بند کریں
پکوان تمام ترا کیبپنجابی کھانےمکھن لہسن نان
مکھن لہسن نان
ایک نفیس ذائقے کی حامل خمیری روٹی جسے تندور (تنور) میں پکایا جاتا ہے

ایک نفیس ذائقے کی حامل خمیری روٹی جسے تندور (تنور) میں پکایا جاتا ہے۔ ایک تندور (تنور) مٹی سے بنایا جاتا ہے اور اس کے بارے میں کہا جاتا ہے کہ اس کا ماخذ پرشیا ہے۔ آج کل کے جدید دور کے ایران میں ہنور اس تندور (تنور) کو استعمال کیا جاتا ہے اور شمالی ہند کے کئی گھرانوں میں بھی اسے استعمال کیا جاتا ہے۔
میں نے نان کے آٹے میں پودینہ کے کچھ پسے ہوئے پتے بھی شامل کر دیے ہیں تاکہ نان کی مہک اور خوشبو میں اضافہ ممکن ہو سکے اور اس کی ظاہری شکل و صورت میں بھی مزید بہتری نمایاں ہو سکے۔
تندور (تنور) کی بجائے یہ نان ایک پریشر ککر کی سائیڈوں کے ساتھ چپکا کر اسے گیس کے اوپر الٹا کرتے ہوئے گیس پر بھی پکائے جا سکتے ہیں۔
اگر آپ کے پاس گیس کا تندور (تنور) موجود ہے تب آپ انہیں اس میں بھی پکا سکتے ہیں۔
میں نے نان چھوٹے سائز کے بنائے ہیں تاکہ وہ تیزی کے ساتھ پک کر تیار ہو سکیں۔
تیاری کا دورانیہ ۔۔۔۔۔۔۔۔۔۔۔۔۔۔۔۔۔۔۔۔۔۔ 15 منٹ
پکانے کا دورانیہ۔۔۔۔۔۔۔۔۔۔۔۔۔۔۔۔۔۔۔۔۔۔ 15 منٹ
6 عدد نان تیار ہوتے ہیں۔

اجزائے ترکیبی (Ingredients)

پیس کر ایک رف پیسٹ بنانے کے لیے
(To be Ground Into A Coarse Paste)
-1 کپ لہسن کی پوتھیاں
-2 1چائے کا چمچ زیرہ
-3 2عدد سبز مرچیں… کٹی ہوئی
-4 1 کھانے کا چمچ لیموں کا رس (جوس)
-5 1کھاے کا چمچ چینی

دیگر اجزائے ترکیبی (other Ingredients)
-1 1 کپ میدہ۔
-2 چائے کا چمچ تازہ خمیر۔ ریزہ ریزہ کردہ۔
-3 چائے کا چمچ چینی۔
-4 کھانے کا چمچ آئل۔
-5 چائے کا چمچ نمک۔
-6 چکنا کرنے کے لیے آئل۔
-7 لگانے کے لیے مکھن۔

تیاری (Preparation)
-1 خمیر اور چینی 2 کھانے کے چمچ نیم گرم پانی میں تحلیل کریں۔
-2 10 منٹ تک ایک جانب پڑا رہنے دیں یا اس وقت تک پڑا رہنے دیں حتیٰ کہ خمیر اٹھنے لگے۔
-3 پسی ہوئی پیسٹ سمیت تمام اجزائے ترکیبی ایک پیالے میں باہم یکجا کریں۔
-4 معقول مقدار میں پانی استعمال کرتے ہوئے انہیں نرم گوندھے ہوئے آٹے کی شکل میں گوندھ لیں حتیٰ کہ یہ لچکدار اور ہموار بن جائے (تقریباً 5 تا7 منٹ) ۔
-5 ایک گیلے کپڑے کے ساتھ گوندھے ہوئے آٹے کو ڈھانپ دیں۔
-6 ایک جانب رکھ دیں حتیٰ کہ یہ حجم میں دوگنا بن جائے (تقریباً 15 تا 20 منٹ)
-7 گوندھے ہوئے آٹے کو ہلکے پھلکے انداز میں دبائیں تاکہ ہوا خارج ہو جائے۔
-8 آٹے کو 6 مساوی حصوں میں تقسیم کریں۔
-9 ہر ایک حصے کو 100 ملی میٹر (4 انچ) قطر کے دائرے کی شکل دیں۔
-10 ایک پریشر کُکر کو ہلکے پھلکے انداز میں آئل کے ساتھ چکنا کریں۔
-11 پریشر کُکر کا ڈھکنا ہٹا دیں۔
-12 پریشر کُکر کو الٹا کرکے ہلکے شعلے پر گرم کریں۔
-13 ہر ایک نان کی ایک سائیڈ پر تھوڑا سا پانی لگائیں۔
-14 نان کی گیلی سائیڈ پریشر کُکر کی دیوار کے ساتھ چپکا دیں۔
-15 پریشر کُکر کو الٹا کر کے براہِ راست شعلے پر رکھیں۔
-16 اس وقت تک پکائیں حتیٰ کہ دونوں سائیڈیں سنہری براؤن رنگت کی حامل بن جائیں۔
-17 آپ ایک وقت میں 3 تا 4نان پریشر کُکر کی دیواروں کے ساتھ چپکا سکتے ہیں۔
-18 نان پریشر کُکر سے باہر نکالیں۔
-19 ان پر مکھن لگائیں۔
-20 گرما گرم ہی کھانے کے لیے پیش کریں۔

(0) ووٹ وصول ہوئے