Aloo Chaap Recipe In Urdu - Recipe No. 553

اشیاء:۔
چانپ آدھ سیر
آلو آدھ سیر
ادرک ایک چھوٹی گانٹھ
لہسن نوجوے
انڈلے دو عدد
ڈبل روٹی کا چورا حسب ضرورت
نمک حسب ذائقہ
سرخ مرچ آدھ پاؤ
گھی آدھ پاؤ
ترکیب:۔
ادرک اور لہسن کو جوے پیس کر ان میں نمک اور مرچیں ملا لیجئے۔ پھر چانیوں پر اس مرکب کا گاڑھا لیپ کر دیجئے اور انہیں کچھ دیر کھلی فضا میں پڑا رہنے دیجئے۔ پھر فرائی پان میں تھوڑا سا گھی ڈال کر اسے گرم کرنے کے بعد چانپ فرائی پین میں بچھا دیئجے اور انہیں ہلکی آنچ پر سکنے دیجئے۔ کچھ دیر بعد انہیں کفگیر سے پلٹ کر اس رخ بھی کچھ دیر تک سینکیے۔ اپنا پانی چھوڑیں گے اور اسی پانی میں گل بھی جائیں گے اس لیے آپ کو فرائی پان میں پانی ڈالنے کی ضرورت نہیں ہو گی۔ کسی اور برتن میں آلو ابالنے کے لیے چولہے پر رکھ دیں او ران کے نیچے تیز آنچ کریں۔ برتن کا منہ ڈھانک دیں تاکہ آلو بھاپ سے پک سکیں۔ جب آلو گل جائیں تو چولہے سے اتار کر پانی میں سے نکال لیں اور سل پر پیس کر ان میں نمک اور پسی ہوئی کالی مرچیں ملا لیں۔ اس وقفے میں چانپ گل چکے ہوں گے۔ آپ ان کے دونوں طرف آلو کا یہ بھرتا لیپ دیں اور انڈوں کی زردی اور سفیدی کو پھینٹ کر چانیوں کو ان میں ڈبوئیں اور اوپر ڈبل روٹی کا چورا لگا کر گھی میں تل لیں آنچ ہلکی رکھیں۔