ٹرمپ سعودی عرب میں منعقدہ جی 20ورچوئل سمٹ میں شرکت کریں گے

کانفرنس میں عالمی قائدین عالمی مالیاتی، معاشرتی اور معاشی امور پر تبادلہ خیال کے لیے دو دن ملاقات کریں گے

ٹرمپ سعودی عرب میں منعقدہ جی 20ورچوئل سمٹ میں شرکت کریں گے
واشنگٹن (اُردو پوائنٹ اخبارتازہ ترین - این این آئی۔ 21 نومبر2020ء)ایک سینئر امریکی عہدے دار نے اس بات کی تصدیق کی ہے کہ امریکی صدر ڈونلڈ ٹرمپ سعودی عرب کے زیر اہتمام ورچوئل جی 20 سربراہی اجلاس میں شرکت کا ارادہ رکھتے ہیں۔میڈیارپورٹس کے مطابق ویڈیو ٹیکنالوجی کے ذریعے جی 20 سمٹ کا 15 واں اجلاس سعودی دارالحکومت ریاض میں کرونا بحران کی روشنی میں منعقد ہو گا۔

کانفرنس میں عالمی قائدین عالمی مالیاتی، معاشرتی اور معاشی امور پر تبادلہ خیال کے لیے دو دن ملاقات کریں گے۔ توقع کی جارہی ہے کہ سعودی فرمانروا شاہ سلمان بن عبد العزیز ورچوئل سمٹ کے افتتاحی خطاب کریں گے۔سربراہی اجلاس کا کام جو عام طور پر عالمی رہ نماں کے مابین دوطرفہ مکالمے کا موقع ہوتا ہے اس سال انتہائی اہم عالمی امور پر انٹرنیٹ کے ذریعے مختصر سیشنز تک محدود رہے گا۔

(جاری ہے)

اس سال جی 20 کی سربراہی کرنے والے سعودی عرب میں منتظمین کے قریبی ذرائع نے کہا کہ امید کی جا رہی ہے کہ یہ بات چیت وبا کے اثرات اور عالمی معیشت کی بحالی کے اقدامات پر مشتمل ہوں گے۔جی20 کو ترقی پذیر ممالک میں قرضوں کے ممکنہ ڈیفالٹ سے نمٹنے کے لیے مزید مدد فراہم کرنے پر غور کرے گی۔اس کے علاوہ 'کوڈ 19 اور اس کے انسداد کی تیاریوں کے ضمن میں ویکسین کی نئی دریافتوں اور ان سے امید پیدا ہونے والی توقعات کا جائزہ لیا جائے گا۔

Your Thoughts and Comments