فمکو ٹیکس انڈسٹریز کا GE کے تعاون سے 35 میگا واٹ پاورپلانٹ لگانے کا فیصلہ

ٰٓٓاسلام آباد(اُردو پوائنٹ اخبارتازہ ترین - این این آئی۔16جنوری۔2015ء) فمکو ٹیکس انڈسٹریز (پرائیویٹ) لمیٹڈنے بین الاقوامی شہرت کی حامل کمپنیGE کے تعاون سے 35 MW کا پاورپلانٹ لگانے کا فیصلہ کیا ہے جس میں GE کے تیار کردہ 12 Jenbacherگیس انجن نصب کیے جائیں گے۔ یہ پلانٹ کوٹری، حیدرآباد میں قائم کیا جائے گا اور پاکستان میں اپنی نوعیت کے بڑے پلانٹس میں سے ایک ہوگا۔

یہ فمکو ٹیکس اور وسیع تر کمیونٹی،دونوں کے لیئے ایک اہم پراجیکٹ ہے۔پیدا کی جانے والی بجلی نہ صرف فمکو ٹیکس کی ٹیکسٹائل مل کو چلانے کے لیئے ہی استعمال کی جائے گی بلکہ فاضل پیداوار جو اندازاً ڈھائی ہزار گھروں کی ضرورت پوری کرنے کے لیئے کافی ہو گی مقامی یوٹیلیٹی ،حیدر آباد الیکٹرک سپلائی کمپنی(HESCO) کی گرڈ میں شامل کر دی جائے گی جس سے ملک میں بجلی کی مانگ اور سپلائی میں فرق کو کسی حد تک پورا کرنے میں مدد ملے گی۔

(جاری ہے)

فمکو ٹیکس انڈسٹریز کے چیف ایگزیکٹو،مسعود پرویز نے کہا کہ " GE کیDistributed Power ٹیم نے اس معاہدے کے ساتھ جو مضبوط فنی تعاون اور رہنمائی دی ہے ہم اس کی تعریف کرتے ہیں۔" پہلے پانچ یونٹس کی ڈلیوری 2015 کی پہلی ششماہی میں ہو گی جبکہ GE پہلے90 ہزار Operating Hoursمیں مدد کے لیئے فمکو ٹیکس کے ساتھ (MSA) Material Stream Agreement بھی کرے گی۔مشرق وسطیٰ ،ترکی اور پاکستان میںGE Power and Water Distributed Power بزنس کے ریجنل لیڈرHisham Albahkali نے کہا" ہمیں فخر ہے کہ فمکو ٹیکس نے اپنی بجلی کی ضروریات پوری کرنے کے لیئے GE Jenbacher انجن پسند کیئے ۔

" انھوں نے کہا کہ " GE Jenbacher انجن پاکستان میں ثابت شدہ ریکارڈ کے حامل ہیں اور سخت حالات میں اعتماد اور بہتر کارکردگی کے ساتھ بجلی پیدا کر سکتے ہیں۔" جی ای پاکستان کے پریذیڈنٹ اورCEO صارم شیخ نے کہا کہ"ٹیکسٹائل اور اس سے متعلقہ دیگر شعبے پاکستان کی معیشت میں اہم درجہ رکھتے ہیں اور GE Jenbacher پچھلی دو دہائیوں سے ان کی پسند چلی آ رہی ہے۔

"2013-14 کے اکنامک سروے آف پاکستان کے مطابق ملکی جی ڈی پی میں ٹیکسٹائل اور اس سے متعلقہ شعبوں کا حصہ 8فیصد ہے اور ایک کروڑ سے زیادہ خاندانوں کا روزگار ان شعبوں سے وابستہ ہے- "بجلی اور گیس کی مسلسل فرہمی ان شعبوں کی ترقی کے لیے ضروری ہے اور جی ای کو ایسی ٹیکنالوجیز فراہم کرنے پر فخر ہے جو نہ صرف اس اہم سیکٹر کو مستحکم کرتی ہیں بلکہ مقامی آبادی کی بجلی کی ضروریات پوری کرنے میں بھی مدد دیتی ہیں۔

"GE پاکستان کی ترقی میں ایک دیرینہ پارٹنر ہے۔ GE کی تیار کردہ ٹیکنالوجیز آج پاکستان کی 25 فیصد سے زیادہ بجلی پیدا کر رہی ہیں۔پاکستان دنیا کے ان چند ملکوں میں سے ہے جہاں Jenbacher انجنوں کی تعداد سب سے زیادہ ہے۔1990 کی دہائی سے اب تک پاکستان میں ایک ہزار سے زیادہ یونٹ فروخت ہو چکے ہیں۔ان کی کارکردگی31 ملین گھنٹے ریکارڈ کی جا چکی ہے۔ٹیکسٹائل، کیمیکلز اور مینو فیکچرنگ سیکٹر اور یوٹیلیٹیز سمیت،ملک کی بعض اہم صنعتوں کے لیئے یہ یونٹس 1,445 میگاواٹ بجلی پیدا کرتے ہیں۔

قدرتی گیس، flare gas ،بائیو گیس، بائیو ماس اورlandfillگیس سمیت گیس کی مختلف اقسام اور گیس والے ایندھن کی دوسری اقسام کو استعمال کرنے کی صلاحیت کے حامل Jenbacher انجن ،صنعتی اداروں اور یوٹیلیٹیز کو موقع پر بجلی کی ضروریات قابل بھروسہ طریقے سے پوری کرنے میں مدد دیتے ہیں۔یہ انجن GE کے ecomagination portfolio کا حصہ ہیں ،جس میں شامل ہونے کے لئے مصنوعات اور خدمات کو بہتر معاشی قدرو قیمت اور ماحولیاتی، دونوں اعتبار سے اعلیٰ معیار کا مظاہرہ کرنا چاہیئے۔