ویکسین نہ لگونے والوںکے خلاف سخت ایکشن لیا جائے،ایس ایم منیر،زبیرطفیل

ملک میں کورونا وائرس کے نئے کیسز کی تعداددوبارہ بلندی پر پہنچنا تشویش کا باعث ہے،رہنما یو بی جی

کراچی (اُردو پوائنٹ اخبارتازہ ترین - این این آئی۔ 26 جنوری2022ء) یونائٹیڈ بزنس گروپ(یو بی جی)کے سرپرست اعلیٰ ایس ایم منیر،چیئرمین افتخار علی ملک،صدر زبیرطفیل اورسیکریٹری جنرل ظفر بختاوری نے کراچی سمیت ملک بھر میں کورونا کیسیز میں اضافے پر تشویش کا اظہار کرتے ہوئے عوام کورونا کی وبا سے محفوظ رہنے کے لئے مکمل احتیاطی تدابیروں پر سختی سے عمل درآمد کے لئے زور دیا ہے ۔

یو بی جی رہنمائوں نے کہا ہے کہ ماہرین کے مطابق کووڈ کی نئی لہر نے دنیا بھر کو ایک بار پھر لپیٹ میں لے لیا ہے اور پاکستان میں بھی کووڈ کی نئی لہر کے واضح اثرات دکھائی دے رہے ہیں کیونکہ کورونا کیسز کی تعداد مسلسل بڑھ رہی ہے، کورونا وباء انتہائی خطرناک ہے اور یہ وطن عزیز سمیت دنیا بھر میں بظاہر خاتمے کے قریب بھی نہیں ہے ۔

(جاری ہے)

انہوں نے کہا کہ ملک میں کورونا وائرس کے نئے کیسز کی تعداددوبارہ بلندی پر پہنچنا تشویش کا باعث ہے،صوبائی اور وفاقی حکومتوں کی جانب سے کورونا وائرس کے پھیلا کی روک تھام کے لئے مثر اقدامات کرتے ہوئے کووڈ ویکسین لگانے کی شرح بڑھانی چاہیئے اورجن افراد نے ویکسین اب تک نہیں لگوائی ان کے خلاف سخت ایکشن لیا جانا چاہیئے تاکہ کورونا وباء کے پھیلا ئوکی روک تھام ہوسکے اور کوروناوائرس سے ہونے والی اموات میں کمی آسکے۔

ایس ایم منیر اور زبیرطفیل نے مختلف سینٹرز میں فائزر اوردیگر ویکیسن کی قلت پر تشیش کا اظہار کرتے ہوئے حکومت سے مطالبہ کیا ہے کہ ویکسین کی بروقت فراہمی کو یقینی بنایا جائے۔

Your Thoughts and Comments