کاٹی کے سابق نائب صدر فراز الرحمن نے انوائس نوٹ فائونڈ پلینٹی کو بلاجواز قرار دیدیا

کراچی (اُردو پوائنٹ اخبارتازہ ترین - آن لائن۔ 21 جون2021ء) کاٹی کے سابق سینئر نائب صدر ، چیئرمین اسٹینڈنگ کمیٹی پورٹ اینڈ شپنگ کاٹی اور کے بی جی کے چیف ترجمان فراز الرحمن نے موجودہ صورتحال میں انوائس نوٹ فائونڈ پلینٹی کو بلاجواز قرار دیدیا۔ ان کا کہنا تھا کہ بینک کے ذریعہ انوائس پہلے ہی بینک میں آتی ہے اس طرح کے قانون سے تاجر برادری کی حوصلہ شکنی اور افسران کی بلیک میلنگ میں اضافہ ہوگا ، نئے قانون سے صنعتکار اور امپورٹرز پریشان ہیں۔

کنڈیشن بلاک آف آئی ڈی کے حوالے سے ان کا کہنا تھا کہ باہر سے مال منگوانے میں جو نئی کنڈیشن لگائی گئی ہے وہ دنیا میں کہیں نہیں ،ان کا کہنا تھا کہ کنڈیشن یہ لگائی گئی ہے کہ باہر سے منگوائے گئے کنٹینر کی انوائس نہیں ہوئی تو ایک لاکھ جرمانہ، دوسری بار دو لاکھ جرمانہ ورنہ مال ضبط ہوگا۔

(جاری ہے)

ان کا کہنا تھا کہ لوگوں کو تنگ اور دبایا جارہا ہے، اس طرح کے اقدامات ناقابل قبول ہیں۔

ان کا کہنا تھا کہ کنٹینر میں انوائس لسٹ ساتھ نہ آنے کی وجہ سے جرمانے اور سامان ضبط کرنے کا نیا سیکشن سامان کی منظوری اور ٹیکسوں کی ادائیگی میں انسانی عمل دخل کو خارج کرنے کے جاری دعوئوں سے مطابقت نہیں رکھتا۔ فراز الرحمن نے کہا کہ صنعتی یونٹس اور امپورٹرز کرونا وباء کے باعث پہلے ہی مالی پریشانی میں مبتلا ہیں، ایسے اقدامات سے گریز کیا جائے جن سے معاشی ترقی کا پہیہ رک جائے۔ انہوں نے کہا کہ کوئی بھی نئی قانون سازی سے پہلے اس کی آگاہی ضروری ہی

Your Thoughts and Comments