Gobhi Pulao Recipe In Urdu

گوبھی پلاؤ بنانے کی ترکیب

Urdu cooking recipe of Gobhi Pulao, learn easy method to make it, This recipe has all the ingredients of it, with easy step by step instructions and methods to make it and cook it. Gobhi Pulao is a Biryani And Pulao, and listed in the biryani aur pulao. Other Urdu cooking recipes and video cooking recipes are also available online.
Gobhi Pulao Recipe In Urdu

اشیاء:
چاول دو کپ
لوبیا چوتھائی کپ
تیل چار چمچ
پھول گوبھی ایک چوتھائی
بند گوبھی ایک چوتھائی
آلو دو عدد
مٹر آدھ کپ
پیاز دو عدد
دار چینی دو انچ ٹکڑا
تیز پات دو عدد
نمک حسب ذائقہ
گھی چوتھائی کپ
زیرہ ایک چمچ
سونف ایک چمچ
ہری مرچیں چار عدد
ادرک پیسٹ ایک چمچ
ہرا دھنیا دو چمچ کٹا ہوا
پو دینہ دو چمچ کٹا ہوا
ہلدی آدھ چمچ
لال مرچ ایک چمچ
ٹماٹر پیسٹ ایک کپ
دہی ایک کپ
زعفران چٹکی بھر
عرق گلاب پانچ چمچ
ترکیب:
لوبیے اور مٹر کو ابال لیں۔ آلو چھیل لیں۔ ایک پین میں تیل گرم کر لیں اور اس میں تمام سبزیاں ڈال کر فرائی کر یں سوائے آلو کے اور پین سے نکال لیں، اس پین میں پیاز براؤن کر لیں۔ گرم پانی میں چاول ، دار چینی، تیز پات ، بڑی الائچی اور نمک ڈال دیں اور ابال آنے دیں۔ ابال آنے کے بعد آنچ ہلکی کر دیں اور چاول ایک کنی رکھ کر پکا لیں۔ ایک دیگچی میں گھی گرم کر یں اس میں زیرہ ، سونف ، ہری مرچیں اور ادرک کی پیسٹ ڈال دیں اور دو تین منٹ کے لئے فرائی کر یں۔ اس میں ہرا دھنیا اور پو دینہ ڈال دیں۔ پھر ہلدی پاؤڈر، دھنیا پاؤڈر، زیرہ اور لال مرچ پاؤڈر ڈال دیں اور اچھی طرح مکس کر لیں۔ دو منٹ پکانے کے بعد ٹماٹر پیسٹ اور دہی ڈال دیں۔ پھر اس میں لوبیا اور مٹر شامل کر دیں۔
ایک دیگچی میں پہلے چاول ڈالیں اس کے اوپر لوبیا اور مٹر والا مصالحہ، سبزیاں اور آلو ڈال دیں۔ اس کے اوپر تلا ہوا پیاز ڈال دیں۔ پھر عرق گلاب میں زعفران مکس کر کے ڈال دیں۔ اس دیگچی کو اچھی طرح ڈھک دیں اور سائیڈوں کو آٹے کی مدد سے سیل کر دیں۔ اس سے پہلے گرم کئے ہوئے اوون میں 180ڈگری پر تقریباََ آدھ سے پون گھنٹے کے لئے بیک کر یں یا اگر اوون نہ ہو تو دم پر لگائیں پھر گرما گرم رائتے کے ساتھ پیش کر یں۔

متعلقہ پکوان

(5279) ووٹ وصول ہوئے

More Recipes From Biryani And Pulao - مزید بریانی پلاؤ

More Recipes - مزید تراکیب