Jalebi Ka Halwa Recipe In Urdu

جلیبیوں کا حلوہ بنانے کی ترکیب

Jalebi Ka Halwa Recipe In Urdu

اشیاء:
جلیبیاں ایک کلو
ناریل 500گرام
دودھ ایک لیٹر
بالائی 250گرام
چینی 350گرام یا حسب ذائقہ
گھی 350ملی لیٹر
بادام کی گری 50گرام
پستہ 25گرام
سبز الائچی 10عدد
چھوہارے دو عدد
کیوڑا ایک بڑا چمچہ
ترکیب:
ناریل کو دھو کر اوپر سے کھرچ کر باریک پیس لیجئے۔ دودھ کو ایک جوش پر ابال لیجئے۔ چولہے سے پتیلے کو اتار کر ذرا ٹھنڈا ہونے پر اس میں جلیبیاں توڑ کر ڈال دیجئے۔ جب وہ بھیگ جائیں اور دودھ ان میں خوب رچ جائے تو چمچے سے گھوٹ لیجئے۔ ایک کھلے منہ کے برتن میں گھی اچھی طرح گرم کیجئے اور میں سبز الائچیاں بھون لیجئے۔ خوشبو آنے لگے تو پسا ہوا ناریل ڈال کر بھون لیجئے۔ جب وہ بادامی رنگ کا ہو جائے تو دودھ، جلیبیاں اور بالائی پھینٹ کر ڈال دیجئے۔ ہلکی آنچ پر پکنے دیجئے۔ چمچہ چلاتے رہیے۔ چینی میں لٹر پانی ڈال کر چاشنی تیار کیجئے۔ ایک تار کی ہو جائے تو پکتی ہوئی جلیبیوں میں ڈال دیجئے۔ بادام باریک کتر کر ڈال دیجئے۔ چمچہ چلاتے رہیے اور ہلکی آنچ پرپکنے دیجئے۔ جب سب کچھ یک جان ہو جائے تو، دودھ خشک ہو جائے ، چاشنی جذبہ ہو جائے اور حلوہ گھی چھوڑ دے تو کیوڑا ڈال کر اتار لیجئے اور چند منٹ کے لئے ڈھکا رہنے دیجئے۔ پلیٹ میں حلوہ نکالیے۔ اس پر چاندی کے ورق لگائیے۔ پستہ باریک کر کے اوپر سجا کر رکھ دیجئے۔ دودھ میں چھوہارے ابال لیجئے۔ گل جائیں تو گٹھلی نکال لیجئے اور باریک کتر کر حلوے پر سجا دیجئے۔

متعلقہ پکوان

(2438) ووٹ وصول ہوئے

More Recipes From Halwa - مزید حلوہ بنانے کی تراکیب

More Recipes - مزید تراکیب

Urdu cooking recipe of Jalebi Ka Halwa, learn easy method to make it, This recipe has all the ingredients of it, with easy step by step instructions and methods to make it and cook it. Jalebi Ka Halwa is a Halwa, and listed in the Halwa Jaat. Other Urdu cooking recipes and video cooking recipes are also available online.