اشیائے خوردونوش کی قیمتیں اعتدال پر رکھیںاور ناجائز منافع خوری اور مصنوعی قلت پید ا کرنے سے گریز کریں،ڈپٹی کمشنرکوہاٹ

پشاور(اُردو پوائنٹ اخبارتازہ ترین - این این آئی۔ 12 جنوری2017ء) ڈپٹی کمشنر کو ہاٹ ا کمل خان خٹک نے تاجر برادری کو تاکید کی ہے کہ وہ اشیائے خوردونوش کی قیمتیں اعتدال پر رکھیںاور ناجائز منافع خوری اور مصنوعی قلت پید ا کرنے سے گریز کریں۔انہوں نے متنبہ کیا کہ خلاف ورزی کرنے والے تاجروں اور دکانداروں کے خلاف قانون کے تحت ضرور کاروائی کی جائے گی تاہم ناجائز اور بھاری جرمانوں سے گریز کیا جائے گا۔

یہ انتباہ انہوں نے ضلعی پرائس ریویو کمیٹی کے ایک اجلا س کی صدارت کرتے ہوئے کیا ۔اجلاس میں دوسروں کے علاوہ اسسٹنٹ کمشنر کوہاٹ محمد عمیر، اسسٹنٹ کمشنر لاچی عرفان الله، ایڈیشنل اسسٹنٹ کمشنرز خالق داد وزیر ،اقرار علی شاہ، نثار حسین، ڈسٹرکٹ فوڈ کنٹرولر خان زمان خٹک اور صدر تاجر ایکشن کمیٹی عابد پراچہ کے علاوہ مختلف بازار یونین کے صدور اور نمائندوں نے شرکت کی۔

(جاری ہے)

ڈی ایف سی نے مختلف اشیائے خورد و نوش کے نرخ مقرر کرنے او رکنٹرول میکنزم سے متعلق تفصیلی بریفنگ دی ۔ اجلاس میں مندرجہ ذیل روزمرہ اشیائے خوردونوش کی قیمتیں متفقہ طور پر منظور کر لی گئیں۔ان اشیاء میں چاول کائنات نمبر1 (95)روپے کلو، چاول سیلہ کرنل نمبر1 (80)روپے،چاول سیلہ نمبر2(80) روپے، چاول باسمتی نمبر1(95) روپے،چاول باسمتی ٹوٹا65روپے،چاول ایری نمبر6(40)روپے،چاول جوشی40روپے،چنا سفیدنمبر1(9mm)180روپے ،چنا سفید نمبر 2(8mm) 160روپے ،چنا سفید 3(7mm) 150روپے ،دال چنا نمبر1(160) روپے ، دال چنا نمبر2(150) روپے، مالکہ مسور130روپے،دال مسور110روپے، لوبیہ چائنہ نمبر1(110) روپے، لوبیہ چائنہ نمبر2(95) روپے،دال ماش دھوتی نمبر1(170)روپے،دال ماش نمبر2(160) روپے،دال ماش کورمی چھلکا180روپے،دال مونگ دھوتی110روپے،دال مونگ سبز موٹی120روپے،دال مونگ سبز باریک100روپے،مونگ سالم سبز موٹی100روپے،مونگ سالم سبز باریک100روپے،بیسن دال چنا نمبر1(160)روپے،بیسن چنا نمبر2(70)روپے،سالن مصالحہ240روپے،میدہ 50روپے،سوجی 50روپے، کینیا چائے نمبر1(600)روپے، دودھ فی لیٹر 80روپے، دہی فی کلو 85روپے، دودھ پتی چائے فی کپ 20روپے،چائے سادہ فی کپ 10روپے،تندوری روٹی (160)گرام 10روپے،چپلی کباب فی کلو 280روپے، سیخ کباب فی درجن 110روپے،چھوٹا گوشت650روپے،موٹا گوشت 280روپے،مچھلی تازہ 200روپے، مچھلی روسٹ320روپے،مٹھائی سپیشل میکس 240روپے،مٹھائی سادہ 140روپے،ڈبل روٹی سادہ (700)گرام65روپے، ڈبل روٹی ملکی ( 800)گرام 70روپے،سموسہ فی عدد 10روپے اور پکوڑہ 180فی کلو شامل ہیں۔

اجلاس میں پرائس مجسٹریٹوں کو روزمرہ کی بنیاد پر مختلف بازاروں پر چھاپے لگانے، تمام دکانداروں کو نمایاں مقامات پر نرخ نامے آویزاں کرنے اور حفظا ن صحت کے اصولوں کے مطابق اشیائے خوردونوش بیچنے کو یقینی بنانے کی ہدایت کی گئی۔ ڈپٹی کمشنر نے تمام دودھ فروش ڈیلروںسے نمونے حاصل کرنے کی تلقین کرتے ہوئے کہا کہ ناقص اور ملاوٹ شدہ دودھ بیچنے والوں پر لائٖف ٹائم پابندی عائد کی جائیگی۔

انہوں نے یقین دلایا کی سرکاری مذبحہ خانے میں تمام سہولیات فراہم کرنے کے لئے اقدامات اٹھائے جائیں گے۔صدر تاجر ایکشن کمیٹی عابد پراچہ اور دیگر نے ماہانہ بنیاد پر باقاعدگی سے کمیٹی اجلاس بلانے کا مطالبہ کیا۔انہوں نے ناجائز تجاوات کے خلاف مہم اور صفائی کی حالت بہتر بنانے کیلئے اقدامات اٹھانے کے سلسلے میں انتظامیہ کو مکمل تعاون کا یقین بھی دلایا۔