پاکستان اسٹاک ایکسچینج (پی ایس ایکس) میں تیزی کا رجحان رہا

کراچی ۔ (اُردو پوائنٹ اخبارتازہ ترین - اے پی پی۔ 20 جنوری2017ء) پاکستان اسٹاک ایکسچینج (پی ایس ایکس) میں تیزی کا رجحان رہا، کے ایس ای 100 انڈیکس 351.01 پوائنٹس کے اضافے سے 49364.83 پوائنٹس پر بند ہوا، مارکیٹ سرمایہ میں 75 ارب 44 کروڑ 92 لاکھ 6 ہزار 385 روپے کا اضافہ ہوگیا جبکہ خرید و فروخت میں بھی 32 لاکھ 26 ہزار 660 حصص کا اضافہ ریکارڈ کیا گیا تاہم تجارتی حجم میں 37 کروڑ 82 لاکھ 39 ہزار 510 روپے کی کمی رونماء ہوئی۔

تفصیلات کے مطابق کاروباری ہفتے کے آخری روز جمعہ کو پی ایس ایکس میں تیزی کا رجحان رہا اورکے ایس ای 100 انڈیکس 49100، 49200 اور 49300 پوائنٹس تین کی بالائی نفسیاتی حدیں عبور کرتے ہوئے 351.01 پوائنٹس کے اضافے سے 49364.83 پوائنٹس تک جاپہنچا جبکہ کے ایس ای 30 انڈیکس بھی 135.73 پوائنٹس کی تیزی سے 26436.65 پوائنٹس پر بند ہوا۔

(جاری ہے)

مارکیٹ میں اتار چڑھائو کے بعد کے ایس سی آل شیئر انڈیکس 261.06 پوائنٹس کا اضافہ رونماء ہوا جبکہ کے ایم آئی 30 انڈیکس میں 702.39 پوائنٹس کی تیزی ریکارڈ کی گئی۔

اسی طرح بینکس ٹریڈ ایبل (بی اے ٹی آئی) انڈیکس 68.72 پوائنٹس کے اضافے سے 20260.19 پوائنٹس پر بند ہوا جبکہ آئل اینڈ گیس ٹریڈ ایبل (او جی ٹی آئی) انڈیکس 58.01 پوائنٹس کی تیزی سے 17986.28 پوائنٹس پر بند ہوا۔ حصص کی خرید و فروخت میں تیزی کی وجہ سے پی ایس ایکس - کے ایم آئی انڈیکس 177.58 پوائنٹس کے اضافے سے 23842.47 پوائنٹس کی سطح پر بند ہوا۔ مارکیٹ میں مجموعی طور پر 425 کمپنیوں کے حصص کا لین دین ہوا جن میں سے 262 کمپنیوں کے حصص کی قیمتوں میں تیزی، 154 کمپنیوں کے حصص کے بھائو میں مندی اور 9 کمپنیوں کے حصص کی قیمتوں میں استحکام رہا۔

سب سے زیادہ تیزی باٹا (پاکستان) کے حصص کی قیمتوں میں ہوئی جس کے حصص کی قیمت 198.79 روپے کے اضافے سے 4190.99 روپے پر بند ہوئی۔ اسی طرح پاک ٹوبیکو کے حصص کی سودے بھی 59.15 روپے کی تیزی سے 1385 روپے پر بند ہوئے۔ سب سے زیادہ مندی ویتھ پاک لمیٹڈ اور یونی لیور فوڈز کے حصص کی قیمتوں میں ہوئی۔ ویتھ پاک لمیٹڈ کے حصص کی قیمت 92.51 روپے کی مندی سے 4739.99 روپے اور یونی لیور فوڈز کے حصص کی قیمت بھی 50 روپے کی کمی سے 5900 روپے رہ گئی۔

سب سے زیادہ کاروبار ٹیلی کارڈ لمیٹڈ کے حصص میں ہوا جو 4 کروڑ 90 لاکھ 57 ہزار شیئرز رہا جس کی قیمت 5.25 روپے سے شروع ہو کر 5.55 روپے پر بند ہوئی جبکہ فیصل بینک کے 2 کروڑ 98 لاکھ 23 ہزار حصص کے سودے 28.98 روپے سے شروع ہو کر 27.11 روپے بند ہوئے۔ مجموعی طور پر 45 کروڑ 97 لاکھ 24 ہزار 490 حصص کا کاروبار ہوا جس کا تجارتی حجم 22 ارب 90 کروڑ 10 لاکھ 25 ہزار 247 روپے رہا۔ مارکیٹ کیپیٹل 98 کھرب 29 ارب 39 کروڑ 38 لاکھ 78 ہزار 179 روپے سے بڑھ کر 99 کھرب 4 ارب 84 کروڑ 30 لاکھ 84 ہزار 564 روپے ہو گیا۔ فیوچر ٹریڈنگ میں 128 کمپنیوں کے حصص کی قیمتوں میں تیزی، 19 کمپنیوں کے حصص کی قیمتوں میں مندی اور ایک کمپنی کے حصص کی قیمت میں استحکام رہا جبکہ 5 کروڑ 86 لاکھ 23 ہزار 500 حصص کا کاروبار ہوا۔