ایف پی سی سی آئی ٹرانسپیرنسی، سیکورٹی اور مانیٹرنگ کی حمایت کرتا ہے، صدرفیڈریشن

کراچی(اُردو پوائنٹ اخبارتازہ ترین - آن لائن۔ 20 نومبر2023ء) صدر ایف پی سی سی آئی عرفان اقبال شیخ نے کہا ہے کہ عالمی تجارت میں ٹرانسپیرنسی، سیکیورٹی اور مانیٹرنگ میکنزم کا قیام بہت ضروری ہی؛کیونکہ یہ تجارتی پارٹنرزکے درمیان اعتماد کی فضا پیدا کرتا ہے اور نتیجتاً دوطرفہ، علاقائی اور کثیر الجہتی تجارت کو بڑھاتا ہے۔ وہ انٹرنیشنل سینٹر فار ٹریڈ ٹرانسپیرنسی اینڈ مانیٹرنگ (ICTTM) کے ہائی پروفائل سیشن سے بطور کلیدی ا سپیکر خطاب کر رہے تھے۔

عرفان اقبال شیخ نے نشاندہی کی کہ پاکستان کو ایڈوانسڈ ڈیٹا اینالیٹکس اینڈ ماڈلنگ فار فارن ٹریڈ ڈیٹا (ADAMftd) کو اپنانے کی ضرورت ہے ؛جو کہ ICTTM کا ایک اہم اقدام ہی؛ خاص طور پر اس میں ہسٹاریکل اور رئیل ٹائم دونوں انداز کے ٹریڈ ڈیٹا کے تجزیے کے طریقہ کار میں انقلاب برپا کرنے کی صلاحیت موجود ہے۔

(جاری ہے)

انہوں نے مزید کہا کہ ADAMftd پلیٹ فارم بین الاقوامی تجارتی سر گرمیوں میں شفافیت، سیکورٹی اور کارکردگی کو یقینی بنائے گا۔

یہ بات قابل ذکر ہے کہ پاکستان کے اعلیٰ ادارے، ایف پی سی سی آئی اورICTTM نے مفاہمت کی یادداشت پر دستخط کرکے ایک اہم سنگ میل عبور کیا ہے اور یہ شراکت داری بین الاقوامی تجارت میں شفافیت کو بڑھانے کے لیے مشترکہ عزم کی نشاندہی کرتی ہے۔ عرفان اقبال شیخ نے مزید کہا کہ بین الاقوامی تجارت کا کسٹم اور تجارتی طریقہ کار پر بہت زیادہ انحصار ہے اور شفافیت، پلاننگ اور تجارتی پروسیجرز کو پائیدار بنیادوں پر آسان بنانے کے لیے بنیادی میکانزم، برآمدات اور درآمدات کے طریقہ کار، قواعد و ضوابط اور قانونی فریم ورک اہم ضروریات ہیں۔

صدر ایف پی سی سی آئی عرفان اقبال شیخ نے وضاحت کی کہ بین الاقوامی تجارت اور متعلقہ خدمات میں دنیا بھر میں ہم آہنگی اور تعاون کو بہتر بنانے سے لین دین کی لاگت میں کمی آئے گی اور عالمی لین دین کو فروغ ملے گا۔ قابل اعتماد اور مستند ڈیٹا کی اہمیت وہ اہم عوامل ہیں جو سرحد پار تجارت پر اثر انداز ہوتے ہیں۔عرفا ن اقبال شیخ نے اس بات پر زور دیا کہ جدید ٹیکنالوجی نے پہلے ہی عالمی سپلائی چینز کو نمایاں طور پر خودکار کر دیا ہے۔

سرحد پار تجارت کو آسان بنانے کے لیے جدید ترین ٹیکنالوجیز کے استعمال کی گنجائش اور ان کے فوائد ان پر اٹھنے والے اخراجات سے کہیں زیادہ ہیں اور بین الاقوامی تنظیموں، حکومتوں، پرائیویٹ سیکٹر، یونیورسٹیوں ، دیگر اسٹیک ہولڈرز اور ICTTM کے ادارے نے اس ٹیکنالوجی کی تر قی میں اہم کردار ادا کیا ہے ۔صدر ایف پی سی سی آئی عرفان اقبال شیخ نے روشنی ڈالی کہ سرحد پار تجارت ایک پیچیدہ عمل ہے جس کے لیے جدید ٹیکنالوجی کی ضرورت ہے اور نئی ٹیکنالوجی نا اپنانے والے ملکوں کے لیے یہ عمل اور بھی پیچیدہ ہو جائے گا۔ تاہم ،نئی ٹیکنالوجی پاکستان کو آگے بڑھنے میں بھرپور مدد فراہم کر سکتی ہے اور ہمیں جہاز رانی کو ترقی دینے اور اپنی ایکسپورٹ بڑھانے میں آسانی و سرعت میسر آسکتی ہی