پاکستان اسٹاک ایکس چینج میں تیزی ،مارکیٹ کی سرمایہ کاری مالیت 34ارب25کروڑ27لاکھ روپے بڑھ گئی

پیر 30 نومبر 2020 17:56

کراچی (اُردو پوائنٹ اخبارتازہ ترین - این این آئی۔ 30 نومبر2020ء) پاکستان اسٹاک مارکیٹ میں پیر کونومبر کے آخری کاروباری سیشن کے دوران اتار چڑھاو،ْ کا سلسلہ دیکھنے میں آیا لیکن مجموعی طور پر تیزی کا رجحان غالب آگیا اور کے ایس ای100انڈیکس 41ہزارکی نفسیاتی حدکو بحال کرتے ہوئے 261.73پوائنٹس کے اضافے سی41068.82پوائنٹس کی سطح پرپہنچ گیا جب کہ62.5فیصد کمپنیوں کے حصص کی قیمتوں میں اضافہ ریکارڈ کیا گیا جس کے نتیجے میں مارکیٹ کی سرمایہ کاری مالیت 34ارب25کروڑ27لاکھ روپے بڑھ گئی تاہم حصص کی لین دین کے لحاظ سے کاروباری حجم گزشتہ ٹریڈنگ سیشن کی نسبت 2.32فیصد کم رہا۔

پاکستان اسٹاک ایکس چینج میںگزشتہ روز ٹریڈنگ کا آغازمنفی زون میں ہوا اور سرمایہ کار ملتان میں اپوزیشن جماعتوں کے اجتماع کے نتیجے میں سیاسی درجہ حرارت بڑھنے کے پیش نظرسرمایہ کار تذبذب کا شکار نظر آئے جس کے نتیجے میں دوران ٹریڈنگ کے ایس ای100انڈیکس 40669پوائنٹس کی نچلی سطح پر آگیا بعد ازاں سستے ہونے والے شیئرز کی خریداری شروع ہونے کے باعث ریکوری آئی جس کے نتیجے میں تیزی دیکھنے میں آئی اور آخر تک یہ رجحان غالب رہایہاں تک کہ کاروبار کے اختتام پرکے ایس ای100انڈیکس 261.73پوائنٹس کے اضافے سی41068.82پوائنٹس پر بند ہوا جب کہ کے ایس ای30انڈیکس121.69 پوائنٹس کے اضافے سے 17281.51پوائنٹس پر اور کے ایس ای آل شیئرز انڈیکس129.86 پوائنٹس کے اضافے سی28849.46 پوائنٹس کی سطح پر آگیا ۔

(جاری ہے)

گزشتہ روز مجموعی طور پر 368کمپنیوں کا کاروبار ہوا جس میں سے 230کمپنیوں کے حصص کی قیمتوں میں اضافہ ،122میں کمی اور 16کمپنیوںکے حصص کی قیمتوں میں استحکام رہا۔تیزی کے سبب مارکیٹ کی سرمایہ کاری مالیت75کھرب19ارب25کروڑ85لاکھ روپے سے بڑھ کر75کھرب53ارب51کروڑ12لاکھ روپے ہوگئی ۔قیمتوں میں اتار چڑھاو،ْ کے اعتبار سے نیسلے پاکستان،وائتھ پاکستان،آئی لینڈ ٹیکسٹائیل ،پاک ٹوبیکوکے حصص سرفہرست رہے جس میں نیسلے پاکستان کے حصص کی قیمت59.99 روپے کے اضافے سی6589.99 روپے ہوگئی اوروائتھ پاکستان32.75روپے کے اضافے سی1140 ہوگئی جب کہ آئی لینڈ ٹیکسٹائیل 119روپے کی کمی سی1481روپے ہوگئی اورپاک ٹوبیکو 40روپے کی کمی سی1500روپے ہوگئی۔