تاجران کا سیاحتی مقام شاردہ کی رونقیں بحال کرنے کیلئے ہنگامی اقداما ت اٹھانے پر اتفاق

شاردہ(اُردو پوائنٹ اخبارتازہ ترین - این این آئی۔ 05 مارچ2021ء)سیاحت کے فروغ کیلئے اقدامات بارے اسسٹنٹ کمشنر کی زیر صدارت تاجران کااجلاس۔سیاحتی مقام شاردہ کی رونقیں بحال کرنے کیلئے ہنگامی اقداما ت اٹھانے پر اتفاق کیاگیا۔شاردہ بازار ، گلی ،محلوںسمیت تمام مین راستوں کو صاف ستھراء رکھنے کی مشاورت ،دکاندار،ہوٹل ، گیسٹ ہائوسزمالکان ریٹ لسٹ آویزاں رکھیں،گاڑیاں بازار کے بجائے اڈے میں منتقل کی جائیں ۔

جملہ ادارے، سول سوسائٹی ، تاجران صفائی ستھرائی میں اہم کردا راداکریں ۔محکمہ شاہرات پل کی تعمیر میں تیزی لائے ۔ان خیالات کااظہار اسسٹنٹ کمشنر شاردہ راجہ محمد عظیم کے زیرصدارت منعقدہ اجلاس میں انہوں نے مختلف محکمہ اور تاجران کے نمائندوں کوبتائی انہوں نے کہاکہ اجلاس مین تحصیلدار خواجہ فاروق احمد، نمائندہ پی ڈبلیوڈی مشتاق احمد، صدرانجمن تاجران بابر لون، نواب خان، معروف ، سخی ، ولایت خان، خواجہ صدیق ، غلام جیلانی، شبیر ودیگر نے شرکت کی ۔

(جاری ہے)

اجلاس میں سیاحتی مقام شاردہ میں آوارہ کتوں کوتلف کرنے کامعاملہ بھی زیر غور لایاگیاہے ۔ اسسٹنٹ کمشنر نے سختی سے تمام ادارہ جات کو آگاہ کیاکہ وہ سیاحتی مقام شاردہ میں صفائی ستھرائی ، بے ہنگم ٹریفک، ریٹ لسٹ ، کتوں کے تلف کرنے سمیت تمام معاملات کو یکسو رکررہے ہیں تاکہ پاکستان وآزادکشمیر کے دیگر شہریوں سے شاردہ آنیوالے سیاحوں کو صاف ستھراء ماحول کے سمیت دیگر ایشیاء ضروریہ بھی مناسب ریٹ پر دسیتاب ہوں اور آوارہ کتوں سے بھی نجات پائی جاسکے اسسٹنٹ کمشنر نے یہ بھی بتایاکہ ٹرانسپورٹ بازار کواڈہ بنانے کے بجائے گاڑیاں اڈے میں کھڑی رکھیں ۔