سام سنگ پاکستان نے گیلکسی ایس6 اور ایس6 ایج اسمارٹ فون متعارف کرادیئے

اسلام آباد(اُردو پوائنٹ اخبار تازہ ترین۔ 18اپریل۔2015ء) سام سنگ الیکٹرانکس کمپنی لمیٹڈنے پاکستانی صارفین کیلئے اپنے جدیدترین اسمارٹ فونزگیلکسیS6 اورS6 EDGEمتعارف کرادیئے ہیں ۔یہ دونوں ڈیوائسزعالمی مارکیٹ میں فروخت اور مقبولیت کے ریکارڈ قائم کرچکے ہیں اور پاکستان میں ٹیکنالوجی کے دلدادہ افراد بڑی شدت سے اس کا مارکیٹ میں پہنچنے کا انتظارکررہے تھے ۔

سام سنگ پاکستان کے زیراہتمام گزشتہ روز دونوں شاہکار مصنوعات کی تعارفی تقریب یہاں منعقد ہوئی جس میں فلم ، ٹی وی ، شوبزکی مشہور شخصیات ،سرکردہ کاروباری اورسماجی افراد نے کثیرتعداد میں شرکت کی ۔جنھیں اس موقع پران دلکش مصنوعات کواستعمال کرنے کا تجربہ بھی کرایا گیا۔ پاکستان اور افغانستان کیلئے سام سنگ موبائل ڈویژن کے سربراہ فرید اللہ جان نے کہا کہ ہمارے صارفین کی بدلتی ہوئی ضروریات سام سنگ کی بنیادی توجہ کا مرکز ہیں۔

(جاری ہے)

یہی وجہ ہے کہ ان نئی مصنوعات کیلئے بڑی تعداد میں پری آرڈرز موصول ہوئی ہیں ۔دونوں سمارٹ فونز میں طاقتور ایپلی کیشنزکے حقیقی لامتنائی سلسلے اورکنکٹیوٹی آپشنزکے فیچرز، صارفین کی سماجی اور پیشہ ورانہ زندگی کو تبدیل کرنے کا وعدہ کرتے ہیں اوریہ انتہائی تیز رفتار اور آسان ،کثیرالمقاصد تفریح اور معلومات اور بے مثال کیمرے کی خصوصیات فراہم کرتے ہیں۔

S6 اور S6 EDGE کی فیوچرسٹک پرفارمنس دنیا کی پہلی 14nm ٹیکنالوجی کے ساتھ 64 بٹ پروسیسر ہے جو اس کو 20 فیصد تیز اور 35 فیصد زیادہ موثر بناتا ہے۔یہ OctaCore ایپلی کیشنز پروسیسر (2.1GHz کواڈ، 1.5GHz کواڈ اور اینڈرائیڈ 5.0 Lollipop OS ) پرچلتا ہے جبکہ اس کی ریم 3GB اورانٹرنل میموری +32GB ہے ۔سمارٹ فونزکا متحرک 5.1 انچ Quad HD 577ppi، سپر AMOLED ڈسپلے، اب تک کی سب سے زیادہ پکسل کثافت فراہم کرتا ہے۔

Galaxy S6 EDGE کی منفرد خم دارڈول ایج سکرین کثرت سے استعمال کئے جانیوالے ایپلی کیشنز، الرٹس اورفنکشنلٹی تک انگوٹھے کی معمولی جنبش سے تیزترین رسائی فراہم کرتے ہیں ۔صارفین ویڈیو زدیکھتے وقت بھی ’ایج سکرین ‘ پر براہ راست نوٹیفیکیشنزحاصل کر سکتے ہیں۔Galaxy S6 شیشے اور دھات کے ایک کامل مجموعہ کے ساتھ نقصان مزاحم کارننگ گوریلا گلاس4 اورایک خصوصی دھات سے تیارکیا گیا ہے جواس کو کسی بھی دوسرے اسمارٹ فون کے مقابلے میں 50 فیصد زیادہ مضبوط بناتا ہے ۔

یہ 16MP, OISریئر اور5MPفرنٹ کیمرہ سے لیس ہے جو f1.9 لینز اور HDR کے ساتھ 60 فیصد زیادہ روشن اور واضح تصویرکشی کرتا ہے۔سام سنگ نے ان آلات میں 2550 mAh بیٹریزکی سپرچارجنگ ، بلٹ ان وائرلیس چارجنگ فیچر کے ذریعے ایک بڑی پیش رفت حاصل کی ہے جو محض 10 منٹ کی چارجنگ فون کو 4 گھنٹے تک استعمال کرنے کے قابل بناتا ہے۔گیلکسی S6 & S6 ایج 4G/LTE اب M&P / GT کی ڈسٹریبوشن میں پورے پاکستان میں آفیشل وارنٹی میں دستیاب ہے ۔یہ آفیشل ڈیوائسز اپنی نوعیت کے حادثاتی کوریج پلس پروگرام کے ساتھ آتے ہیں۔