سپیشل اکنامک زو ن میں سرمایہ کاری کیلئے ٹیکس ہالیڈے ،درآمدی مشینری اور پلانٹس پر ٹیکسوں اور ڈیوٹیوں میں بھی چھوٹ دی گئی ہے‘ نبیل ہاشمی

فوری طور پر انڈسٹریل یونٹ لگانے والوں کے لئے ابھی سے 2.2 میگاواٹ بجلی دستیاب ہے ‘چیئرمین پنجاب انڈسٹریل اسٹیٹ

لاہور(اُردو پوائنٹ اخبارتازہ ترین - این این آئی۔ 25 نومبر2020ء)قائد اعظم بزنس پارک اسپیشل اکنامک زو ن میں حکومت نے صنعتی سرمایہ کاری کے لئے دس سال کے لئے ٹیکس ہالیڈے کے علاوہ پانچ سال کے لئے درآمدی مشینری اور پلانٹس پر ٹیکسوں اور ڈیوٹیوں میں بھی چھوٹ دی ہے جبکہ فوری طور پر انڈسٹریل یونٹ لگانے والوں کے لئے ابھی سے 2.2 میگاواٹ بجلی دستیاب ہے ،اس کے علاوہ سپلائی کیلئے ایکسٹرنل گیس کی تنصیبات، 16انچ قطر کی 17کلو میٹر کی گیس پائپ لائنیں اور بزنس پارک کے اندر گیس کی فراہمی کیلئے پائپ لائین ورک کا کام مکمل کر لیا گیا ہے ،پارک میں لگنے والی فیکٹریوں کو بجلی فراہمی کے لئے ٹی ڈی سی گرڈ سٹیشن کاا نتظام کیا جا رہا ہے ۔

(جاری ہے)

یہ بات پنجاب انڈسٹریل اسٹیٹس (پی آئی ای) کے چیئرمین سید نبیل ہاشمی نے گزشتہ روز پاکستان پلاسٹک مینو فیکچررز ایسوسی ایشن(پی پی ایم اے ) کے وفدکوبتائی وفد کی قیادت چیئرمین پی پی ایم اے خلیل احمد کر رہے تھے نبیل ھاشمی نے بتایا کہ دنیا میں پلاسٹک مصنوعات کی کھپت ایک کھرب بیس ارب ڈالر تک پہنچ گئی ہے جبکہ سب سے زیادہ کھپت امریکہ اور اس کے بعد چین کی ہے جبکہ پاکستان میں مشکلات کے باوجود اس کی شرح ترقی ملک کے کئی صنعتی سیکٹروں کے مقابلہ میں تیز اور صنعتی سرمایہ کاری کی زیاد ہ گنجائش موجود ہے نبیل ھاشمی نے کہا کہ قائداعظم بزنس پارک کی تکمیل سے اس منصوبہ کے ذریعہ پانچ لاکھ افراد کو روزگار حاصل ہوگا جس سے روزگار کی فراہمی کے وزیر اعظم عمران خان کے ویژن کی تکمیل ہو گی وفد کے ارکان نے قائد اعظم بزنس پارک میں سرمایہ کاری میںدلچسپی کا اظہار کیا اور کہا کہ قائد اعظم بزنس پارک میں جو سہولتیں دی جارہی ہیں ان سے ملک میں صعنتکاری بڑھانے میں مدد ملے گیاس موقع پرپڈمک کے چیف آپریٹنگ آفیسر علی معظم سید کی دی گئی بریفنگ میں بتایا گیا کہ قائداعظم بزنس پارک میں صنعتی یونٹس لگانے کیلئے بنائے گئے پلاٹس کو ترجیحی بنیادوں پر فوری قبضہ دیا جائے گا اور -25ایکڑ سے زیادہ انڈسٹریل پلاٹس پر صنعتیں لگانے والوں کو رعایتی پیکج دینے کا فیصلہ کیا گیا ہے انہوں نے بتایا کہ قائداعظم بزنس پارک میں صنعتی آبادکاری میں اضافہ کیلئے ایڈوائزری بورڈز کی تشکیل کر دی گئی ہے جس سے بزنس پارک کی آبادکاری میں تیزی آئے گی۔