Halwa Nariyal (coconut) Recipe In Urdu

ناریل کا حلوہ بنانے کی ترکیب

Urdu cooking recipe of Halwa Nariyal (coconut), learn easy method to make it, This recipe has all the ingredients of it, with easy step by step instructions and methods to make it and cook it. Halwa Nariyal (coconut) is a Fruit Dishes, and listed in the fruit dishes. Other Urdu cooking recipes and video cooking recipes are also available online.
Halwa Nariyal (coconut) Recipe In Urdu

اشیاء:
کچا ناریل ایک کلو
چینی تین کلو
گھی 350ملی لیٹر
انڈے 10عدد
زعفران ایک چٹکی
الائچی سبز 10عدد
لونگ دو عدد
بالائی 350گرام
کشمش 16دانے
پستہ 10دانے
کیوڑا ایک بڑا چمچہ
اخروٹ کی گری 50گرام
ترکیب:
کچا ناریل اوپر سے کھرچ لیجئے۔ پھر سل پر نہایت باریک پیس لیجئے۔ انڈوں کی سفیدی اتنی پھینٹئے کہ سفید جھاگ آجائے اور آدھ گھنٹے تک نہ بیٹھے۔ انڈوں کی زردی کو علیحدہ پھینٹ لیجئے اور پھر دونوں کوملا کر پھینٹئے۔ تین کلو چینی میں 4لیٹر پانی ڈال کر پکائیے اور ایک تار کی چاشنی تیار کر لیجئے۔ کشمش صاف کر کے پانی میں بھگو دیجئے۔ پھول جائے تو نکال لیجئے۔ اخروٹ کی گری اور پستہ دھو کر صاف کر لیجئے ، بالائی پھینٹ لیجئے۔ ایک کھلے منہ کی دیگچی میں گھی کڑ کڑائیے۔ اس میں سبز الائچیاں اور لونگیں بھون لیجئے۔ خوشبو آنے لگے تو ناریل ڈال کر ہلکے بادامی رنگ پر بھون لیجئے۔ پھر اس میں پھینٹے ہوئے انڈے ، پھینٹی ہوئی بالائی۔ زعفران چاشنی، کشمش، پستہ اور اخروٹ کی گری ڈال دیجئے۔ ہلکی آنچ پر آہستہ آہستہ پکائیے اور چمچہ ہلاتے رہیے۔ شیرہ ، دودھ اور پانی خشک ہو جائے حلوہ گھی چھوڑ دے اور خوشبو دینے لگے تو کیوڑ ڈال کر اتار لیجئے اور چند منٹ کے لئے ڈھکا رہنے دیجئے۔ پھر پلیٹوں میں نکال کر چاندی کے ورق لگا دیجئے۔

متعلقہ پکوان

(2171) ووٹ وصول ہوئے

More Recipes From Fruit Dishes - مزید پھلوں کے پکوان

More Recipes - مزید تراکیب