Delhi Biryani Recipe In Urdu - Recipe No. 1881

اجزاء:
بکرے کا گوشت ڈیڑھ کلو
چاول باسمتی ایک کلو(بیس منٹ کے لئے بھگو دیں)
دہی تین پاؤ
پیاز کلو(باریک کاٹ کر فرائی کر لیں)
ادرک(پسی ہوئی) دو کھانے کے چمچ
لہسن(پسی ہوئی) دو کھانے کے چمچ
کالا زیرہ چائے کا چمچ
ثابت کالی مرچ ایک چائے کا چمچ
ثابت لونگ ایک چائے کا چمچ
چھوٹی الائچی آٹھ عدد(ایک کھانے کا چمچ کیوڑے میں پسی ہوئی)
بڑی الائچی چار عدد
دار چینی چار ٹکڑے
کڑی پتہ دو عدد
لیموں ایک عدد
زردہ کارنگ چائے کا چمچ
جاوتری جائفل چائے کا چمچ
ترکیب:
سب سے پہلے پیاز گھی میں ڈال کر گلابی براؤن کر لیں اور اس کو نکال لیں پھر اس میں گھی میں سادا ثابت گرم مصالحہ ڈال کر گوشت ڈال کر پکائیں اور پانی خشک کر لیں اور پھر ادرک، لہسن ملا کر بھون لیں اس کے بعد تھوڑا تھوڑا دہی ڈال کر بھون لیں۔ آخر جاوتری، جائفل ،کیوڑا، چھوٹی الائچی ڈال کر دم دے دیں۔
#چاول کو تھوڑا سا ثابت گرم مصالحہ اور لیموں کا رس اور نمک ڈال کر اُبال لیں، جب چاول دو کنی اُبل جائیں تو چھان لیں، پھر چاول والی دیگچی میں نیچے چاول کی تہہ پھر گوشت کی پھر تلی ہوئی پیاز کی اور پھر چاول کی تہہ لگائیں ۔ آخر میں تلی ہوئی پیاز، زیرہ، الائچی، جاوتری ،جائفل مکس کر کے ڈال دیں اور پھر رنگ ڈال کر اور لیموں کا رس ڈال کر پندرہ منٹ کا دم لگا دیں۔ سلاد رائتہ اور شامی کباب کے ساتھ سرو کریں۔