور چیمبر
لاہور (اُردو پوائنٹ اخبارتازہ ترین - آن لائن۔ 23 اکتوبر2020ء) مقامی فارما سیوٹیکل انڈسٹری عوام کو ضروری دوائیں انتہائی کم قیمت پر مہیا کرتی ہے۔ مقامی صنعت کی برآمدات اور ضروریات پوری کرنے کی صلاحیت کے سبب اس صنعت کو قومی مفاد کی صنعت کے طور پر دیکھا جانا اور ان کی تائید کی جانی چاہئے۔ ان خیالات کا اظہارلاہور چیمبر آف کامرس اینڈ انڈسٹری کے صدر میاں طارق مصباح اور نائب صدر طاہر منظور چوہدری نے پاکستان فارماسیوٹیکل مینوفیکچررز ایسوسی ایشن (پی پی ایم ای) کے وفد سے ملاقات کے دوران کیا۔

پی پی ایم اے کے وفد کی قیادت چیئرمین تو قیر الحق کر رہے تھے ۔ وائس چیئرمین میاں خالد مصباح الرحمن، خواجہ شاہ زیب اکرم، احسن اعوان، زاہد سعید اور ڈاکٹر قیصر وحید بھی اس موقعہ پر موجود تھے۔

(جاری ہے)

صدر لاہور چیمبر میاں طارق مصباح نے کہا کہ فارما انڈسٹری سے تعلق رکھنے والے ایک ممبر کو ایف بی آر کمیٹی میں شامل کیا جائے گا، انہوں نے مزید کہا کہ دواسازی کی صنعت کے انپُٹس پر سیلز ٹیکس ختم کیا جائے۔

انہوں نے کہا کہ دوا کی قیمتوں کا تعین وزارت صحت کے بجائے وزارت تجارت کو کرنی چاہئے ۔صدر نے مزید کہا کہ دواسازی کے شعبے میں برآمدات کی بڑی صلاحیت ہے اور انہیں ٹیکسٹائل،لیدر، کھیل اور سرجیکل سامان کو دی جانے والی مراعات دی جانی چاہئیں، جبکہ یہ سیکٹر مطلوبہ نتائج حاصل کرنے میں کامیاب نہیں ہوئے ہیں۔ انہوں نے کہا کہ دواسازی کے شعبے کو برآمدات بڑھانے کے لئے اسی طرح کے مراعات دیئے جائیں۔

میاں طارق مصباح نے کہا کہ اس وقت ایکٹو فارماسیوٹیکل اجزاء (APIs) کے بحران کی وجہ سے حکومت کو دواسازی کے شعبے کے بہتر مستقبل کے لئے پاکستان میں ایکٹو فارماسیوٹیکل اجزاء (API) پلانٹس لگانے چاہئیں۔ انہوں نے تجویز پیش کی کہ کوالٹی کنٹرول اور ہائی پرفارمنس لیکویڈ کرومیٹوگرافی (ایچ پی ایل سی) کے سامانوں پر ہائی سیلز ٹیکس، ایڈوانس ٹیکس اور ڈیوٹی لگا دی گئی ہیں جن کو ختم کرنے کی ضرورت ہے۔

انہوں نے یہ بھی تجویز پیش کی کہ ڈریپ کو کلیئرنس جاری کرنی چاہئے، لاہور چیمبر کے صدر نے زور دے کر کہا کہ حکومت کو مختلف شعبوں میں پریشانیوں سے بچنے کے لئے پالیسیوں میں مستقل مزاجی کو اپنانا چاہئے، انہوں نے مزید کہا کہ طویل مدتی سرمایہ کاری کے لئے تسلسل ناگزیر ہے۔ انہوں نے یہ بھی کہا کہ ڈ ریپ لائسنس کے اجراء میں تاخیر کا باعث ہے جس سے دواسازی کے شعبے کونقصان ہوتا ہے۔

میاں طارق مصباح نے کہا کہ پاکستان میں مقامی دواسازی کی صنعت مارکیٹ کے تقاضوں کو پورا کررہی ہے اور وہ عالمی سطح پر ادویات برآمد کرسکتی ہے۔انہوں نے کہا کہ پی پی ایم اے اور لاہور چیمبر کا کئی سالوں سے بہت اچھا رابطہ ہے اور وہ پی پی ایم اے سے ہم بہت زیادہ وابستہ ہیں۔ انہوں نے ان کے مسائل کا حل تلاش کرنے کے لئے اپنی مکمل مدد کی یقین دہانی کروائی ۔

چیئرمین پی پی ایم اے توقیر الحق نے کہا کہ پی پی ایم اے کو پختہ یقین ہے کہ لاہور چیمبر ان کے معاملات حل کرنے میں اپنا پورا تعاون فراہم کرے گا۔ انہوں نے بتایا کہ انہیں ایف بی آر اور مختلف وزارتوں کی طرف سے مختلف مسائل کا سامنا ہے۔ انہوں نے یہ بھی کہا کہ دواسازی کے شعبے میں برآمدات کی بڑی صلاحیت ہے۔نائب صدر لاہور چیمبر طاہر منظور چوہدری نے وفد کے ممبران کا شکریہ ادا کیا اور کہا کہ وہ اپنا ورکنگ پیپر لاہور چیمبر کو بھیجیں تاکہ ان کے مسائل حل کرنے کے لئے کام کیا جا سکی

Browse Latest Business News in Urdu

سرکاری وصولیوں  اورٹیکسوں کی وصولی    کے لئے    30 اور  31 مارچ  کو  بینکوں کی برانچیں کھلی رہیں گی

سرکاری وصولیوں اورٹیکسوں کی وصولی کے لئے 30 اور 31 مارچ کو بینکوں کی برانچیں کھلی رہیں گی

سونے کی عالمی ومقامی قیمتوں میں اضافہ

سونے کی عالمی ومقامی قیمتوں میں اضافہ

پاکستان سٹاک ایکسچینج   میں تیزی ،ہنڈرڈانڈیکس نے67 ہزارکی حدعبورکرلی

پاکستان سٹاک ایکسچینج میں تیزی ،ہنڈرڈانڈیکس نے67 ہزارکی حدعبورکرلی

ملک میں  تیل و گیس کی پیداوار میں  گزشتہ ہفتے کے دوران  کمی

ملک میں تیل و گیس کی پیداوار میں گزشتہ ہفتے کے دوران کمی

گاڑیوں کی درآمدات میں جاری مالی سال کے پہلے 8 ماہ میں 10.32 فیصدکااضافہ

گاڑیوں کی درآمدات میں جاری مالی سال کے پہلے 8 ماہ میں 10.32 فیصدکااضافہ

دریائوں اور آبی ذخیروں میں پانی کی صورتحال

دریائوں اور آبی ذخیروں میں پانی کی صورتحال

بجلی چوروں کے خلاف آپریشن جاری،24گھنٹوں کے دوران مزید390افراد بجلی چور پکڑ ے گئے

بجلی چوروں کے خلاف آپریشن جاری،24گھنٹوں کے دوران مزید390افراد بجلی چور پکڑ ے گئے

اٹلی میں کام کرنے والے پاکستانیوں کی ترسیلات زرمیں  سالانہ بنیادوں پر16.4 فیصدکی نموریکارڈ

اٹلی میں کام کرنے والے پاکستانیوں کی ترسیلات زرمیں سالانہ بنیادوں پر16.4 فیصدکی نموریکارڈ

ایف بی آر نے ایس آر اوز کی فیکٹری کی صورت اختیار کر لی ہے ‘ ریو نیو ایڈوئزرز ایسوسی ایشن

ایف بی آر نے ایس آر اوز کی فیکٹری کی صورت اختیار کر لی ہے ‘ ریو نیو ایڈوئزرز ایسوسی ایشن

برائلر گوشت کی قیمت میں15روپے کلو اضافہ، فارمی انڈے بھی مہنگے

برائلر گوشت کی قیمت میں15روپے کلو اضافہ، فارمی انڈے بھی مہنگے

عالمی منڈی کے زیراثر لوہے کی فی ٹن قیمت میں 22 ہزار روپے تک کمی

عالمی منڈی کے زیراثر لوہے کی فی ٹن قیمت میں 22 ہزار روپے تک کمی

گیس کی کل قیمت کا 94 فیصد اخراجات ،کیپ ایکس پر ریٹرن پر مشتمل ہوتا ہے‘ ترجمان ایس این جی پی ایل

گیس کی کل قیمت کا 94 فیصد اخراجات ،کیپ ایکس پر ریٹرن پر مشتمل ہوتا ہے‘ ترجمان ایس این جی پی ایل