بونیر کی سٹون انڈسٹری چینی سرمایہ کاروں کو راغب کر سکتی ہے،رپورٹ

اسلام آباد (اُردو پوائنٹ اخبارتازہ ترین - این این آئی۔ 17 مئی2022ء) ایک رپورٹ میں کہاگیاہے کہ بونیر کی سٹون انڈسٹری چینی سرمایہ کاروں کو راغب کر سکتی ہے۔تفصیلات کے مطابق جہاں چین پاکستان اقتصادی راہداری (سی پیک) نے دونوں ممالک کے درمیان صنعتی سرمایہ کاری کے لیے نئے افق کھولے ہیں، وہیں خیبر پختونخوا کے ماربل اور گرینائٹ سیکٹر میں چینی اور دیگر غیر ملکی سرمایہ کاروں کو راغب کرنے کی بھرپور صلاحیت موجود ہے، مقامی اور غیر مقامی سرمایہ کاروں کیلئے ایسا ہی ایک موقع بونیر ماربل سٹی (بی ایم سی) ہے۔

خیبرپختونخوا اکنامک زونز ڈویلپمنٹ اینڈ مینجمنٹ کمپنی ضلع بونیر کے علاقے بامپوکھہ میں بی ایم سی تعمیر کر رہی ہے جو تقریباً 126.4 ایکڑ پر پھیلا ہوا ہے،خیبرپختونخوا اکنامک زونز ڈویلپمنٹ اینڈ مینجمنٹ کمپنی نے سرمایہ کاروں سے پلاٹوں کے حصول کیلئے آن لائن درخواستیں وصول کرنا شروع کر دی ہیں۔

(جاری ہے)

بی ایم سی بونیر کا پہلا اقتصادی ادارہ ہے، ضلع کے قدرتی وسائل، خاص طور پر سٹون انڈسٹری قدر میں اضافہ کریگا، یہ زون پائیدار صنعتی انقلاب کیلئے مربوط انفراسٹرکچر کے ساتھ ساتھ کاروبار دوست ماحول فراہم کرکے نئے کاروبار کو راغب کریگا۔

بی ایم سی بین الاقوامی معیارات کے مطابق ماربل کی پروسیسنگ میں جدت لائیگی،زون میں سوات ایکسپریس وے (M-16) کے ذریعے آسان رسائی پوائنٹس ہیں، جو M-1 سے کرنل شیر خان انٹرچینج (M-1) میں شامل ہوتے ہیں،بی ایم سی کے پاس رسائی کے دوسرے متبادل مقامات بھی ہیں،سرکاری اعداد و شمار کے مطابق بونیر میں سنگ مرمر کی سالانہ پیداوار 2.6 ملین ٹن، ڈولومائٹ 18684 ٹن، فیلڈ اسپر 5157 ٹن ہے جبکہ ضلع میں گرینائٹ، چونا پتھر اور بیریم بھی پائے جاتے ہیں،چینی انجینئرز اور کارکن پہلے ہی بونیر کی ماربل کی مختلف کانوں میں اپنی مہارت کا مظاہرہ کر رہے ہیں، کنگرگلائی گاؤں کے رہائشی اسلام جان نے گوادر پرو کو بتایا کہ بونیر چینیوں کے لیے ایک پرکشش سرمایہ کاری کا مقام ہو سکتا ہے جو ماربل کی صنعت میں جدید تکنیکی متعارف کروا سکتے ہیں۔

چینی اپنے ساتھ ماربل کی جدید طرز کی پالش، فرش، چھت اور دیواروں کو پر کشش بنا سکتے ہیں،کے پی کے کان کنی کے شعبے میں ترقی کی بڑی صلاحیت ہے اور حکومت مقامی اور غیر ملکی سرمایہ کاروں کو مواقع تلاش کرنے کے لیے حوصلہ افزائی اور سہولت فراہم کر رہی ہے۔ اسلام جان کے مطابق غیر ملکی کمپنیاں بھی ضلع میں ایک مشینی کان کنی قائم کر سکتی ہیں۔انہوں نے کہا کہ راستے پیدا کرنے کے ساتھ ساتھ بڑی تعداد میں مقامی لوگوں کو پتھر کے شعبے میں بھی نوکریاں ملیں گی۔کئی چینی سرمایہ کاروں نے کے پی کے اپنے حالیہ دوروں کے دوران، لوہے اور تانبے کی کان کنی میں سرمایہ کاری کرنے اور معدنی پروسیسنگ یونٹس کے قیام اور موجودہ لیز ہولڈرز کے ساتھ ہم آہنگی پیدا کرنے میں گہری دلچسپی ظاہر کی ہے۔